ခရိုင်းမီးယား ခွဲမထွက်ရေး ယူကရိန်း နိုင်ငံတစ်ဝှမ်းတွင် ဆန္ဒပြမည်

မတ် ၉ ၊ ၂၀၁၄
M-Media

– ခရိုင်းမီးယားအရေးအတွက် ရုရှားနှင့် အနောက်နိုင်ငံများ အကြား မကျေလည်မှုများမှာ ပြေလည်မည့် လက္ခဏာ မတွေ့သေးဘဲ ယူကရိန်းထောက်ခံသူများက ထိုဒေသအား ယူကရိန်း ပိုင်နက်ဖြစ်ကြောင်း ထောက်ခံသည့် ဆန္ဒပြပွဲများကို နိုင်ငံ တစ်ဝှမ်းတွင် ပြုလုပ်ရန် စီစဉ်နေသည်ဟု သိရသည်။

မတ်လ ၉ ရက်နေ့ (ယနေ့)မှာ ယူကရိန်း အမျိုးသား သူရဲကောင်း ကဗျာဆရာ တာရက်စ် ရှက်ဖ်ချန်ကို၏ နှစ် ၂၀၀ မြောက်မွေးနေ့ဖြစ်ပြီး၊ ခရိုင်းမီးယားဒေသ အပေါ် ရုရှား၏ ထိန်းချုပ်ခြင်းအား ဆန့်ကျင်မှုကို ပြသရန် အတွက် ကိဗ်မြို့တွင် ဆန္ဒပြပွဲများပြုလုပ်ရန် ယူကရိန်းထောက်ခံသူများက စီစဉ်ထားကြသည်။

ရုရှားထောက်ခံသူများကလည်း နိုင်ငံအရှေ့ပိုင်း ဒိုးနက်မြို့တွင် တန်ပြန် ဆန္ဒပြမှုပြုလုပ်ရန် ရှိနေပြီး၊ ထိုမြို့တွင် ယူကရိန်းထောက်ခံသူများက ရှက်ဖ်ချင်ကို၏ အထိမ်းအမှတ် အခမ်းအနားကို ပြုလုပ်ရန် ရှိနေသောကြောင့် နှစ်ဖက် ပဋိပက္ခများဖြစ်ပွားနိုင်သည့် စိုးရိမ်ဖွယ်ရာ အခြေအနေ ရှိနေသည်။

ယူကရိန်း၏ ကိုယ်ပိုင် လက္ခဏာနှင့် အနာဂတ်တုိ့အတွက် နိုင်ငံ အတွင်း ငြင်းခုန်မှုများ ကျယ်ကျယ်ပြန့်ပြန့်ဖြစ်ပွားနေခြင်းက နိုင်ငံတကာ အဆင့်တွင် ရုရှားနှင့် အနောက်နိုင်ငံများ အကြား သဘောထား ကွဲလွဲမှုများကို တိုးမြှင့်ဖြစ်ပေါ်စေသည်။ ခရိုင်းမီးယားဒေသ အတွင်းသို့ နိုင်ငံတကာမှ လေ့လာသူများ မ၀င်ရောက်ရန် ရုရှားထောက်ခံသူများက ယမန်နေ့တွင် သတိပေးထားပြီး၊ ရုရှားကလည်း နျူလက်နက်များ စောင့်ကြည့်ရေး အစီအစဉ်တွင် ပါဝင်မှုကို ရပ်တန့်မည်ဟု ခြိမ်းခြောက်ထားသည်။

ခရိုင်းမီးယားဒေသအား ရုရှားနိုင်ငံအတွင်းသို့ ၀င်ရောက်ရန် အတွက် ပြီးခဲ့သည့် တစ်ပတ်က ခရိုင်းမီးယား ပါလီမန်က ဆုံးဖြတ်ခဲ့ပြီး၊ ယခုလ ၁၆ ရက်နေ့တွင် ထိုကိစ္စ အတွက် လူထုဆန္ဒခံယူပွဲပြုလုပ်ရန် သတ်မှတ်ထားသည်။ အမေရိကန်နှင့် ယူကရိန်းတို့က ထိုဆန္ဒခံယူပွဲမှာ ဥပဒေနှင့် မညီညွတ်ဟု ပြောဆိုထားသော်လည်း စီစဉ်ထားသည့်အတိုင်း လုပ်ဆောင်သွားမည်ဟု ခရိုင်းမီးယား ၀န်ကြီးချုပ်က ယမန်နေ့တွင် ထပ်လောင်းပြောကြားခဲ့သည်။
Ref: AFP