အီဂျစ်ထောင်တွင်းမှ လူမဆန်သော နှိပ်စက်မှုများ ဖြစ်ရပ်များ ဗီဒီယို မှတ်တမ်းများ အရ သိရ

မတ် ၁၀၊ ၂၀၁၄
M-Media

– အီဂျစ်နိုင်ငံ အကျဉ်းထောင်အတွင်းရှိ အကျဉ်းသားတစ်ယောက်အား လျှို့ဝှက်ရိုက်ကူးထားသော ဗီဒီယိုတစ်ခု ထွက်ပေါ်လာခဲ့ပြီး၊ ထိုဗီဒီယိုမှတ်တမ်းများ အရ အကျဉ်းသားများအား နှိပ်စက်ခြင်း၊ အဓ္ဓမ သက်သေထွက်ဆိုခိုင်းခြင်း၊ အခန်းကျဉ်းများတွင် ပိတ်လှောင်ထားခြင်း စသည် လူမဆန်သော လုပ်ရပ်များ ရှိနေသည်ဟု သိရသည်။

မိုဘိုင်းဖုန်းဖြင့်ရိုက်ကူးထားပြီး ဂျာနယ်လစ်များလက်သို့ ရောက်ရှိလာခဲ့သည့် အဆိုပါဗီဒီယိုတွင် လက်ရှိ အကျဉ်းကျခံနေရသူ တစ်ဦး၏ ထောင်အတွင်းနေထိုင် ရသည့် အတွေ့အကြုံများအား ဖော်ပြထားပြီး၊ ပထမဦးဆုံး ရိုက်ကူးနိုင်ခဲ့သည့် ဗီဒီယိုမှတ်တမ်းလည်းဖြစ်သည်။

“ပြောလို့မရတဲ့ ပုံစံမျိုးတွေနဲ့ ကျွန်တော့်ကို သူတို့နှိပ်စက်ခဲ့ကြပါတယ်။ ထွက်ချက်ကို အလွတ်ကျက်ဖို့ကျွန်တော့်ကိုခိုင်းတယ်၊ ပြီးတော့ “မင်းလူ တစ်ယောက်ရှေ့မှာရပ်ပြီး၊ ငါတို့ပြောတာကို တစ်လုံးမကျန် ပြောရမယ်” လို့ သူတို့ ကျွန်တော့်ကို ပြောပါတယ်” ဟု တက္ကသိုလ်ကျောင်းသားဟုဆိုသည့် လူငယ်တစ်ဦးက ပြောကြားခဲ့သည်။

ထို့ပြင် ၎င်းမသိသောမေးခွန်းများ၊ မသိသောသူများကို မေးမြန်းကြောင်း၊ နှိပ်စက်မှုများနှင့် ခြိမ်းခြောက်မှုများကိုမခံနိုင်သောကြောင့် ၎င်းတို့ ခိုင်းစေသမျှကို ပြောမည်ဟု ပြောခဲ့ရကြောင်း၊ ၎င်းတို့၏ မေးခွန်းများကို မဖြေပါက ရိုက်နှက်ကြောင်း အဆိုပါလူငယ်က ထည့်သွင်းပြောကြားခဲ့သည်။

ထောင်အတွင်း၌ ညှင်းပန်းနှိပ်စက်မှုများရှိသည်ဆိုခြင်းနှင့် ပတ်သက်၍ အီဂျစ် ပြည်ထဲရေးနှင့် သတင်းအချက်အလက်ဝန်ကြီးဌာနက မည်သည့်မှတ်ချက်မှ မပေးခဲ့ပေ။ သို့သော်လည်း ပြည်ထဲရေး ၀န်ကြီး မိုဟာမက် အီဗရာဟင်ကမူ ထိုင်သတင်းအား ငြင်းဆိုခဲ့ပြီး၊ မည်သူတစ်ဦး တစ်ယောက်မှ တင်းအဓ္ဓမ ဖမ်းဆီးချုပ်နှောင်ခြင်းခံရမှု မရှိဘဲ ၎င်းတို့မှာ ရမ်းကားသော ဆန္ဒပြမှုများနှင့် လက်နက်ကိုင်ဆောင်မှုများ အတွက် အဖမ်းခံခဲ့ရခြင်းဖြစ်ကြောင်း ထည့်သွင်းပြောကြားခဲ့သည်။ ထိုဗီဒီယို မှန်ကန်မှုရှိ မရှိကို အတိအကျပြော၍ မရသေးပေ။

Al Jazeer