သန်းခေါင်စာရင်းတွင် ရိုဟင်ဂျာ ဖြေခွင့်မပေးခြင်းကို UNFPA ကြေညာချက်ထုတ် တုံ့ပြန်

ဧပြီ ၁ ရက် ၊ ၂၀၁၄
M-Media

ရန်ကုန်။    ။  ဦးသိန်းစိန်ခေါင်းဆောင်သော မြန်မာအစိုးရက UNFPA သို့ နိုင်ငံတကာစံချိန်စံညွှန်းများ လိုက်နာပါမည်ဟု ကတိပေးထားပြီး လက်တွေ့ကောက်ခံချိန်တွင် သန်းခေါင်စာရင်းပါ လူမျိုးနေရာဖြည့်စွက်ရာ၌ ရိုဟင်ဂျာလူမျိုး ဟုဖြေဆိုလျှင် ကောက်ခံခြင်းမပြုဟု သန်းခေါင်စာရင်းစကောက်သည့်နေ့တွင် အမိန့်ထုတ်ပြန်ခဲ့မှုအပေါ် ကမ္ဘာ့ကုလသမဂ္ဂ၏ လက်အောက်ခံ အဖွဲ့အစည်းတစ်ခုဖြစ်သော ကမ္ဘာ့လူဦးရေရံပုံငွေအဖွဲ့ (UNFPA) မှ ကြေညာချက်တစောင် ထုတ်ပြန်လိုက်ပါတယ်။

ကြေညာချက်ပါ အချက်များမှာ –

မိမိကိုယ်ကို ရိုဟင်ဂျာလူမျိုးအဖြစ် ဖြေကြားလိုသော ၂၀၁၄ သန်းခေါင်စာရင်း မေးခွန်းဖြေကြားသူများကို ယင်းသို့ ဖြေကြားရန် ခွင့်မပြုကြောင်း မြန်မာအစိုးရ၏ ဆုံးဖြတ်ချက်အပေါ် ကုလသမဂ္ဂ ကမ္ဘာ့ လူဦးရေရံပုံငွေအဖွဲ့ UNFPA အနေဖြင့် အထူး စိုးရိမ်မကင်းဖြစ်လျက်ရှိပါသည်။

၂၀၁၄ သန်းခေါင်စာရင်းကောက်ခံမှုနှင့် စပ်လျဉ်း၍ ကမ္ဘာ့ကုလသမဂ္ဂနှင့် သဘောတူချက်တွင် အပြည်ပြည်ဆိုင်ရာ သန်းခေါင်စာရင်း စံနှုန်းများ၊ လူ့အခွင့်အရေး စည်းမျဉ်းများနှင့် အညီ ပြုမူဆောင်ရွက်ပါမည်ဟု မြန်မာအစိုးရမှ ခံဝန်ခဲ့သည်။ လူတိုင်းသည် မိမိ၏ ကိုယ်ပိုင်ခံယူသော လူမျိုးနွယ်ကို ကြေညာ ဖော်ထုတ်ခွင့်ရှိကြောင်း၊ သွေးနှောများ အနက်ဖြစ်ပါကလည်း မိမိဆန္ဒရှိရာအတိုင်း ပြောဆိုနိုင်ကြောင်း ဟူသည့် စည်းကမ်းအား လူသိရှင်ကြား လက်ခံခဲ့၏။ သတ်မှတ်တိုင်းရင်းသားစာရင်းထဲ မပါဝင်သူများမှာ မိမိတို့၏ မျိုးနွယ်စုကို ထုတ်ဖော်ပြောကြား၍ ခန့်အပ်စာရင်းကောက်များမှ ၎င်းတို့ပြောဆိုသည့်အတိုင်း မှတ်တမ်းယူထားရမည်ဖြစ်သည်။

သို့သော်လည်း သန်းခေါင်စာရင်းစစ်တမ်းကောက်ယူမှု စလျှင်စချင်း ထိပ်တန်း အာဏာပိုင်များက ရိုဟင်ဂျာအဖြစ် သတ်မှတ်လိုသော လူမျိုးတို့အား ရိုဟင်ဂျာဟု သတ်မှတ်ထည့်သွင်းမှု လက်မခံနိုင်ကြောင်း ကြေညာခဲ့ကြသည်။

နိုင်ငံတကာသန်းခေါင်စာရင်း စံချိန်စံနှုန်းများမှလည်းကောင်း၊ လူ့အခွင့်အရေးစ ည်းမျဉ်းများမှလည်းကောင်း၊ သဘောတူလက်ခံထားပြီးသော လုပ်ထုံးလုပ်နည်းများမှ လည်းကောင်း ဤသို့ ကျောခိုင်းခွဲထွက်လာမှုအပေါ် UNFPA မှ အထူးပင် စိုးရိမ်မကင်း ဖြစ်နေရပါသည်။ လူ့အဖွဲ့အစည်းဆိုင်ရာ အကြမ်းဖက်မှုသမိုင်းကြောင်း ရှိနေသော ရခိုင်ပြည်နယ်၌ ဤလုပ်ရပ်က တင်းမာမှုများ မြှင့်တက်ကြီးထွား လာစေမည်ကို လည်းကောင်း၊ ကောက်ခံရရှိသည့် သန်းခေါင်စာရင်းအချက်အလက်များအပေါ် ယုံကြည်ထိုက်မှုတန်ဖိုး လျော့ကျလာမည်ကိုလည်း စိုးရိမ်ပါသည်။

မြန်မာအစိုးရအနေနှင့် လူ့အသက်များကို ကာကွယ်ရေး နှင့် အကြမ်းဖက်မှုဖြစ်ပွားခြင်းတားဆီးရေး၌ ထိပ်တန်းတင် ဦးစားပေးရန်၊ ရိုဟင်ဂျာအဖြစ် ရွေးချယ်ခံယူလိုသူများအပါအ၀င် လူတိုင်း၏ လူ့အခွင့်အရေးအား အပြည့်အ၀ လေးစား၍ ကာကွယ်စောင့်ရှောက်ပေးရန် ရည်မျှော်လိုက်ရပါသည်။

ပိုမိုသိလိုပါက –

William A.Ryan, [email protected], mobile Skype +66 89 897 6984+66 89 897 6984
သို့မဟုတ် Malene Arboe-Rasmussen, [email protected], tel Skype +95 1 5429 109+95 1 5429 109 ext 146. Mobile Skype +95 9 2500 26961+95 9 2500 26961