ခြေချော်လာတဲ့အာဆင်နယ်၊ အိမ်ကွင်းမှာ ဂိုးပြတ်ရှုံးတဲ့ မန်ယူနဲ့ ချန်ပီယံလိဂ်ဝင်ခွင့် မှန်းလာတဲ့ အဲဗာတန်တို့ရဲ့ EPL ပွဲစဉ် ၃၁

မတ် ၂၆၊ ၂၀၁၄
M-Media

အိုးထရက်ဖို့ဒ်မှာ ကျရှုံးခဲ့တဲ့မန်ယူ၊ ချန်ပီယံပြေးလမ်းပေါ်က ဖယ်ပေးရတော့မယ့် အာဆင်နယ်နှင့် ချန်ပီယံလိဂ်ဝင်ခွင့် မျှော်မှန်း လာနိုင်တဲ့ အဲဗာတန်တို့ရဲ့ ပရီးမီးယားလိဂ် ပွဲစဉ် ၃၁ ၏ ကြားပွဲများ

– ပရီးမီးယားလိဂ်ပွဲစဉ် ၃၁ ရဲ့ ပွဲစဉ် ၃ ပွဲကို ယနေ့နံနက်မှာကစားခဲ့ပြီး မန်စီးတီးအသင်းက မန်ယူကိုအနိုင်ရခဲ့သလို အဲဗာတန် အသင်းကလည်း နယူးကာဆယ် အသင်းကို အဝေးကွင်းမှာ ဂိုးပြတ်နဲ့ နှိပ်ကွပ်ခဲ့ပါတယ်။ ပြီးခဲ့တစ်ပါတ်က လန်ဒန်ဒါဘီမှာ ချယ်ဆီးအသင်းကို ရှက်ဖွယ် ရလဒ်နဲ့ အရှုံးပေးခဲ့ရတဲ့ အာဆင်နယ်တို့ ဒီနေ့မနက်မှာလည်း ဆွမ်ဆီးအသင်းကို သရေသာရခဲ့ပါတယ်။

အခုနောက်ပိုင်း ကစားကွက်ကောင်းလာပြီး ခြေပြန်မှန်လာတဲ့ မန်ယူတို့ အိမ်ကွင်းမှာကစားခဲ့ရပေမယ့် မန်စီးတီးအသင်းရဲ့ တိုက်စစ်ကိုတော့ တားဆီးနိုင်ခြင်းမရှိခဲ့ပါဘူး။ ပွဲအစ ၁ မိနစ်မှာပဲ ဇက်ကိုရဲ့ ဂိုးကို မန်ယူတို့ ခွင့်ပြုခဲ့ရပါတယ်။

ကစားကွက်ပိုင်းမှာလည်း မန်စီးတီးကသာ အသာရခဲ့ပြီး ပထမပိုင်းမှာ ချေပဂိုးရဖို့ မန်ယူတို့ အခွင့်အရေး ၂ ကြိမ်လောက်ရခဲ့ပေမယ့် အသုံးမချနိုင်ခဲ့ပါဘူး။ ဒုတိယပိုင်းမှာလည်း မန်စီးတီးကွင်းလယ်ကို မန်ယူတို့ မယှဉ်နိုင်ခဲ့ပဲ ၅၆ မိနစ်မှာ ဇက်ကိုနဲ့ မိနစ် ၉၀မှာ ယာယာတိုးယေးတို့က မန်စီးတီးအသင်းအတွက် နောက်ထပ်အနိုင်ဂိုးတွေကို သွင်းပေးခဲ့ပါတယ်။ မန်ယူအသင်းကတော့ သူ့ရဲ့အထက်က အသင်း ၆ သင်းနဲ့ ၁၂ ပွဲ ကစားခဲ့ရာမှာ ၁ ပွဲသာ အနိုင်ရခဲ့ပါတယ်။ ဒီပွဲမှာလည်း မန်စီးတီးဘက်က အပိုင်းအခွင့်အရေး ၄ ကြိမ်လောက်ကို အသုံးချနိုင်ခဲ့ရင် ဒီထက် ဂိုးပိုပြတ်နိုင်ပါတယ်။

ပြီးခဲ့တဲ့စနေနေ့က ချယ်ဆီးအသင်းကို အဝေးကွင်းမှာ ၆ ဂိုးပြတ်နဲ့ ရှုံးနိမ့်ခဲ့ရတဲ့ အာဆင်နယ်တို့ အခုပွဲမှာလည်း အိမ်ကွင်းမှာ ကစားခဲ့ရပေမယ့် သရေတစ်မှတ်သာ ရခဲ့ပါတယ်။ ဘောလုံးပိုင်ဆိုင်မှုအသာ စားကွက်အသာနဲ့ ဆွမ်ဆီးကို ဖိကစားနိုင်ခဲ့တဲ့ အာဆင်နယ်တို့ ၁၁ မိနစ်မှာပဲ ဂိုးပေးလိုက်ရပြီး ဘိုနီက ခေါင်းတိုက်သွင်းယူပေးခဲ့တာပါ။ နောက်ပိုင်းမှာ အာဆင်နယ်တို့ ချေပဂိုးရဖို့ အခွင့်အရေးတစ်ချို့ရခဲ့ပါတယ်။ ဒါပေမယ့် ချေပဂိုးကိုတော့ ဒုတိယပိုင်း ၇၃ မိနစ်မှာ ပိုဒေါစကီးက သွင်းယူပေးခဲ့တာဖြစ်ပြီး နောက် တစ်မိနစ်အကြာမှာ ပိုဒေါစကီးရဲ့ ဖန်တီးပေးပို့မှုကတစ်ဆင့် ဂျီရော့ဒ်က ဦးဆောင်ဂိုး သွင်းပေးခဲ့ပါတယ်။ အနိုင်ကို ထိန်းရင်း ၃ မှတ်ရဖို့ ကြိုးစားလာပေမယ့် မိနစ် ၉၀ မှာတော့ ဆွမ်ဆီးရဲ့ ကွင်းလယ်လူဘရစ်တန် ဂိုးသွင်းဖို့ကြိုးစားမှုကနေ ကွင်လယ်လူ ဖလာမီနီနဲ့ထိပြီး ဂိုးဝင်ခဲ့တာ့ကြောင့် ၂ ဂိုးစီသရေနဲ့ ပွဲပြီးခဲ့ပါတယ်။

ဆောင်းရာသီအပြောင်းအရွှေ့မှာ အားထားရတဲ့ အလယ်တန်းကစားသမား ကာဘာယီကို လက်လွှတ်ခဲ့ရပြီးနောက်ပိုင်း ခြေစွမ်း မမှန်တော့တဲ့ နယူးကာဆယ် အသင်းကလည်း အိမ်ကွင်းစိန့်ဂျိမ်းပါ့က်မှာ အဲဗာတန်အသင်းကို ၃ ဂိုး ပြတ်နဲ့ အရှုံးပေးခဲ့ရပါတယ်။ ကစားပုံကောင်းခဲ့တဲ့ အဲဗာတန်တို့ရဲ့ အနိုင်ဟာ ထိုက်တန်ခဲ့ပြီး၊ စတုတ္တနေရာက အာဆင်နယ်အသင်းနဲ့ ၆ မှတ်သာကွာတော့ကာ ဥရောပ၀င်ခွင့်ကို မှန်းလာနိုင်ပြီဖြစ်ပါတယ်။ အဲဗာတန်အသင်းအတွက် ဂိုးတွေကိုတော့ ဘာကလေ၊ လူကာကူနဲ့၊ အိုစမန်တို့က သွင်းယူပေးခဲ့တာပါ။

ပွဲစဉ် ၃၁ ယနေ့မနက် ရလဒ်များကတော့ အောက်ပါအတိုင်းဖြစ်ပါတယ်။

မန်ယူ ၀-၃ မန်စီးတီး
အာဆင်နယ် ၂-၂ ဆွမ်ဆီး
နယူးကာဆယ် ၀-၃ အဲဗာတန်