ခရိုင်းမီးယား ပြည်သူ့ဆန္ဒခံယူပွဲ တရားမ၀င်ဟု ကုလ ဆုံးဖြတ်

မတ် ၂၈ ၊၂၀၁၄
M-Media

– ခရိုင်းမီးယားဒေသအား ယူကရိန်းနိုင်ငံပိုင်ဆိုင်ကြောင်း အတည်ပြုသည့် ဆုံးဖြတ်ချက်တစ်ခုကို ကုလသမဂ္ဂ အထွေထွေညီလာခံမှ ယမန်နေ့တွင် အတည်ပြုခဲ့ပြီး ရုရှားနှင့်ပေါင်းစည်းရေးအတွက် ပြုလုပ်သော ခရိုင်းမီးယား ပြည်သူ့ဆန္ဒခံယူပွဲမှာ တရားမ၀င်ဟု ပြောကြားလိုက်သည်။

ယူကရိန်းကတင်သွင်းသည့် အဆိုပါ ဆုံးဖြတ်ချက် မူကြမ်းကို နိုင်ငံပေါင်း ၁၀၀ က ထောက်ခံမဲပေးခဲ့ပြီး ၁၁ နိုင်ငံက ကန့်ကွက်ခဲ့ကာ၊ ကြားနေမဲ ၅၈ မဲရှိခဲ့သည်။ ထောက်ခံမဲ အရေအတွက်မှာ သံတမန် အသိုက်အ၀န်းတွင် ထင်ထားသည်ထက် ပိုမိုများပြားခဲ့သည်။ ကုလအဖွဲ့ဝင် ၁၉၃ နိုင်ငံမှ ထက်ဝက်ကျော်က အဆိုပါ ဆုံးဖြတ်ချက်အား ထောက်ခံခဲ့ခြင်းက ပင်လယ်နက်ရှိ မဟာဗျူဟာ ကျသည့် ခရိုင်းမီးယား ဒေသအား ရုရှားမှ ကျူးကျော်မှုကို ဆန့်ကျင်သည့် လက္ခဏာလည်းဖြစ်သည်။

ကုလ၏ အထွေထွေညီလာခံတွင် မဲခွဲသည့် အဆိုပါဆုံးဖြတ်ချက်အား လုံခြုံရေးကောင်စီကဲ့သို့ ဗီတိုသုံးရန် အခွင့်မရှိသောကြောင့် ရုရှားမှ ကန့်ကွက်၍ မရခဲ့ပေ။ မဲမခွဲမီအလျင် ယူကရိန်းနိုင်ငံခြားရေး ၀န်ကြီးက မိမိတို့တိုင်းပြည်၏ ပိုင်ဆိုင်မှုနှင့် စည်းလုံးညီညွတ်မှုတို့အား ရုရှားက ရက်ရက်စက်စက် နင်းချေဖျက်ဆီးခဲ့ကြောင်း၊ နိုင်ငံတကာ ငြိမ်းချမ်းရေးနှင့် လုံခြုံရေးကို ထိန်းသိမ်းရေးအတွက် လုံခြုံရေးကောင်စီ၏ အမြဲတမ်းအဖွဲ့ဝင်ဖြစ်သည့် ရုရှားနိုင်ငံအား မယုံကြည်ရကြောင်း ပြောကြားခဲ့သည်။

ကုလဆိုင်ရာ ရုရှားသံအမတ် ဗီတလီ ချာကင်ကမူ ထိုဆုံးဖြတ်ချက်အား မဲမပေးရန် တိုက်တွန်းခဲ့ပြီး ခရိုင်းမီးယား၏ သမိုင်းကြောင်းနှင့်ချီသည့် မတရားမှုကို ပြင်ဆင်ခဲ့ပြီဖြစ်ကာ၊ ရုရှားသို့ဝင်ရောက်ရန် ခရိုင်းမီးယားပြည်သူများက ၎င်းတို့၏ ကိုယ်ပိုင်ဆုံးဖြတ်ပိုင်ခွင့် အခွင့်အရေးကို ထုတ်ဖော်ခဲ့ခြင်းသာ ဖြစ်သည်ဟု ပြောကြားခဲ့သည်။

မတ်လ ၁၆ ရက်နေ့က ခရိုင်းမီးယားပြည်သူမျာ၏ ပြည်သူ့ဆန္ဒခံယူပွဲပြီးနောက် ရုရှားက ထိုဒေသအား သိမ်းပိုက်ခဲ့ပြီး၊ အမေရိကန်အပါအ၀င် အနောက်နိုင်ငံများကမူ ထိုလုပ်ရပ်အား ရှုတ်ချခဲ့ကာ ရုရှားအစိုးရတာဝန်ရှိသူအချို့ကိုလည်း ပိတ်ဆို့မှုများပြုလုပ်ခဲ့သည်။

Agencies