အဝေးဂိုးနဲ့ ချယ်ဆီး ဆီးမီးတက်၊ ဂျာမန်မြေမှာ ရှုံးပေမယ့် ဆီးမီး ဖိုင်နယ်ရောက်တဲ့ ရီးယဲလ်

ဧပြီ ၉ ၊ ၂၀၁၄
M-Media

အဝေးဂိုးနဲ့ ချယ်ဆီး ဆီးမီးတက်၊ ဂျာမန်မြေမှာ ရှုံးခဲ့ပေမယ့် ဆီးမီး ဖိုင်နယ်ရောက်ခဲ့တဲ့ ရီးယဲလ်တို့ရဲ့ ချန်ပီယံလိဂ် ကွာတားဖိုင်နယ် ဒုတိယအကျော့ပွဲစဉ်များ

– ချန်ပီယံလိဂ် ကွာတားဖိုင်နယ် ဒုတိယအကျော့ နှစ်ပွဲကို ဒီနေ့မနက်မှာကစားခဲ့ပြီး မော်ရင်ဟိုရဲ့ ချယ်ဆီးကတော့ အိမ်ကွင်းမှာ နောက်ကျဂိုးနဲ့ အနိုင်ရခဲ့ပြီး နောက်တစ်ဆင့် တက်နိုင်ခဲ့ပါတယ်။ ဒီရာသီမှာ ဗိုလ်စွဲဖို့ ရေးပန်းစားနေတဲ့ ရီးယဲလ်ကတာ့ ဂျာမနီမြေမှာ ရှုံးခဲ့ပေမယ့် နှစ်ကျော့ပေါင်း ရလဒ်ကြောင့် ချန်ပီယံလိဂ် ဆုဖလားနဲ့ လက်တစ်ကမ်းအလိုကို ရောက်လာခဲ့ပါတယ်။

ပထမအကျော့ ပြင်သစ်မြေမှာ အရှုံးပေးခဲ့ရပေမယ့် ကစားပုံကောင်းခဲ့တဲ့ ချယ်ဆီး ဒီပွဲအတွက် သေချာပြင်ဆင်ခဲ့ပြီး လိုအပ်တဲ့အနိုင်ဂိုးတွေကို ရယူသွားခဲ့တာပဲဖြစ်ပါတယ်။ တိုက်စစ်ကို အားမလိုအားမရဖြစ်နေတဲ့ မော်ရင်ဟို ဒီပွဲမှာ အီတူးကို အထောင်တိုက်စစ်မှူးအဖြစ်ထားကစားခဲ့ပြီး သိပ်တော့ အလုပ်မဖြစ်ခဲ့ပါဘူး။ ပီအက်စ်ဂျီမှာတော့ အဓိကတိုက်စစ်မှူး အီဗရာဟီမိုဗစ် မပါဝင်နိုင်တာကလွဲလို့ ကျန်တဲ့ကစားသမားတွေ အစုံပါဝင်ခဲ့ပြီး ချယ်ဆီးကို သူတစ်ပြန်ကိုယ်တစ်ပြန် ကစားနိုင်ခဲ့ပါတယ်။

မော်ရင်ဟိုကတော့ သူရဲ့ပုံစံအတိုင်း ခံစစ်ကိုလုံအောင်ကစားပြီး ကွင်းလယ်စိုးမိုးမှုနဲ့အတူ ပီအက်စ်ဂျီကို ထိုးဖောက်ဖို့ကြိုးစားခဲ့ပါတယ်။ ဒါပေမယ့် ပီအက်စ်ဂျီကလည်း ချယ်ဆီးတိုက်စစ်ကို ဟန့်တားထားနိုင်ခဲ့တာကြောင့် ချယ်ဆီးတို့ ဂိုးရဖို့ခက်ခဲခဲ့ပါတယ်။ ၃၂ မိနစ်မှာတော့ ချယ်ဆီးတို့ အဖွင့်ဂိုးရခဲ့ပြီး ၁၈ မိနစ်မှာ နာသွားတဲ့ ဟဇာ့ဒ်အစားဝင်လာတဲ့ ရှရဲလ်က လူးဝစ်ရဲ့ ဖန်တီးပေးမှုကတစ်ဆင့် သွင်းယူပေးခဲ့တာပါ။

နောက်ပိုင်းမှာ ချယ်ဆီးတို့ဂိုးရဖို့ ကြိုးစားခဲ့ပြီး အခွင့်အရေးတစ်ချို့ရခဲ့ပေမယ့် လိုအပ်နေတဲ့ ဂိုးတစ်ဂိုးကိုတော့ ၈၇ မိနစ်မှာမှ ရခဲ့တာပါ။ လူစားဝင်တိုက်စစ်မှူး ဘားက ပီအက်စ်ဂျီနောက်တန်းလူနဲ့ ထိပြီးလမ်းကြောင်းပြောင်းလာတဲ့ဘောလုံးကို ပိတ်သွင်းခဲ့တာပဲဖြစ်ပါတယ်။ ပွဲအပြီးမှာတော့ နှစ်ကျော့ပေါင်း ၃ ဂိုးစီ သရေဖြစ်နေပေမယ့် အဝေးဂိုးကြောင့် မော်ရင်ဟိုရဲ့ချယ်ဆီး ဆီးမီးဖိုင်နယ်ကိုတက်ရောက်နိုင်ခဲ့ပါတယ်။

ပြီးခဲ့တဲ့နှစ် ချန်ပီယံလိဂ် ဆီမီးဖိုင်နယ်မှာ ဒေါ့မွန်ရဲ့ ဖြုတ်ချခြင်းကို ခံခဲ့ရတဲ့ ရီးယဲလ် ဒီနှစ်မှာတော့ အရှုံးကို လက်စားချေနိုင်ခဲ့ပြီး နောက်တစ်ဆင့်တက်နိုင်ခဲ့ပါတယ်။ ဒါပေမယ့် လွယ်လွယ်ကူကူနဲ့ လက်စားချေနိုင်ခဲ့တာတော့မဟုတ်ပါဘူး။ ဒီးမာရီယာရဲ့ အစောပိုင်း ပင်နယ်တီလွဲချော်မှုနဲ့အတူ ဒေါ့မွန်က ၂ ဂိုးသွင်းနိုင်ခဲ့ပြီး၊ ပထမအကျော့ ၃ ဂိုးပြတ်နိုင်ခဲ့လို့သာ သက်သာရာရခဲ့တာပါ။

ရီးယဲလ်အသင်းမှာ အားထားရတဲ့တိုက်စစ်မှူး ရော်နယ်ဒို အသေးစားဒူးဒဏ်ရာကြောင့် မပါဝင်နိုင်ခဲ့ပါဘူး။ ပထမပိုင်းမှာ ရီးယဲလ်တို့ ကစားပုံသိပ်မကောင်းခဲ့ဘဲ အိမ်ရှင်ဒေါ့မွန်တို့ကသာ ပွဲကိုစိုးမိုးထားနိုင်ခဲ့ပြီး အနိုင်ဂိုး ၂ ဂိုးစလုံး သွင်းယူနိုင်ခဲ့တာပါ။ ဒါပေမယ့် ဒုတိယပိုင်းမှာတော့ ရီးယဲလ်တို့ ကစားကွက်ပြန်မိလာခဲ့ပြီး အိမ်ရှင်ဘက်ကို ပြန်ထိုးဖောက်နိုင်ခဲ့ပါတယ်။ ဂိုးပေါက်ကန်သွင်းခွင့် အချို့လည်းရခဲ့ပါတယ်။ မိနစ် ၆၀ နောက်ပိုင်းမှာ ဒေါ့မွန်တို့ အပိုင်ဂိုးသွင်းခွင့် ၂ ကြိမ်လောက်ရခဲ့ပြီး ရီးယဲလ်ဂိုးသမား ကာစီးလက်စ် လက်စွမ်းပြနိုင်ခဲ့လို့သာ ရီးယဲလ်တို့ သက်သာရာရခဲ့တာပါ။ နောက်ဆုံးမှာ အိမ်ရှင်တို့ ၂ ဂိုး ဂိုးမရှိနဲ့ အနိုင်ရခဲ့ပေမယ့် နှစ်ကျော့ပေါင်း ရလဒ်ကြောင့် ရီးယဲလ်တို့ နောက်တစ်ဆင့်တက်ရောက်နိုင်ခဲ့တာဖြစ်ပါတယ်။ ဒေါ့မွန်အသင်းတွက် ဂိုးတွေကိုတော့ မာကိုရီအက်စ် တစ်ဦးတည်းက သွင်းယူပေးခဲ့တာပါ။

ယနေ့နံနက် ချန်ပီယံလိဂ် ကွာတားဖိုင်နယ် ရလဒ်များကတော့ အောက်ပါအတိုင်းဖြစ်ပါတယ်။

ချယ်ဆီး ၂-၀ ပီအက်စ်ဂျီ (နှစ်ကျော့ပေါင်း ၃ ဂိုးစီသရေဖြစ်ပေမယ့် အဝေးဂိုးစည်းမျဉ်းကြောင့် ချယ်ဆီး နောက်တစ်ဆင့်တက်)
ဒေါ့မွန် ၂-၀ ရီးယဲလ် (နှစ်ကျော့ပေါင်း ၃ ဂိုး ၂ ဂိုးဖြင့် ရီးယဲလ် နောက်တစ်ဆင့်တက်