တမန်တော် မုဟမ္မဒ်သခင်၏ ထေရုပ္ပတ္တိ အော်ပရာ ဒူဘိုင်းတွင်ပြသ

ဧပြီ ၈ ၊ ၂၀၁၄
M-Media

– တမန်တော် မုဟမ္မဒ်သခင်၏ ဘ၀ခရီးနှင့် သွန်သင်မှုများကို မတူညီသော ဘာသာတရားများအကြား နားလည်စေရန် ရည်ရွယ်၍ မုဟမ္မဒ်သခင်၏ ထေရုပ္ပတ္တိကို ဖော်ကြူးသော အော်ပရာပြဇာတ်တစ်ခုကို ယူအေအီးနိုင်ငံ ရှာရ်ဂျာမြို့တွင် ပြုလုပ်ခဲ့သည်ဟု သိရသည်။

Clusters of Light ဟု အမည်ပေးထားသည့် အဆိုပါ အော်ပရာပြဇာတ်ကို မတ်လ ၃၀ တနင်္ဂနွေနေ့က ပြုလုပ်ခဲ့ခြင်းဖြစ်ပြီး ယူအေအီးနိုင်ငံ တာဝန်ရှိသူများနှင့် အာရပ်ကမ္ဘာတစ်ဝှမ်းမှ အနုပညာရှင်များလည်းတက်ရောက်ခဲ့ကြသည်။

“တစ်ယောက်နဲ့တစ်ယောက်နားလည်ဖို့၊ ဆွေးနွေးဖို့ဆိုတာဟာ အစ္စလာမ်သာသနာရဲ့ ချဉ်းကပ်မှုပါ။ ဒီလို နားလည်မှုတွေ၊ ဆွေးနွေးမှုတွေဟာ တမန်တော်မြတ်ကိုယ်တော်တိုင် ဖော်ကျူးခဲ့တာဖြစ်ပြီး ယဉ်ကျေးမှုဖွံ့ဖြိုးတဲ့ အစ္စလာမ့်လူ့အဖွဲ့အစည်းရဲ့ အရေးပါတဲ့ ကဏ္ဍတစ်ခုလည်းဖြစ်ပါတယ်” ဟု ရှာရ်ဂျာဘုရင် ရှိခ် ဆူလ်တန် ဘင် အလ် ကာစီမီက Emirati သတင်းစာသို့ ပြောကြားခဲ့သည်။

ထိုအော်ပရာတွင် တမန်တော် မုဟမ္မဒ်သခင် ဖွားမြင်တော်မူစဉ်မှ ကွယ်လွန်ချိန်အထိ ကိုယ်တော်၏ အထုပ္ပတ္တိ၊ အစ္စလာမ်သာသနာအတွက် ကြိုးပမ်းမှု စသည်တို့ကို တင်ဆက်ထားခြင်းဖြစ်ပြီး သရုပ်ဆောင် ၂၀၀ ကျော်၊ တေးသံရှင် ၇၀ ကျော်တို့ပါဝင်ခဲ့သည်။ ထို့ပြင် ရုပ်ရှင်ပိုင်းဆိုင်ရာ အထူးပြုလုပ်ချက်များ၊ ဖျော်ဖြေ တင်ဆက်မှုများလည်း ပါဝင်ခဲ့သည်။

ပြဇာတ်ကို မုဟမ္မဒ်သခင် မဖွားမြင်မီ ထွန်းကားခဲ့သည့် ရုပ်ပွား၊ ဆင်းတု ကိုးကွယ်မှုများဖြင့် အစပြုခဲ့ပြီး၊ ကုရ်အာန်ကျမ်းတော်မြတ် စတင်ကျရောက်လာခြင်း၊ မုဟမ္မဒ်သခင် မေအ့်ရာဂ်ျ ကောင်းကင်ခရီးသွားခြင်း၊ အဘီစီးနီးယားသို့ ပထမအသုတ် ပြောင်းရွှေ့ခြင်း၊ မုဟမ္မဒ်သခင် မဒီနာသို့ ပြောင်းရွှေ့ တရားဟောကြားခြင်း၊ ကျူးကျော်စော်ကားမှုအတွက် ခုခံကာကွယ်စစ်များ၊ မုဟမ္မဒ်သခင် ကွယ်လွန်ခြင်း စသည်တို့အပါအ၀င် အစ္စလာမ့်သမိုင်း၏ အဓိက အဖြစ်အပျက်များကို ထည့်သွင်းဖော်ပြထားသည်။

အဆိုပါ အော်ပရာပြဇာတ်ကို ဆော်ဒီကဗျာဆရာတစ်ဦးဖြစ်သည့် ဒေါက်တာ အဘ်ဒူ ရဟ်မန် အလ် အရ်ှမာဝီက ဇာန်ညွှန်း ရေးဖွဲ့ခဲ့ခြင်းဖြစ်ပြီး ဘာရိန်း အနုပညာရှင် ခါလစ် အလ် ရှိခ်က ထိုအော်ပရာတွင် ပြောရမည့် စကားများကို ရေးစပ်ခဲ့သည်။ ပြဇာတ်အား ကပြရန်အတွက် လပေါင်းများစွာ ပြင်ဆင်ခဲ့ရပြီး ၂၀၁၂ အိုလံပစ်ဖွင့်ပွဲ ပိတ်ပွဲအခမ်းအနားဖန်းတီးရာတွင် ပါဝင်ခဲ့သည့် ပီယာ့စ် ရှက်ပါ့ဒ် အပါအ၀င် နိုင်ငံတကာမှ ကျွမ်းကျင်ပညာရှင်များ ပါဝင်ဖန်တီးခဲ့ခြင်းဖြစ်သည်။

အစ္စလာမ်သာသနာ၏ သွန်သင်ချက်အရ မုဟမ္မဒ်သခင်၏ ဇာတ်ရုပ်အား ပါဝင်သရုပ်ဆောင်စေခြင်းမရှိခဲ့ဘဲ အလင်းတန်းဖြင့်သာ အစားထိုးဖော်ပြခဲ့သည်။ ထိုအော်ပရာပြဇာတ်တွင် အစ္စလာမ်နှင့် ပတ်သက်သည့် အထင်အမြင်လွဲမှားမှုများ အထူးသဖြင့် အမျိုးသမီးများနှင့် ပတ်သက်သည့် ကဏ္ဍများကိုလည်း အရှိအတိုင်း ဖော်ပြထားသည်ဟု ရှက်ပါ့ဒ်က ဆိုသည်။

“အစ္စလာမ့်နဲ့ ပတ်သက်ပြီး နားလည်မှုလွဲမှားနေတာကို ကြည့်မယ်ဆိုရင်၊ ဒါတွေဟာ လုံးဝမရှိခဲ့ဘူးဆိုတာ တွေ့ရမှာပါ။ ဒီလို လွဲမှားမှုတွေကို ဒီပြပွဲမှာ အရှိအတိုင်း ပြသခဲ့ရတဲ့အတွက် သိပ်ကိုကောင်းပါတယ်” ဟု ၎င်းက ထည့်သွင်းပြောကြားခဲ့သည်။

Clusters of Light အမည်ရ အဆိုပါ အော်ပရာကို  ရှာရ်ဂျာမြို့ရှိ ကဇာတ်ရုံတွင် လေးရက်တိုင်တိုင် ပြသခဲ့ပြီး၊ နောက်ပိုင်းတွင် အာရဗ်နိုင်ငံများသို့ လှည့်လည်ပြသသွားမည်ဟု သိရသည်။

Ref: OnIslam