ဂျီရော့မှာ ယုံကြည်မှုပြန်လည် ရရှိလာပြီဟု ၀င်းဂါးဆို

ဧပြီ ၂၀၊ ၂၀၁၄
M-Media

– ၀က်စ်ဟမ်းအား အနိုင်ရခဲ့သည့်ပွဲတွင် သွင်းယူခဲ့သောဂိုးကြောင့် ဂျီရော့မှာ ယုံကြည်မှုများကို ပြန်လည်ရရှိလာပြီဟု ယုံကြည်ကြောင်း အာဆင်နယ်နည်းပြ အာဆင်ဝင်းဂါးက ပြောကြားလိုက်သည်။

အာဆင်နယ်အသင်း၏ လေးပွဲဆက်နိုင်ပွဲပျောက်မှုနှင့်အတူ ခြေစွမ်းမပြနိုင်သော ဂျီရော့မှာ ဝေဖန်မှုများနှင့် ရင်ဆိုင်ခဲ့ရပြီး ပရီးမီးယားလိဂ် နောက်ဆုံး ၈ ပွဲတွင် ၂ ဂိုးသာ သွင်းယူထားနိုင်သည်။ သို့သော်လည်း ပြီးခဲ့သည့် ၀က်စ်ဟမ်းအသင်းနှင့်ပွဲတွင် အသင်းအတွက် ချေပဂိုးအား လှပစွာ သွင်းယူပေးနိုင်ခဲ့သည်။

“ဒီဂိုးရဲ့ အရည်အသွေးက သူ့ကို ယုံကြည်မှုပြန်ရှိလာစေတယ်လို့ ကျွန်တော်ထင်ပါတယ်။ သူ့ရဲ့စွမ်းရည်ကို မေးခွန်းထုတ်နေကြတဲ့ လူတွေအတွက် ဒီဂိုးဟာ ယုံကြည်မှုကို ဖြစ်စေပါတယ်။ ဒါဟာ သိပ်ကို အရေးကြီးပါတယ်” ဟု ၀င်းဂါး၏ ပြောကြားမှုကို အသင်း၏ ၀ဘ်ဆိုဒ်တွင် ဖော်ပြထားသည်။

ဂျီရော့၏ စွမ်းဆောင်ရည် ကျဆင်းမှုမှာ ပင်ပန်းနွမ်းနယ်မှု၏ ရလဒ်သာဖြစ်ပြီး ၎င်း၏ စိတ်ပိုင်းဆိုင်ရာ ကြံ့ခိုင်မှုက သူ၏ ခြေစွမ်းကို ပြန်လည်ကောင်းမွန်အောင် ကူညီပေးခဲ့သည်ဟု ၀င်းဂါးက ထည့်သွင်းပြောကြားခဲ့သည်။