တရားမ၀င် အိမ်ယာ ဆောက်လုပ်မှု နိုင်ငံတကာ၏ အစ္စရေးအပေါ် သပိတ်မှောက်မှု ဥရောပ နိုင်ငံများ ပါဝင်လာ

ဧပြီ ၆ ၊ ၂၀၁၄
M-Media

ပါလက်စတိုင်းပိုင်နက်တွင် အစ္စရေးက အိမ်ယာများ ဆောက်လုပ်မှုအပေါ် နိုင်ငံတကာ၏ ပိတ်ဆို့ သပိတ်မှောက်မှုများ အတွင်း ဥရောပသမဂ္ဂလည်း ပါဝင်လာခဲ့သည်ဟု သိရသည်။

ဥရောပနိုင်ငံခြားရေးရာ ပေါ်လစီ အကြီးအကဲ ကက်သရင်းအက်ရ်ှတန်သို့ ဥရောပ ပါလီမန်အဖွဲ့ဝင် ၂၉ နိုင်ငံမှ ယမန်နေ့က ပေးပို့သောစာတွင် ပါလက်စတိုင်း ပိုင်နက်တွင် တရားမ၀င်အိမ်ယာများ ဆောက်လုပ်နေသည့် အစ္စရေး ကုမ္ပဏီများနှင့် ဆက်သွယ်သော ဥရောပ ကုမ္ပဏီများအား ဟန့်တားအရေးယူမှုများပြုလုပ်ရန် မိမိတို့မှ တိုက်တွန်းကြောင်း ရေးသားဖော်ပြခဲ့သည်။

အဆိုပါ အစ္စရေးကုမ္ပဏီများနှင့် စီးပွားရေးအရ ဆက်သွယ်မှုမှာ အစ္စရေး၏ နိုင်ငံတကာဥပဒေအား ချိုးဖောက်ခြင်းနှင့် လူ့အခွင့်အရေး ချိုးဖောက်ခြင်းတို့အား အားပေး အားမြှောက်ပြုခြင်းသာဖြစ်သည်ဟု ဥရောပ ဥပဒေပြုအမတ်များက ပြောကြားခဲ့သည်။

“(အစ္စရေးရဲ့) အိမ်ရာတွေ ချဲ့ထွင်ဆောက်လုပ်မှုကို ဥရောပ စီးပွားရေးလုပ်ငန်းတွေက နည်းလမ်းပေါင်းစုံနဲ့ ကူညီနေတယ်ဆိုတဲ့ အထောက်အထား အများအပြားရှိပါတယ်” ဟု ကက်သရင်း အက်ရ်ှတန်သို့ ပေးပို့သော ထိုစာတွင် ဖော်ပြထားသည်။

ပါလက်စတိုင်းများ အပေါ်ထားရှိသည့် ရန်လိုသော ပေါ်လစီများအတွက် အစ္စရေးမှာ ဖယ်ထုတ်ခြင်းနှင့် ရင်ဆိုင်နေရပြီး၊ ၎င်း၏ တရားမ၀င်အိမ်ယာများအတွက်လည်း နိုင်ငံတကာမှ ဆန့်ကျင်မှုများရှိနေသည်။ ထိုတရားမ၀င် အိမ်ယာများတွင် အခြေပြုသည့် အစ္စရေး၏ ရပ်တည်မှုများကို ငွေကြေးထောက်ပံ့ခြင်းနှင့် ခွင့်ပြုချက်အားလုံးကိုလည်း ဥရောပသမဂ္ဂက ပိတ်ဆို့ခဲ့သည်။

အမေရိကန်ပညာရေး အဖွဲ့တစ်ခုဖြစ်သည့် The American Studies Association နှင့် ဥရောပရှိ ပညာရေးဆိုင်ရာအဖွဲ့များစွာက ပါလက်စတိုင်းများအပေါ် အစ္စရေး၏ ခွဲခြားဆက်ဆံမှု အတွက် သပိတ်မှောက်သွားရန် ဆုံးဖြတ်ပြီးပြီဟု ပြီးခဲ့သည့်လများက ကြေညာခဲ့သည်။

Boycott, Divestment and Sanctions (BDS) ဟုအမည်ရသော အစ္စရေးထွက်ကုန်များအား သပိတ်မှောက်သည့် လှုပ်ရှားမှုတစ်ခုကိုလည်း နိုင်ငံတကာက ပြုလုပ်ထားပြီး ထိုလှုပ်ရှားမှုကြောင့် ယခုအချိန်အထိ အစ္စရေးအစိုးရမှာ ကန်ဒေါ်လာ သန်း ၃၀ ဆုံးရှုံးခဲ့ပြီးဖြစ်သည်။ ပါလက်စတိုင်း နယ်မြေများအတွင်း အစ္စရေး၏ တရားမ၀င် အိမ်ယာများ ဆောက်လုပ်ခြင်း ရပ်တန့်ရန်အတွက် နိုင်ငံတကာ၏ ဖိအားပေးမှုများတွင် BDS လှုပ်ရှားမှုမှာလည်း တစ်စိတ်တစ်ပိုင်းပါဝင်သည်။

ပါလက်စတိုင်းပိုင်း အရှေ့ဂျေရုစလင်နှင့် အနောက်ဘက်ကမ်းခြေတို့အား ၁၉၆၇ ခုနှစ်တွင် အစ္စရေးက သိမ်းယူခဲ့ပြီးနောက်ပိုင်း ထိုဒေသများတွင် ဆောက်လုပ်ခဲ့သည့် တရားမ၀င်အိမ်ယာများမှာ ၁၂၀ ခန့်ရှိပြီး၊ ထိုအိမ်ရာများတွင် အစ္စရေးနိုင်ငံသား သန်းဝက်ခန့် နေထိုင်နေကြသည်။ ထို့ပြင် အနောက်ဘက်ကမ်းခြေရှိ အိမ်ယာ ၆ ခုတွင် လူ ၂၀၀၀ ကို ထပ်မံ၍ နေရာချထားပေးရန် အစ္စရေးက စီစဉ်နေသည်။
DB/HSN/HRB