တိုက်စစ်မှူး ဗန်ပါစီ ရာသီကုန်လျှင် မန်ယူမှ ထွက်ခွာဖွယ်ရှိနေ

မတ်လ ၉ ၊ ၂၀၁၄
M-Media

– မန်ယူအသင်း၏ ရလဒ်ဆိုးများကို စိတ်ပျက်နေပြီး မိုယက်စ်၏ နည်းစနစ်များကို မနှစ်သက်သည့် တိုက်စစ်မှူး ဗန်ပါစီအနေဖြင့် စီးရီးအေကလပ် ဂျူဗင်တပ်စ်အသင်းသို့ ပြောင်းရွှေ့ရန် ပစ်မှတ်ထားနေသည်ဟု သိရသည်။

ဗန်ပါစီအနေဖြင့် မန်ယူအသင်းနှင့် စာချုပ်သက်တမ်း ၂ နှစ်ကျန်ရှိနေသေးပြီး ယခုအချိန်တွင် အသင်းမှ ထွက်ခွာသွားခဲ့ပါက အသင်းမှပေးအပ်မည့် သစ္စာရှိကြေး ပေါင် ၁၀ သန်းခန့်ကို လက်လွှတ်ဆုံးရှုံးရဖွယ်ရှိနေသည်။ သို့သော်လည်း မန်ယူအသင်း၏ ဆိုးရွားသော ရလဒ်များကြောင့် ဂျူဗင်တပ်စ်အသင်း၏ စိတ်ဝင်စားမှုကို ဗန်ပါစီက လက်ခံရန်ရှိနေသည်။

ချန်ပီယံလိဂ် ၁၆ သင်းအဆင့် ပထမကျော့တွင် အိုလံပီယာကော့စ်အသင်းအား ၂ ဂိုး ဂိုးမရှိဖြင့် ရှုံးနိမ့်ခဲ့ပြီးနောက် ဗန်ပါစီမှာ နည်းပြမိုယက်စ်၏ နည်းစနစ်များကို ဝေဖန်ခဲ့ပြီး၊ အသင်းနှင့် ပတ်သက်၍ ခံစားနေရသည့် ၎င်း၏ ခံစားချက်ကိုလည်း ထုတ်ဖော်ခဲ့သည်။ ယမန်နေ့က ကစားခဲ့သည့် ၀က်စ်ဘရွန်းအသင်းနှင့် ပရီးမီးယားလိဂ်ပွဲစဉ်တွင်လည်း ၆၃ မိနစ်၌ ဗန်ပါစီကို မိုယက်စ်က လူစားလဲခဲ့ပြီး၊ ဗန်ပါစီက ခေါင်းကို ခါရမ်းခဲ့ကာ မနှစ်သက်သည့် အမူအရာ ပြသခဲ့သည်။

မန်ယူအသင်းကမူ ဗန်ပါစီမှာ ရောင်းရန်မဟုတ်ဟု ပြောဆိုထားသော်လည်း ဂျူဗင်တပ်စ်အသင်းအနေဖြင့် အာဆင်နယ်အသင်းမှ ၀ယ်ယူခဲ့သည့် ပေါင် ၂၄ သန်းပေးပါက မန်ယူမှ ရောင်းချရန်ရှိနေသည်ဟု ဗန်ပါစီနှင့် နီးစပ်သည့်သတင်းများအရ သိရသည်။ ဗန်ပါစီမှာ ၂၀၁၂ ခုနှစ်က ဂျူဗင်တပ်စ်အသင်းသို့ ပြောင်းရွှေ့ရန် နီးစပ်ခဲ့ဖူးပြီး ထိုစဉ်က မန်ယူနည်းပြ ဖာဂူဆန်က အကြေအလည်ဆွေးနွေးခဲ့ကာ ခေါ်ယူနိုင်ခဲ့ခြင်းဖြစ်သည်။
Ref: Mirror