ယနေ့ည အက်သလက်တီကိုအား အနိုင်ကစားပြီး အေစီမီလန် သမိုင်းတွင် လှပသော စာမျက်နှာတစ်ရွက် ထည့်ပေးချင်သည်ဟု ဆီးဒေါ့ဖ်ဆို

မတ် ၁၁ ၊ ၂၀၁၄
M-Media

– အေစီမီလန်အသင်း၏ ချန်ပီယံလိဂ်သမိုင်းတွင် အောင်မြင်မှုများရသကဲ့သို့၊ မိမိလက်ထက်တွင်လည်း အသင်းအား ကွာတားဖိုင်နယ် သို့ရောက်အောင် ဆောင်ရွက်ပေးသွားမည်ဟု အေစီမီလန်အသင်း၏ နည်းပြဖြစ်သူ ဆီးဒေါ့ဖ်က ပြောကြားခဲ့သည်။

အေစီမီလန်အသင်းမှာ ချန်ပီယံလိဂ် ၁၆ သင်းအဆင့် ပထမအကျော့အဖြစ် အက်သလက်တီကိုအသင်းနှင့် ဆန်စီရိုတွင် ကစားခဲ့ရာ ၁ ဂိုး ဂိုးမရှိဖြင့် ရှုံးနိမ့်ခဲ့ပြီး ယခုတစ်ပတ်တွင် ယှဉ်ပြိုင်ကစားမည့် ဒုတိယအကျော့မှာ အသင်းအတွက် အခက်အခဲဖြစ်လာဖွယ်ရှိနေသည်။

စီးရီးအေတွင် ကစားပုံဆိုးရွားနေပြီး ဇယားအလယ်သို့ရောက်နေသည့် အေစီမီလန်အသင်းမှာ လာလီဂါတွင် ဒုတိယနေရာသို့ရောက်နေသည့် အက်သလက်တီကိုအသင်းအား ယှဉ်ပြိုင်ရာတွင် ရုန်းကန်ရမည်ဖြစ်သော်လည်း မိမိအနေဖြင့် အနိုင်ကစားနိုင်မည်ဟု ယုံကြည်ကြောင်း ဆီးဒေါ့ဖ်ကဆိုသည်။

“ကျွန်တော်တို့ ရေပန်းမစားတဲ့ အခြေအနေတော်တော်များများကို ကြုံဖူးပြီး၊ အဲဒီနှစ်တွေမှာ အရေးကြီးတဲ့ အောင်မြင်မှုတွေကို ရခဲ့ပါတယ်။ ယခင်နဲ့ အခု ရေးပန်းစားနေတာကတော့ အက်သလက်တီကို မက်ဒရစ်အသင်းပါ။ ကျွန်တော်တို့ ၂ သင်စလုံးဟာ ပထမအကျော့ကလိုပဲ ပုံစံတစ်ခုတည်းနဲ့ ကစားမယ်လို့ ကျွန်တော်ထင်ပါတယ်။ တကယ့်ဘောလုံးအသင်းအဖြစ် နှလုံးသားနဲ့ ကျွန်တော်တို့ ကစားရမှာပါ” ဟု ဆီးဒေါ့ဖ်က ပြောကြားခဲ့သည်။

ုထို့ပြင် ကစားသမားများကလည်း တက်ကြွနေပြီး၊ အားလုံးအတွက်ရေးကြီးသော အချိန်ဖြင်ကြောင်း အေစီမီလန်အသင်း၏ သမိုင်းတွင် ၎င်းတို့အနေဖြင့် လှပသော စာမျက်နှာတစ်ခု ဖန်တီးပေးနိုင်လိမ့်မည်ဟု ယုံကြည်ကြောင်း ဆီးဒေါ့ဖ်က ထပ်လောင်းပြောကြားခဲ့သည်။