သန်းခေါင်စာရင်းတွင် မြန်မာ/ ဗမာမွတ်စလင် မဖြည့်ရန် အစ္စလာမ် ဘာသာရေး အဖွဲ့ကြီး ကြေညာချက်ထုတ်

မတ် ၁၇ ၊ ၂၀၁၄
M-Media

သန်းခေါင်စာရင်းတွင် အစ္စလာမ်ဘာသာဝင်များ လူမျိုးနေရာတွင် မြန်မာ/ဗမာမွတ်စလင် ဟု မဖြည့်ရန် အစ္စလာမ် ဘာသာရေးအဖွဲ့ ကြီး (၄)ဖွဲ့ စုပေါင်းကြေညာချက်ထုတ်ပြန်
မကြာမီကောက်ခံတော့မည့် ပြည်လုံးကျွတ် သန်းခေါင်စာရင်းတွင် တိုင်းရင်းသား/နိုင်ငံသား အစ္စလာမ်ဘာသာဝင်များ အတွက် အသိပေး ရှင်းလင်းချက်တစ်စောင်ကို အစ္စလာမ်ဘာသာရေး အဖွဲကြီး (၄) ဖွဲ့ စုပေါင်းကာ လက်မှတ်ရေးထိုး ထုတ်ပြန်လိုက်သည်။

အဆိုပါကြေညာချက်တွင် သန်းခေါင်းစာရင်းကောက်ခံရာတွင် “လူမျိုး” ဖြည့်စွက်ရန်မေးခွန်းကိစ္စ အစ္စလာမ်သာသနာဝင်အများစု စိုးရိမ်သောက ပူပန်မှုများနှင့် ဝေခွဲမရဖြစ်နေကြကြောင်းသည်ဟု အဖွဲ့များမှ သိရှိရကြောင်း တိုင်းရင်းသား/နိုင်ငံသား အစ္စလာမ်သာသနာဝင်များ၏ လိုအပ်ချက် တောင်းဆိုချက်များအရ အစ္စလာမ်သာသနာ၏ ကုရ်အာန်၊ ဟဒီးဆ်၊ ဓမ္မသတ် အဆိုအမိန့်များကို အခြေခံ၍ လည်းကောင်း၊ လ.ဝ.က ဝန်ကြိးဌာနမှာ တာဝန်ရှိသူများ၊ ကုလ လူဦးရေရန်ပုံငွေ အဖွဲ့(UNFPA) ၏ တာဝန်ရှိသူများနှင့် မေးမြန်းဆွေးနွေးချက် အပေါ်အခြေခံ၍ စိစစ်သုံးသပ်ပြီး ယခု ရှင်းလင်းချက်ကို ထုတ်ပြန်ကြောင်း ကြေညာချက်တွင်ပါသည်။

ကြေညာချက်တွင် အစ္စလာမ်သာသနာဝင်များမှာ လူမျိုးစုအသီးသီးမှာ ရှိနေကြ၍ အစ္စလာမ်သာသနာဝင်များစုစည်းပြီး လူမျိုးစု တခုတည်း အမည်နာမသတ်မှတ် ခေါ်ဝေါ်ရန် မဖြစ်နိုင်ကြောင်း၊ ဖော်ပြပါရှိသည်။

သန်းခေါင်စာရင်းကောက်ခံသည့် အခါ  တိုင်းရင်းသား အဖြစ် သတ်မှတ်ခံရပြီး လူမျိုးစု တခုခုမှ ဖြစ်လျှင်

ကိုးကွယ်သည့် ဘာသာ= “အစ္စလာမ်”
လူမျိုး=” မိမိတို့ တိုင်းရင်းသား လူမျိုးစု အမည်တခုတည်းသာ” ဖြည့်ရန်

သန်းခေါင်စာရင်း ပုံစံလူမျိုးစုများ ဂဏာန်းသင်္ကေတ စာရင်းတွင် ပါဝင်ခြင်းမရှိသော တိုင်းရင်းသား/နိုင်ငံသား အစ္စလာမ်သာသနာဝင်များ အနေဖြင့်

ကိုးကွယ်သည့် ဘာသာ= “အစ္စလာမ်”
လူမျိုး= Code No: 914 နှင့် “မိမိတို့ လူမျိုးစု အမည်မှန်တခုတည်း” သာ အထူးဂရုပြု ဖြေကြားရန် နှင့်

မြန်မာမွတ်စလင် (သို့) ဗမာမွတ်စလင် ဟု ဖြေကြားခြင်း မပြုရန် ကြေညာချက်တွင် ဖော်ပြထားသည်။

မိမိတို့ လူမျိုး အမည်မှန်ကို ဖြေကြားရာတွင် စိုးရိမ်စရာ မရှိကြောင်း မိမိတို့ ဖြေကြားသည့်အတိုင်းသာ စာရင်းကောက်များက ရေးသွင်းမည်ဖြစ်ကြောင်း ဖော်ပြပါရှိသည်။

သန်းခေါင်စာရင်းကောက်ခံသည့် ကာလအတွင်း အစ္စလာမ်ဘာသာရေး အဖွဲမှ တာဝန်ရှိသူများ စုပေါင်း ရုံးထိုင်ကြမည်ဖြစ်ပြီး လိုအပ်ပါက ဆက်သွယ်ရန် ဖုန်းနံပါတ်များကိုလည်း ထည့်သွင်းဖော်ပြထားသည်။

ယခု စုပေါင်းကြေညာချက်ကို
၁) အိုလမာ အစ္စလာမ်သာသနာ့ ပညာရှင်များအဖွဲ့ချူပ်
၂) အစ္စလာမ်သာသနာရေးရာ ကောင်စီဌာနချူပ်
၃) မြန်မာမွတ်စလင်မ်လူငယ်များ(ဘာသာရေး) ဌာနချူပ်
၎) မြန်မာမွတ်စလင်မ် အမျိုးသားရေးရာအဖွဲ့ ဌာနချူပ်တို့မှ တာဝန်ရှိသူများ စုပေါင်း လက်မှတ်ေ၇းထိုးထုတ်ပြန်ခဲ့ခြင်းဖြစ်သည်။

ကြေညာချက်အပြည့်အစုံကို ပူးတွဲဖော်ပြပါဖိုင်တွင် ဖတ်ရှုနိုင်ပါသည်။

မှတ်ချက်- Code No 914 မှာ လက်ရှိ သတ်မှတ်ထားသော တိုင်းရင်းသား(၁၃၅)မျိုးတွင် မပါဝင်သေးသည့် မြန်မာပြည်တွင်း နေထိုင်ကြသော တိုင်းရင်းသား/နိုင်ငံသားများ ထည့်သွင်းပေးနိုင်ရန် သတ်မှတ်ပေးထားသော ကုဒ်နံပါတ်ဖြစ်ပါသည်။