ရုရှားနိုင်ငံရှိ ပြည်နယ် တစ်ခုတွင် အာဇန်(၀တ်ပြုရန် ဖိတ်ခေါ်သံ) ဟစ်ကြွေးမှု ပြိုင်ပွဲပြုလုပ်

ဧပြီ ၆၊ ၂၀၁၄
M-Media

– ရုရှားနိုင်ငံ Saratov ပြည်နယ်ရှိ အစ္စလာမ့်ဓမ္မ သင်တန်းကျောင်းမှ ကလေးငယ်များ အာဇန် (၀တ်ပြုရန် ဖိတ်ခေါ်သံ) ဟစ်ကြွေးမှုပြိုင်ပွဲ တစ်ခုကို ပြီးခဲ့သည့် သီတင်းပတ်က ပြုလုပ်ခဲ့သည်ဟု သိရသည်။

The II Annual ဟု အမည်ပေးထားသည့် အဆိုပါ အာဇန် ဟစ်ကြွေးမှုပြိုင်ပွဲကို Sheikh Said  အစ္စလာမ့် ဓမ္မ သင်တန်းကျောင်းက ပြည်နယ် အစ္စလာမ့် ခန်းမတွင် ပြုလုပ်ခဲ့ခြင်းဖြစ်ပြီး အဆိုပါ သင်တန်းကျောင်းမှ ကျောင်းသားများ ၀င်ရောက်ယှဉ်ပြိုင်ခဲ့ကြသည်။

နောက်ဆုံး ဇကာတင် ၁၂ ဦးအား အုပ်စု ၂ စုခွဲကာ ယှဉ်ပြိုင်စေခဲ့ပြီး အာဇန် ဖိတ်ခေါ်မှု စကားလုံးများ၏ အနက် အဓိပ္ပါယ်ကို နားလည်မှု၊ မှန်ကန်စွာ ရွတ်ဖတ် ဟစ်ကြွေးနိုင်မှုနှင့် ဟစ်ကြွေးရာတွင် သောတ ပသာဒ ရှိမှုတို့ကို အခြေခံကာ ဒိုင်လူကြီးများက အမှတ်ပေးရွေးချယ်ခြင်းဖြစ်သည်။

အဆိုပါ ဓမ္မသင်တန်းကျောင်း၏ ကျောင်းအုပ် ရာဆင်မ် ဟာဇရတ် ကွဇ်ယာမီတော့ဗ်ကမူ ထိုကဲ့သို့ပြိုင်ပွဲများပြုလုပ်ပေးခြင်းက ကလေးငယ်များပေါ် ကောင်းမွန်သော လွှမ်းမိုးမှုရှိလာပြီး၊ ဘာသာတရားအား လေ့လာရန် အတွက် ၎င်းတို့အား လှုံဆော်ပေးသည်ဟု ပြောကြားခဲ့သည်။ ထို့ပြင် ကလေးငယ်များ၏ နှလုံးသားများတွင် ယုံကြည်ချက် ခိုင်မာလာစေရန်အတွက် မိမိတို့၏အိမ်ရှိ ကလေးငယ်များအား အာဇန်ဟစ်ကြွေးမှု သင်ကြားပေးရန် မိဘများကိုလည်း တိုက်တွန်းခဲ့သည်။

အစ္စလာမ်ဘာသာဝင်များမှာ တစ်နေ့လျှင် ဆွလာသ် ငါးကြိမ်ဝတ်ပြုရပြီး၊ အကြိမ်တိုင်းတွင် အာဇန် ဟစ်ကြွေးမှုကို ပြုလုပ်ရသည်။ ထိုဟစ်ကြွေးမှုတွင် အလ္လာဟ်အရှင်မြတ် ကြီးကျယ်မြင့်မြတ်တော်မှုကြောင်း ချီးကျူးခြင်း၊အလ္လာဟ် တစ်ပါးတည်း တည်ရှိကြောင်းနှင့် တမန်တော် မုဟမ္မဒ်သခင်မှာ လူသားများအား တရား လမ်းမှန်ကို ညွှန်ကြားပြသရန် အလ္လာဟ်အရှင်မြတ်က စေလွှတ်ကြောင်း သက်သေခံခြင်းနှင့် ဆွလာသ် ၀တ်ပြုရန်ဖိတ်ခေါ်ခြင်း စသည့် အဓိပ္ပါယ် သက်ရောက်သော အာရဗီစာပိုဒ်များပါဝင်သည်။
Ref: islam.ru