ခရိုင်းမီးယားအရေး ရုရှားနှင့် အမေရိကန်တို့ ဆွေးနွေးပွဲ အဖြေမထွက်

မတ် ၁၅၊ ၂၀၁၄
M-Media

– ခရိုင်းမီးယားအရေး ၆ နာရီကြာ အကြိတ်အနယ်ဆွေးနွေးခဲ့ကြသော်လည်း မိမိတို့မှာ မည်သည့်အဖြေမှ မရခဲ့ဟု ရုရှားနှင့် အမေရိကန် ထိပ်တန်းသံအမတ်များက ပြောကြားခဲ့သည်။

ထိုဆွေးနွေးပွဲအား ယမန်နေ့က လန်ဒန်တွင် ပြုလုပ်ခဲ့ခြင်းဖြစ်ပြီး မိမိတို့အနေဖြင့် ခရိုင်းမီးယားပြည်သူများ၏ ဆန္ဒကို လေးစားသွားမည်ဟု ရုရှားနိုင်ငံခြားရေး ၀န်ကြီး လာဗရော့ဗ်က ဆိုသည်။ ထို့ပြင် ခရိုင်းမီးယားအရေး ရုရှားနှင့် အမေရိကန်တို့၏ အမြင်များမှာ တူညီခြင်းမရှိသောကြောင့် ထိုကိစ္စအတွက် အဖြေမှာ ထွက်လာရန်မရှိသေးဟု ၎င်းကဆိုသည်။

အမေရိကန်နိုင်ငံခြားရေးဝန်ကြီး ဂျွန်ကယ်ရီကမူ ယခုဆွေးနွေးပွဲမှ အထောက်အကူပြုသော အမြင်များကို ရရှိခဲ့ပြီး၊ ယူကရိန်း၏ ဂုဏ်သိက္ခာကို လေးစား ရမည်ဖြစ်ကြောင်းဆိုသည်။ ထို့ပြင် မနက်ဖြန်တွင် ပြုလုပ်မည့် ခရိုင်းမီးယား ပြည်သူ့ဆန္ဒခံယူပွဲမှာ ယူကရိန်း၏ ဥပဒေကို ချိုးဖောက်ခြင်းဖြစ်ပြီး အမေရိကန်နှင့် မဟာမိတ်နိုင်ငံများကလည်း အသိအမှတ်ပြုမည်မဟုတ်ကြောင်း ထည့်သွင်းပြောကြားခဲ့သည်။

ယူရိန်းတွင် ရုရှားထောက်ခံသူ သမ္မတ ယာနူကိုဗစ်ခ်ျ ပြုတ်ကျခဲ့ပြီးနောက် ခရိုင်းမီးယားဒေသအား ရုရှားစစ်သားများက ၀င်ရောက်ထိန်းချုပ်ခဲ့ပြီး၊ ခရိုင်းမီးယားပါလီမန်ကလည်း ၎င်းတို့ဒေသအား ယူကရိန်းမှခွဲထွက်ကာ ရုရှားနိုင်ငံအတွင်းသို့ ၀င်ရောက်ရန် မဲခွဲဆုံးဖြတ်ခဲ့သည်။ ထိုဆုံးဖြတ်ချက်အား အတည်ပြုရန်အတွက် ပြည်သူ့ဆန္ဒခံယူပွဲကို မနက်ဖြန်တွင် ပြုလုပ်ရန် ရှိနေသည်။

ယူကရိန်းအရေး ရုရှားမှ ၀င်ရောက်စွက်ဖက်မှုကို အမေရိကန်နှင့် အနောက်နိုင်ငံများက ရှုတ်ချခဲ့ပြီး၊ လာဗရော့ဗ်ကမူ ယူကရိန်းသို့ ရုရှားမှ ကျူးကျော်ရန် အစီအစဉ်မရှိကြောင်း၊ ပြည်သူဆန္ဒခံယူပွဲပြီးမှ ရုရှား၏ ရပ်တည်ချက်အား တိတိကျကျဆုံးဖြတ်သွားမည်ဖြစ်ကြောင်း ယမန်နေ့တွင် ထည့်သွင်းပြောကြားခဲ့သည်။

Al Jazeera and agencies