ရတနာ့မေတ္တာ၊ ဘာသာပေါင်းစုံအဖွဲ့နှင့် ယူနီဆက် တို့၏ ပူးတွဲကြေညာချက်

ဧပြီ ၄၊ ၂၀၁၄
M-Media
လမင်း

မြန်မာနိုင်ငံရှိ ကလေးငယ်များ ကောင်းမွန်စွာ ဖွံ့ဖြိုးတိုးတက်နိုင်ရန်၊ ဘေးကင်းလုံခြုံသော ဘ၀ကို ပိုင်ဆိုင်နိုင်ရန် အတွက် ဘာသာပေါင်းစုံမှ ခေါင်းဆောင်များ ပါဝင်သည့်သည် နိုင်ငံတော် အဆင့်စုံညီဆွေးနွေးပွဲ တစ်ရပ်ကို ရတနာ့မေတ္တာ ဦးဆောင်ပြီး Unicef ၏ ပူးပေါင်းမှု၍ ဧပြီလ ၂ ရက်နှင့် ၃ ရက်နေ့များတွင် ရန်ကုန်မြို့ရှိ Chatrium Hotel တွင် နှစ်ရက်တာ ဆွေးနွေးခဲ့ကြသည်။

အဆိုပါစုံညီဆွေးနွေးပွဲကို ရတနာ့မေတ္တာအဖွဲ့အစည်း ၊ ဘာသာပေါင်းစုံမှ ခေါင်းဆောင်များနှင့် ကုလသမဂ္ဂ ကလေးများ ရန်ပုံ ငွေအဖွဲ့ (ယူနီဆက်)တို့ ပူးတွဲကြေညာချက်တစောင်ကို ထုတ်ပြန်ကြေညာခဲ့ပါသည်။

ထုတ်ပြန်ကြေညာချက်အပြည့်အစုံမှာ အောက်ပါအတိုင်းဖြစ်ပါသည်။

PDF ဖြင့်ဖတ်ရန် =>http://goo.gl/8Yv7EN

မြန်မာနိုင်ငံ ဘာသာပေါင်းစုံ အဖွဲ့ ကြေညာချက်ဖတ်လိုလျှင် =>http://goo.gl/yanLnL

ဓါတ်ပုံများ FB တွင် ကြည့်ရန် =>http://goo.gl/KqOv54

လူမျိုးရေး ဘာသာရေးမတူညီကွဲပြားမှုအပေါ်  တန်ဖိုးထားလေးစား သည်းခံစိတ်ထားရန်၊ ကလေးသူငယ် အခွင့်အရေး အတွက် စည်းလုံး ညီညွှတ်ကြရန် မြန်မာ့ ဘာသာရေးခေါင်းဆောင်များ သန္န္နိဋ္ဌာန်ပြု

ရန်ကုန်။ ၂၀၁၄ ခုနှစ် ဧပြီလ ၃ ရက်။ ကလေးသူငယ်အခွင့်အရေးကို အကောင်အထည်ဖော် ဆောင်ရွက်ရန်နှင့် လူမျိုးရေး ဘာသာရေးမတူညီကွဲပြားမှုအပေါ် အပြန်အလှန် တန်ဖိုးထား လေးစား သည်းခံခွင့်လွှတ်သည့် အဖွဲ့အစည်းတစ်ရပ်ထူထောင်နိုင်ရန်အတွက် မြန်မာနိုင်ငံရှိ အဓိက ဘာသာရေးကြီးလေးဖွဲ့ဖြစ်သော ဗုဒ္ဓဘာသာ၊ အစ္စလာမ်၊ ဟိန္ဒူ၊ ခရစ်ယန်ဘာသာများမှ ဘာသာရေး ခေါင်းဆောင်များသည် ၎င်းတို့၏ ရှင်းလင်းပြတ်သားသည့် တာဝန်ယူကတိပေးမှုကို ထုတ်ဖော်ပြောကြားရန် ဧပြီလ ၂-၃ ရက်နေ့တွင် ရန်ကုန်မြို့၌တွေ့ဆုံဆွေးနွေးခဲ့သည်။

အဆိုပါစုံညီဆွေးနွေးပွဲကို ရတနာ့မေတ္တာအဖွဲ့အစည်းနှင့် ကုလသမဂ္ဂကလေးများရန်ပုံ ငွေအဖွဲ့ (ယူနီဆက်)တို့ ပူးပေါင်းဆောင်ရွက်သည်။

အဆိုပါစုံညီဆွေးနွေးပွဲသည် ယူနီဆက်မြန်မာ၏ သမိုင်းတွင် ပထမဆုံးသောဆွေးနွေးပွဲတစ်ရပ် ဖြစ်ပြီး ကလေးသူငယ်ကာကွယ်စောင့်ရှောက်ရေး၊ အသက်ရှင်သန်ရေးနှင့် ပညာရေးကို ပံ့ပိုးရန် အလို့ငှာ ဘာသာရေးအသိုင်းအ၀န်းများ၏ သွန်သင်ဆုံးမမှုများကို အစွမ်းကုန် အသုံးချနိုင်ရေး အတွက် ဘာသာပေါင်းစုံမှ ဘာသာရေးခေါင်းဆောင်များ အတူတကွ တက်ရောက် ဆွေးနွေးခဲ့ သည်။

မြန်မာနိုင်ငံဘာသာပေါင်းစုံကြေငြာစာတမ်း ၌ ကလေးတိုင်းတွင် ကောင်းမွန်စွာ ရှင်သန်ဖွံ့ဖြိုး တိုးတက်ကြီးပြင်းနိုင်ပြီး ဘေးကင်း လုံခြုံသော ကလေးငယ်ဘဝကို ပိုင်ဆိုင်နိုင်ခွင့်၊ လွတ်လပ်စွာ တွေးတောကြံဆခွင့်၊ လွတ်လပ်စွာ ကိုးကွယ် ယုံကြည်ခွင့်နှင့် ကလေးသူငယ်အခွင့် အရေးများ ဆိုင်ရာစာချုပ်ပါ အခြား အခွင့်အရေး များကို ရရှိခံစားပိုင်ဆိုင်ခွင့်ရှိစေရမည်ဟု “ယုံကြည်ဆောင် ရွက် ကလေးများအတွက်” နိုင်ငံတော် အဆင့်စုံညီဆွေးနွေးပွဲသို့ တက်ရောက်လာကြသည့် မြန်မာ နိုင်ငံဘာသာပေါင်းစုံ အဖွဲ့ဝင်များက ဤကြေငြာစာတမ်းမှတဆင့် အတည်ပြုကြေငြာခဲ့သည်။ ကလေးသူငယ်အခွင့်အရေးများ ဆိုင်ရာစာချုပ်၏ အနှစ်သာရအချက်များဖြစ်သည့် ကလေး ငယ်များ၏ အသက်ရှင်သန်ခွင့်၊ ဖွံ့ဖြိုးတိုးတက်ခွင့်နှင့် ပါဝင်ဆောင်ရွက်ခွင့်၊ ပုံစံအမျိုးမျိုးသော ခွဲခြားဆက်ဆံခံရခြင်း များမှ ကင်းလွတ်ခွင့်နှင့် လူ့အခွင့်အရေးသည် အားလုံးအတွက်ဖြစ်စေခွင့် စသည့်အချက်များကို ဘာသာရေးပေါင်းစုံအဖွဲ့အစည်းများက “မြန်မာနိုင်ငံဘာသာပေါင်းစုံ ကြေငြာစာတမ်း”တွင် ထောက်ခံဖော်ပြ ထားသည်။ (မြန်မာနိုင်ငံ ဘာသာပေါင်းစုံ ကြေငြာစာတမ်း အပြည့်အစုံကို ယခုသတင်းထုတ်ပြန်ချက်နှင့်အတူ ပူးတွဲဖြန့်ဝေထားသည်။)

“နိုင်ငံအသီးသီးမှာ ဘာသာတရားတွေရဲ့ သြဇာသက်ရောက်လွှမ်းမိုးမှုဟာ လူမှုအသိုင်းအ၀န်း အပေါ် အပြုအမူနဲ့ သဘောထားကို ပြုပြင်ပြောင်းလဲရာမှာ သိသိသာသာ တိုးတက် ပြောင်းလဲ နိုင်ကြောင်းကို လေ့လာမှုတွေအရ  သိရပါတယ်။ ဘာသာရေးခေါင်းဆောင် တွေဟာ သြဇာအရှိန် အ၀ါ ကြီးမားသူတွေ၊ မေတ္တာတရား ကြီးမားသူတွေ ပြည်သူ လူထုရဲ့အထူးယုံကြည်သက်ဝင်မှု ရရှိထားသူတွေဖြစ်တဲ့အတွက် ယနေ့ဆွေနွေးပွဲကနေ ကလေးသူငယ်ကာကွယ်စောင့်ရှောက်ရေး၊ အခွင့်အရေးနှင့် ရှင်သန် ဖွံ့ဖြိုးရေးများအတွက်၊ ဘာသာရေးခေါင်းဆောင်များအကြား နားလည်မှု များ၊ ရေရှည်လက်တွဲ ဆောင်ရွက်သွားနိုင်မည့်လုပ်ငန်းစဉ်များ၊ ပူးပေါင်း ဆောင်ရွက်နိုင်မှုများ ဖော်ထုတ်ဆွေးနွေးပေးကြဖို့ လျှောက်ထားတင်ပြအပ်ပါတယ်” ဟု ရတနာ့မေတ္တာ အဖွဲ့မှ ဥက္ကဌ ဦးမြင့်ဆွေကပြောသည်။

လက်ရှိအခြေအနေအရ မြန်မာနိုင်ငံတွင် ကလေးသူငယ်ပြသနာရပ်များကိုကိုင်တွယ်ဖြေရှင်းရေးနှင့် ဘာသာပေါင်းစုံဆွေးနွေး ပွဲများဖြစ်ထွန်းရေးကို အားပေးရန်အတွက် ဘာသာပေါင်းစုံအချင်းချင်း ချိတ်ဆက် ပေးနိုင်သည့် ပလက်ဖောင်း တစ်ရပ်ထူထောင်ပေးရန် အလွန်အရေးကြီးသည်။ ယခုအသစ် ထုတ်ပြန်ကြေငြာခဲ့သည့် မြန်မာနိုင်ငံ ဘာသာပေါင်းစုံ ကြေငြာချက်သည် မြန်မာနိုင်ငံရှိ ကလေးသူငယ်များ ရှင်သန်ဖွံ့ဖြိုးရေးနှင့် ကာကွယ်စောင့်ရှောက်ရေး အတွက် ပူးတွဲလုပ်ဆောင် ရမည့် နည်းလမ်းများကို ဖော်ပြထားသည်။

“ကျွန်ုပ်တို့ ကမ္ဘာ့ဘာသာရေးခေါင်းဆောင်တွေအနေနဲ ယုံကြည်ကိုးကွယ်မှု ဘာသာတရားတွေဟာ လူသားတွေရဲ့ စိတ်ထဲမှာရှိတဲ့ အကြမ်းဖက်မှုတွေလျော့ပါးသွားစေဖို့နဲ့ လူသားတွေကို ယဉ်ကျေး လိမ္မာစေဖို့ သက်ဆိုင်တဲ့ နည်းလမ်းတွေရှိပါတယ်။ ဘာသာရေးခေါင်းဆောင်တွေဟာ ကမ္ဘာ့ ငြိမ်းချမ်းရေးနဲ့ တည်ငြိမ်အေးချမ်းရေးကို အားပေးဖို့ နဲ့ လူသားတွေရဲ့ ကောင်းကျိုးတွေကို အစွမ်းကုန် ဆောင်ရွက်ပေးနိုင်သူတွေလို့ လူသားတွေက ခံယူထားတဲ့အတွက် ဘာသာရေး ခေါင်းဆောင်တွေရဲ့ အခန်းကဏ္ဍကို မြှင့်တင်ပေးရမှာဖြစ်ပါတယ်။ ဒါဟာ ကမ္ဘာ့ဘာသာရေး ခေါင်းဆောင်တွေအပေါ် ကျွန်ုပ်ရဲ့ အလေးအနက် တောင်းဆို မေတ္တာရပ်ခံချက်ပါပဲ” ဟု သီတဂူအပြည်ပြည်ဆိုင်ရာ ဗုဒ္ဓတက္ကသိုလ်မှ အဓိပတိ၊ သီတဂူဆရာတော် ဒေါက်တာဥာဏိဿရ က မိန့်ကြားသည်။

ကမ္ဘာတစ်ဝှန်းလုံးတွင် ယူနီဆက်သည် ဘေးဒဏ်သင့်ခံနေရသည့် ကလေးသူငယ်များ၏ ပြသနာ ရပ်များကို ဖြေရှင်းနိုင်ရန်အတွက် ဘာသာရေးခေါင်းဆောင်များနှင့် အတူ  ပူးပေါင်းလက်တွဲ ဆောင်ရွက် ခဲ့သည့်သမိုင်းကြောင်းအစဉ်အလာများရှိခဲ့သည်။

ဥပမာအားဖြင့် – အယ်ဆာဗာဒိုနိုင်ငံတွင် ဖြစ်ပွားခဲ့သည့် ပြည်တွင်းစစ်ပွဲကာလအတွင်း  ခရစ်ယန် ဘုရားရှိခိုးကျောင်းများနှင့် ပူးပေါင်းပြီး အပစ်အခတ် ရပ်စဲရေးအတွက် စေ့စပ်ညှိနှိုင်းပေးနိုင်ခဲ့သည့် အတွက် ကလေးသူငယ်များအား ကာကွယ်ဆေးထိုးပေးနိုင်ခြင်း၊ မိန်းကလေးငယ်များ ပညာရေး အတွက်  ဗလီဆရာများနှင့်ပူးပေါင်းခဲ့ခြင်း၊ ကမ္ဘောဒီးယားနိုင်ငံတွင် အိပ်(ခ်ျ)အိုင်ဗွီအေ့(ဒ်)ရောဂါ ဝေဒနာ ခံစားနေရသည့် ကလေးသူငယ်များအား ကူညီစောင့်ရှောက် နိုင်ရန်အတွက် ဗုဒ္ဓဘာသာ ဘုန်းတော်ကြီးများနှင့် ပူးပေါင်းခြင်းစသည့် သမိုင်းကြောင်းအစဉ်အလာကောင်းများရှိခဲ့သည်။

ဘာသာပေါင်းစုံငြိမ်းချမ်းရေး (မြန်မာ)မှ နာယကတစ်ဦးဖြစ်သူ အစ္စလမ်ဘာသာရေးခေါင်းဆောင် ဆရာဦး ကိုလေးကလည်း “ကျွန်တော်တို့အနေနဲ့ အခုလို ယူနီဆက်နဲ့ ပူးပေါင်းရတာကို အလွန်ဝမ်းမြောက်ပါတယ်။ ကလေးသူငယ်တွေဟာ ရတနာတစ်ပါးဖြစ်တယ်လို့ ကိုရမ်ကျမ်းမှာ ဖော်ပြထားပါတယ်။ ကလေးသူငယ်တွေကို အကောင်းဆုံးပြုစုစောင့်ရှောက်ဖို့အတွက်လည်း မိဘတွေကို တင်းတင်းကြပ်ကြပ် ညွှန်ကြားထားပါတယ်” ဟုပြောသည်။

ယုံကြည်ဆောင်ရွက်ကလေးများအတွက် နိုင်ငံတော်အဆင့် စုံညီဆွေးနွေးပွဲကို ယူနီဆက်၏  ပံ့ပိုးမှုဖြင့် ရတနာ့မေတ္တာအဖွဲ့ကဆောင်ရွက်သော “ယုံကြည်ဆောင်ရွက်ကလေးများအတွက်” လုပ်ငန်း စီမံချက်မှ ပေါ်ထွက်လာသည့် အကောင်းဆုံး အလေ့အကျင့်များကို မျှဝေရန်နှင့် ဆောင်ရွက်ခဲ့ပြီးသည့် အလုပ်တွေကို စုစည်းပေးရန် အတွက် အချိန်ခါသင့် ကျင်းပခြင်းဖြစ်သည်။

လူမှုရေး ဘာသာရေးဆိုင်ရာ တန်ဖိုးများအပေါ် အခြေခံ၍ ယခုပူးပေါင်းဆောင်ရွက်မှုသည် ဘာသာရေးခေါင်းဆောင် များအား ကလေးသူငယ်ရှင်သန်ဖွံ့ဖြိုးရေး၊ ကာကွယ်စောင့်ရှောက်ရေး ဆိုင်ရာ ကိစ္စရပ်များကို ဘာသာရေးဆိုင်ရာ အခမ်းအနားများနှင့် ဟောပြောပွဲများတွင် ထည့်သွင်းဆုံးမရန် တွန်းအားပေးထားသည်။ ဗုဒ္ဓဘာသာမှ သက်ဆိုင်ရာ အဆုံးအမများကို ကောက်နုတ်ပြီး “ယုံကြည်ဆောင်ရွက်ကလေးများအတွက်” စာအုပ်ငယ်များပြုစု ထုတ်ဝေ ခဲ့သည်။ တစ်နှစ်တာကာလအတွင်း မြန်မာနိုင်ငံအတွင်း ကျေးရွာပေါင်း ၈၈၀ မှ ဘုန်ကြီးကျောင်း ၃၀၀၀ ကျော်တွင် ပြည်သူ လူထုများနှင့် မိသားစုဝင်များအဓိက လက်တွေ့လိုက်နာကျင့်သုံးရမည့် ကျန်းမာရေးဆိုင်ရာအချက်အလက်များကို စတင်ဖြန့်ဝေနေပြီ ဖြစ်သည်။

“တိုင်းပြည်အသွင်ကူးပြောင်းစကာလ အတောအတွင်းမှာ ကလေးသူငယ်တွေနဲ့ မိသားစုဝင် တွေဟာ စိတ်ဓာတ်ပိုင်းဆိုင်ရာ ယုံကြည်မှုဆိုင်ရာ လမ်းညွှန်ချက်တွေ ရှာဖွေနေကြပါတယ်။ ပြည်သူလူထုတွေ တော်တော် များများဟာ ဘာသာရေး လူမျိုးရေးပဋိပက္ခ အကြမ်းဖက်မှုဒဏ်တွေ ကြောင့် ထိခိုက်ခံနေရပါတယ်။ ဒါ့ကြောင့် ငြိမ်းချမ်းရေးနဲ့ ကလေးသူငယ်အခွင့်အရေးကို မြှင့်တင် ပေးဖို့အတွက် ဘာသာရေးခေါင်းဆောင်တွေဟာ အလွန်အရေးပါတဲ့ အခန်းကဏ္ဍမှာ ပါဝင် နေပါတယ်” ဟု ယူနီဆက်(မြန်မာ) ဌာနေကိုယ်စားလှယ် မစ္စတာ ဘက်ထရန် ဗိန်းဘဲ(လ်) ကပြောသည်။

အဆိုပါညီလာခံသို့ ယူနီဆက် နယူးယောက်မှ လူထုအဖွဲ့နှင့်မိတ်ဖက်လုပ်ဆောင်ရး အစီအစဉ် ဌာန ဌာနမှူး Ms. Liza Barrie၊ မလေးရှားနိုင်ငံမှ ဗုဒ္ဓဘာသာဘုန်းတော်ကြီး Datuk Kirinde Dhammaratana၊ ဘာသာပေါင်း စုံငြိမ်းချမ်းရေးမှ ဒုတိယ အထွေထွေအတွင်းရေးမှူး Rev. Kyoichi Sugino၊ ထိုင်းနိုင်ငံ နိုင်ငံတကာငြိမ်းချမ်းရေးလေ့လာမှု ဌာနမှ ညွှန်ကြားရေးမှူး Mr. Ekraj Sabur အပါအ၀င် အစိုးရဌာနများ၊ ဘာသာရေး အသီးသီးမှ ကိုယ်စားလှယ်များ၊ ကျွမ်းကျင် ပညာရှင်များ စုစုပေါင်း ၁၀၀ ကျော်ပါဝင်တက်ရောက်ဆွေးနွေးခဲ့သည်။

အသေးစိတ်သိရှိလိုပါက အောက်ဖော်ပြပါပုဂ္ဂိုလ်များသို့ ဆက်သွယ်မေးမြန်းနိုင်သည်

စန္ဒာလင်း၊ ပြန်ကြားရေးအရာရှိ၊ ယူနီဆက်(ဖ်) မြန်မာ၊ ဖုန်း – ၀၁- ၂၃၀ ၅၉၆၀ – ၆၉ [email protected]

ရဲလွင်၊ ပြန်ကြားရေးအရာရှိ၊ ယူနီဆက်(ဖ်) မြန်မာ၊ ဖုန်း – ၀၁- ၂၃၀ ၅၉၆၀ – ၆၉ [email protected]