အင်ဒိုနီးရှားမှာ ဖျော်ဖြေခွင့် အပိတ်ခံရတဲ့ လေဒီဂါဂါ

ပွဲစဉ်ပေါင်း ၁၁၀ ပါဝင်တဲ့ ပေါ့အဆိုတော် လေဒီဂါဂါ ဖျော်ဖြေမယ့် Born This Way Tour ရဲ့ အင်ဒိုနီးရှားနိုင်ငံ၊ ဂျာကာတာမြို့တော်မှာ ကျင်းပမယ့် ပွဲစဉ်ဟာ ပိတ်ပင်ခံလိုက်ရကြောင်း သိရပါတယ်။

(လေဒီဂါဂါ ကို ဆန့်ကျင်သော ပိုစတာများနှင့် ဆန္ဒပြနေသည့် အင်ဒိုနီးရှားနိုင်ငံသားများ)

ဇွန်လ ၃ရက်မှာ ပြုလုပ်ဖို့ စီစဉ်ထားတဲ့ ဒီပွဲကို အင်ဒိုနီးရှားမှာ ရှိတယ့် အစ္စလာမ်ဘာသာရေး အဖွဲ့အစည်းတွေက ပြင်းထန်စွာ ကန့်ကွက်ခဲ့ပြီး လေဒီဂါဂါရဲ့ အမြင်ရိုင်းစေတဲ့ ဖျော်ဖြေမှုကို ရှုံ့ချကြောင်း ဆန္ဒထုတ်ဖော်ပြသခဲ့ကြပါတယ်။

အင်ဒိုနီးရှားနိုင်ငံဟာ ကမ္ဘာပေါ်မှာ မွတ်စ်လင်မ် အများဆုံး နေထိုင်တဲ့ နိုင်ငံဖြစ်ပြီး ခရစ်ယာန် ဗုဒ္ဓဘာသာနဲ့ ဟိန္ဒူဘာသာ ကိုးကွယ်သူတွေလည်း ရှိပါတယ်။

“သီချင်းဆိုတဲ့အခါ အောက်ခံအ၀တ်အစားကိုပဲ ၀တ်ပြီး ဆိုတယ်။ ပြီးတော့ သူ့ကိုယ်သူ မကောင်းဆိုးဝါးအဖြစ် ခိုင်းနှိုင်း ပြီး ဒီလို ယဉ်ကျေးမှုမရှိတဲ့ လုပ်ရပ်တွေကို ဖြန့်ဝေပေးနေသူ ဖြစ်တယ်လို့လည်း ပြောပါသေးတယ်” လို့ ဂျာကာတာ Islamic Defender Front ခေါင်းဆောင် Salim Alatas က ဝေဖန်ခဲ့ပါတယ်။ “ဒါဟာ ကျွန်တော်တို့အတွက် အန္တရာယ်ပါပဲ”

ဂျာကာတာပို့စ် သတင်းစာရဲ့ အဆိုအရ စတိတ်ရှိုးပွဲအတွက် လက်မှတ် ၄၀၀၀၀ မှာ ၃၀၀၀၀ကျော် ရောင်းချပြီး ဖြစ်တယ်လို့သိရပါတယ်။ လက်မှတ်ဈေးနှုန်းကတော့ ဒေါ်လာ ၅၀ (၄၆၅ ၀၀၀ ရူပီ) ကနေ ၂၄၀ (၂.၂၅သန်း ရူပီ) အထိ ရှိပါတယ်။

(လေဒီဂါဂါ ကို ဆန့်ကျင် ဆန္ဒပြနေသည့်ဖိလစ်ပိုင်နိုင်ငံသားများ)

ထူးထူးဆန်းဆန်း ဖက်ရှင်တွေနဲ့ အဖော်အချွတ်ဦးစားပေးတဲ့ ဖျော်ဖြေမှုတွေနဲ့ လူသိများတဲ့ လေဒီဂါဂါရဲ့ မေလ၂၁ရက်နေ့မှာ ပြုလုပ်မယ့် ဖိလစ်ပိုင် tour ပွဲ ဟာလည်း ခရစ်ယာန် ဘာသာရေးအဖွဲ့အစည်းတွေရဲ့ တားဆီးမှုနဲ့ ရင်ဆိုင်နေရကြောင်း သိရပါတယ်။

source-http://muslimvillage.com/2012/05/16/23081/lady-gaga-stopped-in-indonesia-after-islamic-opposition/

ဘာာသာပြန်-မင်းဝေယံ