၎င်းအား နည်းပြအဖြစ် ကမ်းလှမ်းခြင်း ရှိ/မရှိကို ဖာဂူဆန် စကား နားမလည်၍ မသိခဲ့ဟု ဂွာဒီယိုလာ အရွှန်းဖောက်

ဧပြီ ၁ ၊ ၂၀၁၄
M-Media

ဖာဂူဆန်၏ လေသံအား နားမလည်သောကြောင့် မန်ယူနည်းပြအဖြစ် ကမ်းလှမ်းခံခဲ့ရခြင်း ရှိ၊ မရှိကို မိမိမသိရှိခဲ့ကြောင်း ဂွာဒီယိုလာ အရွှန်းဖောက်ပြောကြား

– ၂၀၁၂ ခုနှစ် ဖာဂူဆန်နှင့်တွေ့ဆုံစဉ် မန်ယူနည်းပြအဖြစ် မိမိအား ကမ်းလှမ်းကောင်း ကမ်းလှမ်းနိုင်ပြီး မိမိ၏ အင်္ဂလိပ်စွမ်းရည် မကောင်းသောကြောင့် နားမလည်ခြင်းသာဖြစ်နိုင်သည်ဟု ဘိုင်ယန်နည်းပြ ဂွာဒီယိုလာက ပြောကြားခဲ့သည်။

မန်ယူအသင်းနှင့် မနက်ဖြန်နံနက်တွင် ကစားမည့် ချန်ပီယံလိဂ်ပွဲမတိုင်မီ ပြုလုပ်သော သတင်းစာရှင်းလင်းပွဲ၌ မန်ယူအသင်း၏ နည်းပြအဖြစ် ဖာဂူဆန်က ကမ်းလှမ်းခဲ့ဖူးလားဟု မေးမြန်းမှုအား ဂွာဒီယိုလာက ယခုကဲ့သို့ ဖြေကြားခဲ့ခြင်းဖြစ်သည်။

ဖာဂူဆန်နှင့် ဂွာဒီယိုလာတို့မှာ ၂၀၁၂ ခုနှစ် စက်တင်ဘာလတွင် နယူးယောက်မြို့၌ ညစာအတူစားခဲ့ကြပြီး ထိုအချိန်တွင် ဖာဂူဆန်က ဂွာဒီယိုလာအား မန်ယူနည်းပြအဖြစ် ကမ်းလှမ်းခဲ့သည်ဟု သတင်းများထွက်ပေါ်ခဲ့သည်။

“သိပ်ကောင်းတဲ့ စားသောက်ဆိုင်ကို သူ(ဖာဂူဆန်)က ကျွန်တော့်ကို ဖိတ်ခဲ့ပါတယ်။ ဒါပေမယ့် ကျွန်တော့် အင်္ဂလိပ်က သိပ်မကောင်းတော့ ဖာဂူဆန် မြန်မြန်ပြောတဲ့အခါ နားမလည်ပါဘူး။ ဒါ့ကြောင့် ကျွန်တော်ကမ်းလှမ်းမှုခံခဲ့ရလားဆိုတာ မသိခဲ့ပါဘူး” ဟု အရွှန်းဖောက်ပြောကြားသွားခဲ့သည်။

ထိုညစာစားပွဲမှာ ကောင်းမွန်သောညစာစားပွဲဖြစ်ခဲ့ပြီး မန်ယူအသင်းအား ကိုင်တွယ်ရန် ဖာဂူဆန်က ကမ်းလှမ်းမှုမရှိခဲ့ကြောင်း နောက်ပိုင်းတွင် ပြောကြားသွားခဲ့သည်။ ထို့ပြင် ရလဒ်များဆိုးများနှင့် ရင်ဆိုင်နေရသည့် မိုယက်စ်ကိုလည်း ဂွာဒီယိုလာက နှစ်သိမ့်ပြောကြားခဲ့သည်။ ဘိုင်ယန်အသင်းမှာ ၁၉၉၉ ခုနှစ် ချန်ပီယံလိဂ် နောက်ဆုံးဗိုလ်လုပွဲတွင် ဖာဂူဆန်ကိုင်တွယ်သည့် မန်ယူအသင်းအား တစ်ဂိုး ဂိုးမရှိဖြင့် ဦးဆောင်ခဲ့သော်လည်း ရှာရင်ဂမ်နှင့် ဆိုးလ်ရှားတို့၏ နောက်ကျဂိုး ၂ ဂိုးကြောင့် အရှုံးပေးခဲ့ရဖူးသည်။
Ref: Goal