ချယ်ဆီးအသင်း ချန်ပီယံဖြစ်ရေးထက် ထိပ်ဆုံး ၃ သင်း ဝင်ရေး အဓိကဟု မော်ရင်ဟိုဆို

မတ်လ ၉ ၊ ၂၀၁၄
M-Media

– အသင်းမှာ ရလဒ်ကောင်းများ ရရှိနေပြီး ပရီးမီးယားလိဂ်ဇယားတွင် ၇ မှတ်ဖြတ်ကာ ထိပ်ဆုံးမှ ဦးဆောင်နေသော်လည်း မိမိအနေဖြင့် ချန်ပီယံဖြစ်ရေးနှင့် ပတ်သက်၍ မစဉ်းစားသေးဟု ချယ်ဆီးအသင်း၏ နည်းပြဖြစ်သူ မော်ရင်ဟိုက ပြောကြားခဲ့သည်။

ယမန်နေ့က စတမ်းဖို့ဒ်ဘရစ်ခ်ျတွင် စပါးအသင်းအား ၄ ဂိုး ဂိုးမရှိဖြင့် အနိုင်ရခဲ့သည့် ပွဲအပြီးတွင် မော်ရင်ဟိုက ထိုကဲ့သို့ ပြောကြားခဲ့ခြင်းဖြစ်ပြီး၊ ထိပ်ဆုံး ၄ သင်းဝင်ရန်အခွင့်အရေးမှာ မိမိတို့လက်တွင် ရှိနေပြီး မိမိတို့၏ နောက်ပစ်မှတ်တစ်ခုမှာ ထိပ်ဆုံး ၃ သင်း စာရင်းဝင်ရန်ဖြစ်သည်ဟု ထည့်သွင်းပြောကြားခဲ့သည်။

“ပွင့်ပွင့်လင်းလင်းပြောရရင် ကျွန်တော်တို့ ထိပ်ဆုံးလေးသင်းစာရင်းကနေ ထွက်သွားဖို့ဆိုတာ တော်တော်လေး ခက်ခဲသွားပါပြီ။ သူတို့(စပါး) ဟာ အဆင့်လေးနေရာအတွက် အကြီးဆုံး ငြိမ်းခြောက်မှု ဖြစ်ခဲ့ပါတယ်။ ၉ ပွဲကစားဖို့ရှိရာမှာ ကျွန်တော်တို့ ၇ မှတ် ဆုံးရှုံးသွားတာမျိုးလည်း အများကြီးဖြစ်နိုင်ပါတယ်။ ဒါပေမယ့် ၁၃ မှတ်ဆုံးရှုံးတာမျိုးတော့ မဖြစ်နိုင်ပါဘူး။ ကျွန်တော်တို့ရဲ့ နောက်ထပ်ရည်ရွယ်ချက်တစ်ခုက ပရီးမီးယားလိဂ် ထိပ်ဆုံး ၃ သင်းထဲဝင်ဖို့ဖြစ်ပါတယ်”ဟု စပါးနှင့် ပွဲအပြီးတွင် မော်ရင်ဟိုက ပြောကြားခဲ့သည်။

Ref: skysports