ကိုလိုနီ အရိပ်အငွေ့သန်းနေသည့် နယူးဇီလန် အလံအား ပြောင်းရန် ၃ နှစ်အတွင်း ဆောင်ရွက်သွားမည်

မတ် ၁၁ ၊ ၂၀၁၄
M-Media

– တိုးတက်နေသော ကမ္ဘာ့သစ်တွင် နိုင်ငံ၏ အမှတ်သညာကို ထင်ဟတ်စေသော နိုင်ငံတော်အလံအား ပြောင်းလဲခြင်း ပြုမည်၊ မပြုမည်ကို နယူးဇီလန်နိုင်ငံသားများက ၃ နှစ်အတွင်း မဲခွဲဆုံးဖြတ်သွားမည်ဟု ၀န်ကြီးချုပ် ဂျွန်ကီးက ယနေ့တွင် ပြောကြားလိုက်သည်။

ပြီးခဲ့သည့်နှစ် စက်တင်ဘာလက ရွေးကောက်တင်မြှောက်ခြင်းခံထားရသည့် အစိုးရအဖွဲ့နှင့် လွတ်ကင်းသော ထိုအဆိုပြုချက်အား ပါလီမန်အတွင်းရှိ ပါတီစုံမှ အဖွဲ့ဝင်များက လက်ရှိအလံပုံစံအား ပြောင်းလဲပြင်ဆင်သွားရန်အတွက် စဉ်းစားဆုံးဖြတ်မှုများပြုလုပ်၍၊ ပြည်သူများ၏ မဲပေးရွေးချယ်မှုဖြင့် အကောင်အထည်ဖော်သွားမည်ဟု ဂျွန်ကီးက ၀ယ်လင်တန်ရှိ ဗစ်တိုးရီးယား ကောလိပ်၌ ပြည်သူများအား ယနေ့ပြောကြားသည့် မိန့်ခွန်း၌ အသိပေးထားခဲ့သည်။

အပြာခံနောက်ခံထားသည့် နယူဇီလံနိုင်ငံ လက်ရှိအလံ၏ ၀ဲဘက်အပေါ်ထောင့်တွင် ဗြိတိသျှ အမှတ်အသားဖြစ်သော ယူနီယံဂျက်အမှတ်တံဆိပ်ကို တပ်ဆင်ထားပြီး လက်ယာဘက်တွင် အဖြူရောင် အနားကွတ်ထားသည့် အနီရောင် ကြယ်လေးလုံးရှိနေပြီး ထိုအလံက နယူးဇီလံနိုင်ငံအား နိုင်ငံခြားသားများက သတိမပြုမိစေဘဲ၊ နှစ်ကာလကြာညောင်းနေခဲ့ပြီဖြစ်သည့် ယူကေ၏ ဒိုမီနီယံ ကိုလိုနီနိုင်ငံ အဖြစ်သာ ဖော်ပြနေကြောင်း ဂျွန်ကီးက ထည့်သွင်းပြောကြားခဲ့သည်။

“လက်ရှိအလံက နယူးဇီလန်နိုင်ငံကို ၁၈၀၀ ပြည့်နှစ်ကနေ ၁၉၀၀ ပြည့်နှစ်အတွင်းမှာရှိခဲ့တဲ့ နိုင်ငံငယ်လေး အဖြစ် ဖော်ပြနေပါတယ်။ လေကြောင်း ပို့ဆောင်ရေး မရှိတဲ့အချိန်၊ ပစိဖိတ်ဒေသမှာ အရေး မပါသေးတဲ့ အချိန်နဲ့၊ အာရှတိုက်အတွင်းမှာ ကျွန်တော်တို့ကို သတိမမူမိသေးတဲ့ အချိန်ကာလကပေါ့။ အလံမှာတော့ ယူနီဂျက်ရဲ့ လွှမ်းမိုးမှုရှိနေပေမယ့်၊ ကျွန်တော်တို့နိုင်ငံကတော့ ယူကေရဲ့ လွှမ်းမိုးမှုမရှိခဲ့တာ ကြာပါပြီ” ဟု ဂျွန်ကီးကဆိုသည်။

ထို့ပြင် နိုင်ငံ၏ ဖွဲ့စည်းပုံအခြေခံဥပဒေက ဘုရင်စနစ်နှင့် သိသာစွာဆက်သွယ်မှုရှိနေသော်လည်း ကနေဒါနိုင်ငံ၏ မေပယ်ပန်းပုံ အလံကဲ့သို့ အလွယ်တကူ ခွဲခြားနိုင်သော အလံမျိုးရှိရန် လိုအပ်ကြောင်း၊ နိုင်ငံရှိ အားကစားသမားများ ၀တ်ဆင်ကြသော အမှတ်တံဆိပ် တစ်ခုဖြစ်သည့် အနက်နောက်ခံပေါ်တွင် ထင်ရှားသည့် ငွေရောင် နယူးဇီလန် ဖန်းပင်အား မိမိအနေဖြင့် ပိုနှစ်သက်ကြောင်း ၎င်းက ထပ်လောင်းပြောကြားခဲ့သည်။

နိုင်ငံတော်အလံပြောင်းလဲရေးအတွက် လူထုဆန္ဒခံယူပွဲ လုပ်ငန်းစဉ်များကို နောက်လာမည့် ပါလီမန်ရွေးကောက်ပွဲ မတိုင်ခင်ပြုလုပ်သွားမည်ဖြစ်ပြီး ၂၀၁၇ နှစ် မတိုင်မီ ပြီးမြောက်ဖွယ်ရှိနေသည်။

ဗြိတိသျှထံမှ ၁၈၅၃ ခုနှစ်တွင် လွတ်လပ်ရေးရခဲ့သည့် နယူးဇီလန်နိုင်ငံမှာ ၁၉၀၇ ခုနှစ်တွင် ဗြိတိသျှ၏ အုပ်ချုပ်ခံ ဒိုမီနီယံနိုင်ငံဖြစ်လာခဲ့ပြီး လက်ရှိတွင် စည်းမျဉ်းခံဘုရင်စနစ်အောက်၊ ပါလီမန် ဒီမိုကရေစီစနစ် ကျင့်သုံးနေသော နိုင်ငံဖြစ်သည်။

Ref: ဆင်ဟွာ