စွန့်ပစ် ပစ္စည်းကင်းစင်ရေး စီမံကိန်းတွင် အိမ်ရှင်မများအား ပညာပေးသူများအဖြစ် အင်ဒိုနီးရှား ခန့်အပ်

မတ် ၆၊ ၂၀၁၄
M-Media

– ၂၀၂၀ ခုနှစ်တွင် စွန့်ပစ်ပစ္စည်း ကင်းစင်သည့် နိုင်ငံဖြစ်လာရေး ပစ်မှတ်ထားလဆောင်ရွက်နေသည့် အင်ဒိုနီးရှားနိုင်ငံက နိုင်ငံအတွင်းရှိ မိသားစုများအတွင်း ထိုအစီအစဉ်နှင့် ပတ်သက်သည့် ပညာပေးမှုများ ပြုလုပ်ရန် အိမ်ရှင်မများအား တရားဝင်ခန့်ထားခဲ့သည်ဟု သိရသည်။

အိမ်ရှင်မများမှာ စွန့်ပစ်ပစ္စည်းကင်းစင်ရေး ဆောင်ရွက်ရာတွင် အသုံးပြုသည့် 3R(လျှော့ချ၊ ပြန်သုံး၊ ပြုပြင်) စနစ်ကို မိသားစုအတွင်း ပိုမိုသိမြင်လာရန်အတွက် ဆွဲဆောင် ပညာပေးရမည်ဖြစ်သည်။ အိမ်ရှင်မများ၏ ထိုဆောင်ရွက်မှုများမှာ တရားဝင်ဖြစ်ပြီး ပတ်ဝန်းကျင်ထိန်းသိမ်းရေး ၀န်ကြီး ကမ်ဘွာယာနှင့် မိသားစုအရေးကိစ္စနှင့် အသိပညာပေးရေးအဖွဲ့ PKK အဖွဲ့အကြီးအကဲ ဗီတာ ဂါမာဝမ် ဖောင်ဇီတို့က ယနေ့တွင် လက်မှတ်ထိုးကာ တရားဝင် တာဝန်ပေးခဲ့ခြင်းဖြစ်သည်။ PKK အဖွဲ့မှာ အမျိုးသမီးများ ဖွံ့ဖြိုးတိုးတက်ရေးအတွက် အင်ဒိုနီးရှားတွင် တရားဝင်လုပ်ဆောင်နေသော အဖွဲ့လည်းဖြစ်ပြီး၊ အင်ဒိုနီးရှားနိုင်ငံတစ်ဝှမ်း လှုပ်ရှားမှုများကို ဆောင်ရွက်နေသည့် အဖွဲ့လည်းဖြစ်သည်။

ဝန်ကြီး ကမ်ဘွာယာကမူ အဆိုပါစွန့်ပစ်ပစ္စည်း ကင်းစင်ရေး အစီအစဉ်၏ ပုံစံ၊ လုပ်ငန်းစဉ်နှင့် ထိုအစီအစဉ်အားလေးစားမှု စသည်တို့ကို ပြည်သူများ ပညာပေးရာတွင် မိသားစု အဆင့်က အလွန် အရေးကြီးကြောင်း ပြောကြားခဲ့သည်။

“စွန့်ပစ်ပစ္စည်းတွေနဲ့ ပတ်သက်တဲ့ စီးပွားရေးအလားအလာ တိုးတက်ဖို့နဲ့၊ အဲဒါတွေကနေ ကူးဆက်နိုင်တဲ့ ရောဂါတွေကို ရှောင်ရှားဖို့အတွက် ဒီလို အစီအစဉ်တွေဟာ အရေးကြီးပါတယ်” ဟု သူက ဆိုသည်။

နိုင်ငံ၏ စွန့်ပစ်ပစ္စည်းပြဿနာကို ကိုင်တွယ်ဖြေရှင်းရန် နိုင်ငံလုံးဆိုင်ရာလှုပ်ရှားမှုတစ်ခုကို အင်ဒိုနီးရှားနိုင်ငံက ဖေဖော်ဝါရီ ၂၄ ရက်နေ့တွင် စတင်ခဲ့ပြီး၊ ဖေဖော်ဝါရီ ၂၁ ရက်နေ့ကိုလည်း စွန့်ပစ်ပစ္စည်းများအတွက် အသိပညာပေးရေးနေ့အဖြစ် သတ်မှတ်ခဲ့သည်။

အင်ဒိုနီးရှားနိုင်ငံမှာ အရှေ့တောင်အာရှတွင် စီးပွားရေးအင်အား အကြီးဆုံးနိုင်ငံဖြစ်ပြီး လူဦးရေ ၂၃၇ သန်းရှိသည်။ ၂၀၂၅ ခုနှစ်တွင် နိုင်ငံ၏ လူဦးရေမှာ ၂၇၅ သန်းသို့ရောက်ရှိမည်ဟု ခန့်မှန်းထားပြီး၊ နိုင်ငံ၏ တစ်နေ့တာ စွန့်ပစ်ပစ္စည်းပမာဏမှာ အနည်းဆုံး တန်ချိန် ၁ သိန်း ၃ သောင်းရှိလာမည်ဖြစ်သည်။