Dhaka Tribune ဆောင်းပါးကိစ္စ ဘင်္ဂလားဒေ့ရှ် သံအမတ်အား မြန်မာ ဆင့်ခေါ်မည်။ အဆိုပါ ဆောင်းပါးကို မွတ်စလင် အသိုင်းအဝိုင်းမှ ရှုတ်ချ

မတ် ၂၅၊ ၂၀၁၄
M-Media

Dhaka Tribune ရဲ့ ရိုဟင်ဂျာရေးရာ ဆောင်းပါး ကိစ္စ ဘင်္ဂလားဒေ့ရ်ှသံ အမတ်အား မြန်မာဆင့်ခေါ်မည်။ အဆိုပါ ဆောင်းပါးကို ပြည်တွင်း မွတ်စလင် အသိုင်းအဝိုင်းမှ ရှုတ်ချ

မြန်မာနိုင်ငံရှိ ရိုဟင်ဂျာများကို ပြည်ထောင်စုမှ ခွဲရေးတွဲရေး ဆန္ဒခံယူပွဲပြုလုပ်ပေးသင့်ကြောင်း Dhaka Tribune ၏ အတွေးအမြင် ဆောင်းပါးအပေါ် ကန့်ကွက်ရေးအတွက် မြန်မာနိုင်ငံခြားရေး ၀န်ကြီးဌာနသည် ဘင်္ဂလားဒေ့ရှ် သံအမတ်အား ဆင့်ခေါ်ပြောဆိုရန် စီစဉ်နေကြောင်း သမ္မတပြောရေးဆိုခွင့်ရှိသူ ပြန်ကြားရေး ဒု-ဝန်ကြီး ဦးရဲထွဋ်က တနင်္လာနေ့တွင် DVB သို့ ပြောကြားသည်။

“ ကျွန်တော်တို့နိုင်ငံရဲ့ အချုပ်အခြာနဲ့ ပိုင်နက်ပျက်စီးစေမယ့် အဲ့ဒီလိုအမှုမျိုးကို ကျွန်တော်တို့ ဘယ်တော့မှ ခွင့်ပြုမှာ မဟုတ်ပါဘူး။ ဒါကြောင့် ဒီလိုရေးသားချက်မျိုးကို ကန့်ကွက်ရပါလိမ့်မယ်။ အလားတူဖြစ်ရပ်မျိုး ထပ်မံမဖြစ်ပွားစေဖို့ အတွက် ကျွန်တော်တို့ အမိနိုင်ငံတော်ကို ကြည့်ရှုစောင့်ကြပ်သွားမှာဖြစ်တယ် ” ဟု ဦးရဲထွဋ်က ဆိုသည်။

ထိုဆောင်းပါးမှာ လက်ရှိ ခရိုင်းမီးယားပြဿနာနှင့် ဆက်စပ်၍ နှိုင်းယှဉ်ဥပမာပေးပြီး “ရိုဟင်ဂျာတို့သည် ဘင်္ဂလားဒေ့ရှ် နှင့် မြန်မာနိုင်ငံ စပ်ကြား၌ လွတ်လပ်သောနိုင်ငံတစ်ခု တည်ထောင်သင့်သည်ဟု သုံးသပ်ချက်၊ အကယ်၍ ယင်းသို့သော ရတောင့်ရခဲ အခွင့်အလမ်းကို ဖော်ဆောင်ပြီး စားပွဲဝိုင်းဆွေးနွေးပွဲ မပြုလုပ်ပါက ထိရောက်အောင်မြင်မည် မဟုတ်ကြောင်း စသဖြင့် စာနယ်ဇင်းသမား Zasheen Khan က ၎င်း၏ ကိုယ်ပိုင်အမြင်ဖြင့် ရေးသားထားသည်။

စာရေးသူသည် ဘင်္ဂလားဒေ့ရ်ှအစိုးရသော်လည်းကောင်း၊ ရိုဟင်ဂျာတစ်ဦးတစ်ယောက်သော်လည်းကောင်း မည်သည့် အရင်းအမြစ်မှ ရယူထားခြင်း မရှိဘဲ မြန်မာနိုင်ငံရှိ ရိုဟင်ဂျာလူ့အစုအဝေး ဖိနှိပ်ညှင်းပန်းခံရခြင်း အဆိုများ၊ ကောက်နှုတ်သမိုင်း အပိုင်းအစများ၊ နိုင်ငံတကာထင်ကြေးများကိုသာ အခြေပြုရေးသား ပုံဖော်ထားခြင်း ဖြစ်သည်။

အချက်အလက် အရည်အသွေးမပြည့်မီသော်ငြား ထိုဆောင်းပါးမှာ ဆိုရှယ် မီဒီယာဆိုဒ်များပေါ်တွင် မြန်မာနိုင်ငံသားများနှင့် ဘင်္ဂလားဒေ့ရှ် နိုင်ငံသားမျာ့း အကြား တမဟုတ်ချင်း ဂယက် ရိုက်သွားစေခဲ့သည်။ ရိုဟင်ဂျာ သတင်းသမားများသည်ပင် ထိုဆောင်းပါးကို မနှစ်မြို့ကြသည်သာမက၊ ရခိုင်ပြည်နယ်ရှိ ရိုဟင်ဂျာ မွတ်စ်လင်မ် လူ့အဖွဲ့အစည်းအား မြန်မာပြည်မှ ကိုယ်ပိုင် အုပ်ချုပ်ခွင့်ရဒေသအဖြစ် ခွဲထွက်ရေး အကြောင်းကို ဝေဖန်ရှုတ်ချလျက်ရှိကြသည်။

ပြည်တွင်း ရိုဟင်ဂျာသတင်းများ  ဖော်ပြပေးလျက်ရှိတဲ့ Rohingya Blogger website မှ နေဆန်းလွင် မှ ထိုဆောင်းပါးကို အလွန်စိတ်ပျက်စရာ ရေးသားချက်ဟု သမုတ်ခဲ့ပြီး ရိုဟင်ဂျာများမှာ မြန်မာနိုင်ငံမှ မည်သည့်အခါမျှ ခွဲထွက်မည်မဟုတ်ဟု တုန့်ပြန်လိုက်သည်။

“ တကယ်လို့ ရိုဟင်ဂျာ ဆန္ဒခံယူပွဲလုပ်ရင်လည်း – ကျွန်တော်တို့ဟာ မြန်မာနိုင်ငံသားတွေ၊ မြန်မာနိုင်ငံရဲ့ ရိုဟင်ဂျာ လူမျိုးတွေဖြစ်တယ်။ ကျွန်တော်တို့ဟာ မြန်မာနိုင်ငံရဲ့ အစိတ်အပိုင်း တစ်ရပ်ဖြစ်သလို မြန်မာ့ အစိတ်အပိုင်းအဖြစ် ထာဝရ ရှိနေဦးမှာပါဘဲ – လို့ ဆိုကြပါလိမ့်မယ် ”။

တစ်ချိန်တည်းမှာပင် ထိုဆောင်းပါးမှာ ပုံပျက်ပန်းပျက် နောက်ခံသမိုင်းကြောင်းနှင့် တလွဲတချော်အချက်အလက်များကို အခြေခံထားကြောင်း၊ မြန်မာနိုင်ငံအတွင်း လူမျိုးရေးဘာသာရေးဆိုင်ရာ ပဋိပက္ခမီးမွှေးလိုသည့်သဘော ပါဝင်နေကြောင်း၊ စာနယ်ဇင်း ကျင့်ဝတ်ကို ချိုးဖောက်ထားကြောင်း၊ မြန်မာ့ပြည်တွင်းရေးကို ၀င်ရောက် စွက်ဖက်ထားကြောင်း၊ မြန်မာနိုင်ငံ၏ အချုပ်အခြာအာဏာကို ထိပါးနေကြောင်း ဟုဆိုကာ မြန်မာစာနယ်ဇင်းအဖွဲ့မှ စာရေးသူအား ရှုတ်ချလိုက်ပါသည်။

Dhaka Tribune ဆောင်းပါးဟာ မြန်မာနိုင်ငံထဲမှာ ရှိနေတဲ့ မွတ်စလင်တွေ အပေါ်မှာ အထင်အမြင်လွှဲမှားအောင် လုပ်ကြံဖန်တီးမှု တစ်ခု ဖြစ်တယ်လို့ မွတ်စလင် ဘာသာရေး ခေါင်းဆောင်တစ်ဦးဖြစ်သူ ဟာဂျီ ဦးအေးလွင်က RFA နဲ့ တွေ့ဆုံခန်း တခုမှာ ပြောပါတယ်။ ဆောင်းပါးရှင်ဟာ ရိုးသားမှုမရှိကြောင်း မြန်မာနိုင်ငံတွင်းမှာရှိတဲ့ တိုင်းရင်းသား/နိုင်ငံသား အစ္စလာမ်ဘာသာဝင်တွင်ဟာ နိုင်ငံအပေါ် သစ္စာရှိကြောင်း၊ အေးတူပူအမျှ တသားထဲရှိကြောင်း၊ ခွဲထွက်ရေးဆိုတာ ဘယ်တုံးကမှ မလုပ်ဆောင်ခဲ့ကြောင်း ဟာဂျီဦးအေးလွင်က ဆက်လက်ပြောကြားခဲ့ပါသည်။

** ကိုးကား DVB အင်္ဂလိပ်ပိုင်း၊ RFA