“ ရခိုင်ဒီမိုကရေစီ ကျဆုံးခန်း ”

စည်သူအောင်မြင့်
ရန်ကုန်တိုင်းမ် သတင်းစာ၊ ၄-၄-၁၄။

ပြီးခဲ့တဲ့ မတ်လ ၂၆ ရက်နဲ့ ၂၇ ရက်နေ့တွေက ရခိုင်ပြည်နယ် မြို့တော် စစ်တွေမှာ နိုင်ငံတကာ အင်န်ဂျီအို အခြေစိုက်ထားတဲ့ ရုံးတွေ၊ ဂိုဒေါင်တွေ၊ အင်န်ဂျီအို ၀န်ထမ်းတွေ ငှားရမ်းနေထိုင်တဲ့ အိမ်တွေ တိုက်ခိုက်ခံရပါတယ်။ လက်နက်ကြီး လက်နက်ငယ်တွေနဲ့ တိုက်ခိုက်ကြတာမျိုးတော့ မဟုတ်ပါဘူး။ အိမ်ကို ခဲတွေနဲ့ပစ်၊ တွေ့တဲ့ ကား၊ ဆိုင်ကယ်တွေကို ဖျက်ဆီး၊ တစ်ချို့အိမ်တွေဆို အိမ်ခန်းထဲ အထိ ၀င်ပြီး ဖျက်ဆီးတာမျိုး လုပ်ကြပါတယ်။ အင်န်ဂျီအို ၀န်ထမ်းတွေကတော့ တစ်ချို့ထွက်ပြေး၊ တစ်ချို့ကို အာဏာပိုင်တွေက ကယ်ထုတ်၊ လုံခြုံရာနေရာမှာ လုံခြုံရေးပေးပြီး စောင့်ရှောက်ထား၊ တစ်ချို့ကို ချက်ခြင်းလိုလို ရန်ကုန်ကို လေယာဉ်နဲ့ ပြန်လွှတ် စသဖြင့် လုပ်ကိုင်ဆောင်ရွက်ပေးခဲ့ရတယ်လို့ ဆိုပါတယ်။ ဘယ်လိုပဲဖြစ်ဖြစ် ရခိုင်ပြည်နယ် စစ်တွေမှာ နိုင်ငံခြားသား အင်န်ဂျီအိုတွေနဲ့ နိုင်ငံသား အင်န်ဂျီအို ၀န်ထမ်းတွေ တိုက်ခိုက်ခံရတယ် ဆိုတဲ့ သတင်း နိုင်ငံတကာကို ပျံ့နှံ့သွားပါပြီ။ ရခိုင်ပြည်နယ်မှာ တရားဥပဒေ စိုးမိုးမှုရော ရှိပါသေးရဲ့လား၊ ၂၀၁၁ မတိုင်ခင် ရခိုင်တိုင်းရင်းသားတွေ တိုက်ပွဲဝင်ခဲ့တဲ့ ဒီမိုကရေစီကရော ဘယ်ရောက်သွားပြီလဲ ဆိုတာ ဒီတစ်ပါတ် ဆွေးနွေးတင်ပြသွားပါ့မယ်။

အားလုံးသိကြတဲ့အတိုင်း ၂၀၁၁ မတိုင်ခင် ရခိုင်ပြည်နယ်မှာ ရခိုင် တိုင်းရင်းသားတွေရဲ့ ဒီမိုကရေစီအရေး တောင်းဆို တိုက်ပွဲဝင်မှုတွေဟာ ပြည်မက အင်န်အယ်လ်ဒီ ပါတီ နဲ့ ၈၈ မျိုးဆက် ကျောင်းသား လှုပ်ရှားမှုတွေ နည်းတူ ရှေ့တန်းရောက်ခဲ့ပါတယ်။ ၂၀၁၀ ရွေးကောက်ပွဲမှာ ရခိုင်တစ်မျိုးသားလုံး တခဲနက် စည်းလုံးညီညွတ်ပြီး ရွေးကောက်ပွဲ မ၀င်နိုင်ကြတဲ့တိုင် ရွေးကောက်ပွဲဝင်တဲ့ ရခိုင်တိုင်းရင်းသားများ တိုးတက်ရေးပါတီ RNDP ဟာ မမျှတတဲ့ ရွေးကောက်ပွဲ ဥပဒေ၊ နည်းဥပဒေ၊ ကော်မရှင် အဖွဲ့ခွဲတွေကို အံတုပြီး အနိုင်ရအောင် ကြိုးစားခဲ့တာ တွေ့ရပါတယ်။ ရလာဒ် အဖြစ် ပြည်နယ် ရွေးကောက်ပွဲတွေမှာ RNDP အောင်မြင်မှု ရလာဒ်ဟာ အမြင့်မားဆုံး ဖြစ်ခဲ့ပါတယ်။ ခုလို ဒီမိုကရေစီရေး လှုပ်ရှားမှု ဒီရေတွေမြင့်တက်၊ ရွေးကောက်ပွဲမှာလည်း တွန်းတွန်းတိုက်တိုက် လုပ်လွန်းလို့ အတိုင်းအတာ တစ်ခု အထိ အနိုင်ရလာပြီဆိုတော့ ရခိုင်ပြည်နယ်မှာ ဒီမိုကရေစီ ပိုထွန်းကားလာမယ်၊ ရခိုင်ပြည်နယ် ဖွံ့ဖြိုးတိုးတက်ရေး အတွက် ရခိုင် တိုင်းရင်းသားတွေ ပညာရည် မြင့်မားရေးနဲ့ လူမှုစီးပွားဘ၀ ဖွံ့ဖြိုးတိုးတက်ရေး အတွက် တွန်းတွန်းတိုက်တိုက် လုပ်နိုင်ကြတော့မယ်လို့ ထင်မှတ်ခဲ့ကြပါတယ်။ ဒါပေမယ့် အဲဒီအတိုင်း ဖြစ်မလာပါဘူး။

တစ်ချို့အဖွဲ့တွေဟာ အစ္စလာမ် ဘာသာဝင်တွေဆီ ဈေးသွားရောင်းသူတွေ၊ ဈေးသွားဝယ်သူတွေကို ကိုယ့်နည်းကိုယ့်ဟန်နဲ့ အပြစ်ပေးပါတယ်။ ရခိုင်အချင်းချင်း ဒါဏ်ခတ်တာ ဖြစ်ပါတယ်။ ဒီ လုပ်ရပ်တွေနဲ့ ပါတ်သက်ပြီး သက်ဆိုင်ရာ အာဏာပိုင် အဖွဲ့အစည်းတွေက လက်ပိုက်ကြည့်နေခဲ့သလို ရခိုင်နိုင်ငံရေး ခေါင်းဆောင်တွေကလည်း ဘာတစ်ခုမှ ထုတ်ဖော်ပြောဆိုတာ မရှိခဲ့ပါဘူး။

ရခိုင်တိုင်းရင်းသူ မသီတာထွေး အသတ်ခံရမှု၊ အစိုးရပိုင် သတင်းစာတွေက အဲဒီ လူသတ်မှုသတင်းမှာ ကျူးလွန်သူတွေရဲ့ လူမျိုးဘာသာ ထည့်သွင်း ဖော်ပြမှု၊ တောင်ကုတ်မှာ အစ္စလာမ် ဘာသာဝင်တွေ အစုလိုက် အပြုံလိုက် အသတ်ခံရမှု ပေါ်ပေါက်လာအပြီးမှာတော့ ရခိုင်တွေရဲ့ အာရုံဟာ သူတို့အခေါ် ဘင်္ဂလီ လို့ ဆိုတဲ့ အစ္စလာမ် ဘာသာဝင်တွေ ဘက် လှည့်သွားပါတော့တယ်။ သတ်ကြ၊ ဖြတ်ကြ၊ မီးတွေရှို့ကြ၊ ဖျက်ဆီးကြနဲ့ နှစ်ဖက် လူ ၁၀၀ ကျော် သေဆုံးပါတယ်။ အိုးအိမ်တွေ အများအပြား ဖျက်ဆီးခံရပြီး ရခိုင် ၄၀၀၀ ကျော်လောက်နဲ့ ဘင်္ဂလီ တစ်သိန်းဝန်းကျင် ဒုက္ခသည် စခန်း ရောက်ကုန်ပါတယ်။ ဒီနေ့ထက်ထိ အဲဒီ ပြသနာ မပြီးသေးပါဘူး။

နောက်ပိုင်း ချက်ခြင်း လက်ငင်း သတ်ဖြတ်နေတာတွေ နည်းနည်း အေးသွားပေမယ့် ဒေါသတွေက ငြိမ်းအေး မသွားပါဘူး။ အစ္စလာမ်ဘာသာဝင်တွေနဲ့ ရခိုင်ဘာသာဝင်တွေ ခွဲခြားတဲ့ လှုပ်ရှားမှုတွေ ဆက်တိုက် ပေါ်ပေါက်လာပါတယ်။ အမုန်းတရား ဖြန့်ချီပြောဆိုမှုတွေနဲ့အတူ အစ္စလာမ်ဆိုင်တွေမှာ ဈေး မ၀ယ်ရေး၊ အစ္စလာမ် ဘာသာဝင်တွေကို ဈေး မရောင်းရေး၊ အစ္စလာမ်တွေနဲ့ မဆက်ဆံရေး စတဲ့ လှုပ်ရှားမှု လုပ်သူ အုပ်စုလေးတွေ အရှိုအရှို ပေါ်လာပါတယ်။ တစ်ချို့အဖွဲ့တွေဟာ အစ္စလာမ် ဘာသာဝင်တွေ ဆီ ဈေးသွားရောင်းသူတွေ၊ ဈေးသွား ၀ယ်သူတွေကို ကိုယ့်နည်းကိုယ့်ဟန်နဲ့ အပြစ်ပေးပါတယ်။ ရခိုင်အချင်းချင်း ဒါဏ်ခတ်တာ ဖြစ်ပါတယ်။ ဒီ လုပ်ရပ်တွေနဲ့ ပါတ်သက်ပြီး သက်ဆိုင်ရာ အာဏာပိုင် အဖွဲ့အစည်းတွေက လက်ပိုက်ကြည့်နေခဲ့သလို ရခိုင်နိုင်ငံရေး ခေါင်းဆောင်တွေကလည်း ဘာတစ်ခုမှ ထုတ်ဖော်ပြောဆိုတာ မရှိခဲ့ပါဘူး။ ရခိုင်တစ်ပြည်နယ်ထဲ အတူတူ နေနေရတဲ့ ရခိုင်တိုင်းရင်းသားတွေနဲ့ အစ္စလာမ်ဘာသာဝင်တွေ တစ်ဦးနဲ့ တစ်ဦး အဆင်ပြေပြေ နေနိုင်ရေး ဘယ်အာဏာပိုင်၊ ဘယ်ရခိုင်တိုင်းရင်းသား ခေါင်းဆောင်တွေမှ ကြိုးစားတာ မတွေ့ရပါဘူး။

ဒီလိုနည်းနဲ့ အစွန်းရောက်တွေရဲ့ နောက်ထပ် ပစ်မှတ်ဟာ ကိုယ့်တိုင်းရင်းသား အစ္စလာမ် ဘာသာဝင် ကမန်တွေဘက်ကိုလှည့်လာပြီး ပဋိပက္ခတွေ ဆက်ဖြစ်ပွားပါတယ်။ ရခိုင်ပြည်နယ်ကို သမ္မတ ဦးသိန်းစိန် ရောက်နေတုန်း ဖြစ်ပျက်ခဲ့တာမို့ အတော်လေး စိတ်ဆိုးသွားပြီး တကယ့်ကိုပဲ ကျူးလွန်သူတွေကို အရေးယူတော့မယောင် ဟန်ပြင်ပါတယ်။ ဖမ်းဆီးမှုတွေ လုပ်ပါတယ်။ နောက်တော့လည်း အဖျားရှူးသွားပြီး အကြမ်းဖက်သူတွေကို ကောင်းကောင်း မနှိမ်နင်းနိုင်ခဲ့ပါဘူး။

နောက်တဆင့် တက်လာတာကတော့ ရခိုင်ပြည်နယ်ထဲ ရောက်နေတဲ့ နိုင်ငံတကာ အကူအညီပေးရေး အဖွဲ့အစည်းတွေကိုပါ။ အဲဒီ အဖွဲ့အစည်းတွေဟာ သတင်းမှားတွေဖြန့်တယ်၊ အကူအညီပေးတဲ့အခါ ဘင်္ဂလီတွေဘက်လိုက်တယ် ဆိုတဲ့ စွတ်စွဲချက်တွေနဲ့ အဲဒီအဖွဲ့တွေ ရခိုင်ပြည်နယ်မှာ မနေနိုင်အောင် တစ်ဆင့်ပြီးတစ်ဆင့်လုပ်ပါတယ်။ မြောက်ဦးမှာဆိုရင် အဲဒီအဖွဲ့တွေ လိုက်နာရမယ့် အချက်တွေဆိုပြီး စည်းကမ်းတွေ ထုတ်ပါတယ်။ မလိုက်နာနိုင်ရင် ထွက်သွား၊ မြို့ထဲက ဟော်တယ်တွေ နေအိမ်တွေ ကိုလည်း နိုင်ငံတကာ အဖွဲ့အစည်းတွေကို လက်မခံဖို့ ဖိအားပေးပါတယ်။ ဒီလိုနည်းနဲ့ အစိုးရဟာ နယ်စည်းမခြား ဆရာဝန်များအဖွဲ့ MSF ကို ရခိုင်ပြည်နယ်ထဲမှာ ဆက်လုပ်ဖို့ သက်တန်း တိုးမပေးတော့တဲ့အခါ ရခိုင်ပြည်နယ်ထဲက ထွက်ခွာသွားခဲ့ရပါတယ်။

ဒါပေမယ့်လည်း အစွန်းရောက်တွေရဲ့ လုပ်ရပ်တွေက ရပ်မသွားပါဘူး။ ကျန်တဲ့ နိုင်ငံတကာ အင်န်ဂျီအိုတွေဘက်ကို လှည့်လာပါတယ်။ အခန့်မသင့်တာနဲ့ ပြသနာ တက်တော့တာပါပဲ။ ဖြစ်စဉ်အကျဉ်းကတော့ စစ်တွေမှာ အခြေစိုက်တဲ့ Malteser International ရုံးအဖြစ် ငှားထားတဲ့ အိမ်က နိုင်ငံခြားသူဟာ အဲဒီ အိမ်မှာထောင်ထားတဲ့ သာသနာ့ အလံကို ဖြုတ်ချ၊ မဖွယ်မရာ လုပ်တယ် ဆိုတဲ့ သတင်းထွက်ပေါ်ပြီးနောက် အဲဒီ အိမ်ကို လူတွေ သွားဝိုင်းကြပါတယ်။ အဲဒီ နိုင်ငံခြားသူ အမျိုးသမီးကို ထုတ်ပေးဖို့ တောင်းဆိုကြပါတယ်။ နိုင်ငံခြားသူကို ရရင် ကိုယ့်ဖာသာကိုယ် တရားစီရင်၊ လူအုပ်နဲ့ အပစ်ပေးမယ့် သဘောပါ။ မရတော့ ကျောက်ခဲတွေနဲ့ ပစ်ပေါက် အိမ်ကို ဖျက်ဆီးကြပါတယ်။ အဲဒီက စလို့ နှစ်ရက်လုံးလုံး စစ်တွေက နိုင်ငံတကာကူညီပေးရေးရုံးတွေကို လိုက်လံဖျက်ဆီးကြပါတယ်။ ဖျက်ဆီးခံရတဲ့ နေအိမ်တွေ၊ ရုံးတွေ၊ ဂိုဒေါင်တွေကတော့ MSF , Solidarities, OXFAM, ICRC, UNHCR, OCHA, WFP, UNICEF, AZG အဖွဲ့တွေက ငှားထားတာ အားလုံးပါဝင်ပါတယ်။ ပြောရရင် စစ်တွေမှာ ရှိတဲ့ နိုင်ငံတကာ အကူအညီပေးရေး အဖွဲ့ရုံးစိုက်ရာ၊ ငှားနေရာ၊ ဂိုဒေါင် အားလုံးနီးပါး ပါသွားပါတယ်။ လိုက်လံ ဖျက်ဆီးသူတွေဟာ ဘယ်နေရာမှာ ဘယ်အဖွဲ့ရဲ့ ရုံးခန်း၊ နေအိမ် ဂိုဒေါင်တွေ ရှိတယ်ဆိုတာ တိတိကျကျ သိကြပါတယ်။ နိုင်ငံခြားသားတွေနဲ့ မြန်မာနိုင်ငံသား အင်န်ဂျီအိုဝန်ထမ်းတွေကို အာဏာပိုင်တွေက ကယ်ထုတ်ရပါတယ်။

တကယ်တော့ နိုင်ငံတကာ အကူအညီပေးရေး အဖွဲ့တွေကို အကြမ်းဖက်တိုက်ခိုက်တယ် ဆိုတာ အစ္စလာမ်မစ် အစွန်းရောက်တွေ အခြေချတဲ့ နိုင်ငံတွေမှာပဲ ဖြစ်တဲ့ အလေ့အထ ရှိပါတယ်။ ပိုလီယို ကာကွယ် ဆေးတိုက်တာကို သားဆက်ခြားအောင် လုပ်တယ် ပြောပြီး စွတ်စွဲတာလည်း အဲဒီ အစ္စလာမ်မစ် အစွန်းရောက်တွေ ခြေချနိုင်တဲ့ နိုင်ငံတွေ မှာပါပဲ။ ခုတော့ မြန်မာနိုင်ငံထဲမှာ ဖြစ်ခဲ့ပါပြီ။ ရခိုင်မှာဖြစ်ခဲ့ပါပြီ။

ခုဆိုရင် အစိုးရအဖွဲ့ကတော့ ဒီ ပြသနာဖြစ်ရတာ ရခိုင်အစိုးရကြောင့်လို့ အပစ်တင်ထားပြီး စုံစမ်းရေး ကော်မရှင် ဖွဲ့ခိုင်းထားပါတယ်။ ရခိုင်နိုင်ငံရေး ခေါင်းဆောင်တွေကတော့ အဲဒီ နိုင်ငံခြားသူ လုပ်တာ လွန်လွန်းတယ်၊ နိုင်ငံတကာ အကူအညီပေးရေး အဖွဲ့တွေကလည်း ဘင်္ဂလီတွေကို မျက်နှာလိုက်လွန်းတယ်၊ ဒါကြောင့် ရခိုင်တွေ ဒေါသထွက်တာကို အပစ်မတင်ကြပါနဲ့ လို့ ဆိုကြတုန်းပါပဲ။ အစွန်းရောက်တွေရဲ့ လုပ်ကိုင်ဆောင်ရွက်မှုတွေကို ဝေဖန်ဆန်းစစ်ဖို့၊ ရခိုင်ပြည်နယ် အေးချမ်းတည်ငြိမ်ဖို့ စကား မစသေးသလို အစွန်းရောက်တွေရဲ့ အစ္စလာမ်ဘာသာဝင် မုန်းတီးမှုနောက်ကို သာမန်ပြည်သူတစ်ချို့နဲ့ အတူ ဒရွတ်တိုက် လိုက်နေကြတုန်းပါပဲ။

ဘယ်လိုပဲဖြစ်ဖြစ် ရခိုင်ပြည်နယ်မှာ ဒီမိုကရေစီ ကျရှုံးနေပြီဖြစ်ပါတယ်။ အခုလောလောဆယ် ရခိုင်ပြည်နယ်မှာ မင်းမူနေတာ အစွန်းရောက်ဝါဒ နဲ့ လုံခြုံရေးအကြောင်းပြ နေရာယူလာမယ့် စစ်ဝါဒ နှစ်ခုပဲ ရှိနေပါကြောင်း သုံးသပ်တင်ပြလိုက်ရပါတယ်။

စည်သူအောင်မြင့်။

ဓါတ်ပုံအညွှန်း-မွတ်စလင်တုိ့အား စာနာသည့် ရခိုင်လူမျိုးအချို့မှာ စားနပ်ရိက္ခာ ရောင်းပေးမှုကြောင့် ရခိုင်အမျိုးသားအချင်းချင်း အနိမ့်ကျဆုံး အောက်တန်း အကျဆုံး ရာဇဝတ်မှုဖြစ်သည့် လူ့ဂုဏ်သိက္ခာနိမ့်ပါးစေသည့် အပြုမှုနည်းလမ်းများဖြင့် တရားဥပဒေပ အရှက်ခွဲ အပြစ်ပေးမှု့များ
ဓါတ်ပုံ Internet

Link =>https://www.facebook.com/sithu.aungmyint/posts/270218433160964