ရန်ကုန်မြို့တွင် လွတ်လပ်စွာ ဆန္ဒ ဖော်ထုတ်နိုင်ရန် ပြည်သူ့ ဟစ်တိုင် ပြုလုပ်ပေးမည်

ဧပြီ ၄၊ ၂၀၁၄
M-Media
လမင်း

ရန်ကုန်။      ။ အများပြည်သူများ မည်သူမဆိုလွတ်လပ်စွာ ဆန္ဒဖော်ထုတ်နိုင်ရန်  လူထုဟစ်တိုင် ရန်ကုန်မြို့တွင် ဆောက်လုပ်ပေးသွားမည်ဟု ရန်ကုန်တိုင်းဒေသကြီး အစိုးရ လုံခြုံရေးနှင့် နယ်စပ်ရေးရာဝန်ကြီးဌာန ၀န်ကြီး ဗိုလ်မှူးကြီး တင်ဝင်းက ပြောကြားခဲ့ပါတယ်။

“ဆန္ဒပြသမှုများကြောင့် အများပြည်သူများ အပန်ဖြေသည့်နေရာများတွင် စိတ်အနှောင့်အယှက်ဖြစ်စေပါတယ် ။ မြို့တော်ခန်းမရှေ့ဆိုရင် ကမ္ဘာလှည့်ခရီးသွား အများဆုံးလာတဲ့နေရာတစ်ခုပါ။ ဆန္ဒပြသူအများစုကလည်း ဒီမှာပဲလာပြနေကြတော့ နိုင်ငံတကာက လူတွေမြင်သွားရင် မကောင်းဘူး။ နောက်ပြီး နိုင်ငံကိုဝင်လာမယ့် နိုင်ငံခြား ရင်းနှီးမြှပ်နှံမှုတွေလည်း တွန့်ဆုတ်သွားနိုင်တယ်” ဟု၎င်းက ဆက်လက်ပြောပါတယ်။

နေရာအနေအထား အကျယ်အ၀န်းတွေ့ပါက လူများများနှင့်ပြောဆိုနိုင်သော ဟစ်တိုင်တစ်ခု ပြုလုပ်ပေးမည်ဖြစ်ကြောင်း၊ ဟစ်တိုင်ဆောက်ပြီးပါကလည်း မည်သည့် ကန့်သတ်ချက်မှ လုပ်ဆောင်မည် မဟုတ်ဘဲ စိတ်ကြိုက်ပြောဆို လုပ်ဆောင်နိုင်ကြောင်း ၊ ပြည်သူများ၏ ဆန္ဒပြရသည့် အကြောင်းအရင်းများကို နားလည်မှုရှိသော်လည်း ဥပဒေနှင့်အညီ အရေးယူရမှုများရှိကြောင်း၊  ညှိုနှိုင်းဖြေရှင်းခြင်းက အကောင်းဆုံး နည်းလမ်းဖြစ်ကြောင်း ပြောကြားခဲ့ပါတယ်။

ရန်ကုန်မြို့ မဟာဗန္ဓုလပန်းခြံဘေးတွင် မတ်လ ၂၄ ရက်မှစတင်ကာ မိကျောင်းကန်မြေယာများပြန်လည်ရရှိရေးအတွက် သပိတ်စခန်း ဖွင့်လှစ်ခဲ့ကြပြီး ၎င်းသပိတ်စခန်းကို မတ်လ ၃၀ ရက်နေ့ နံနက် ၃ နာရီတွင် တစ်ကြိမ်၊ မတ်လ ၃၁ ရက်နေ့ နံနက် ၃ နာရီခန့်တွင် တစ်ကြိမ် လူအများ အိပ်နေချိန်တွင် စည်ပင်ဝန်ထမ်း၊ အရပ်ဝတ် လူများက အင်အားသုံး ဖြိုခွင်းခဲ့ကြပါတယ်။