မိသားစုတွင်း အမျိုးသမီးများကို အနိုင်ကျင့်မှု အတွက် နစ်နာကြေးနှင့် ပြစ်ဒဏ်ပေးရန် ဥပဒေသစ် ဆော်ဒီပြဌာန်း

ဧပြီ ၂၀၊ ၂၀၁၄
M-Media

– အမျိုးသားတစ်ဦးမှာ မိသားစုအတွင်းရှိ အမျိုးသမီး တစ်ဦးဦးအား စိတ်ပိုင်းဆိုင်ရာ၊ စကားလုံးနှင့် ရုပ်ပိုင်းဆိုင်ရာ အရ အနိုင်ကျင့်စော်ကားသည်ဟု အပြစ်ရှိကြောင်း တွေ့ရှိခဲ့ပါက နစ်နာကြေးပေးဆောင်ရန်နှင့် ထောင်ဒဏ် ကျခံရမည့် ဥပဒေသစ်တစ်ရပ်ကို ဆော်ဒီ တရာရုံးချုပ်ကောင်စီက သတ်မှတ်ခဲ့သည်ဟု သိရသည်။

အမျိုးသမီးများအား အနိုင်ကျင့်သည့် ရာဇ၀တ်မှုကို ကျူးလွန်ကြောင်း ထင်ရှားပါက ကျူးလွန်သူ အမျိုးသားမှာ ကျူးလွန်ခြင်းခံရသူ အမျိုးသမီးအား ဆော်ဒီရီယဲလ် ၅၀၀၀ မှ ၅၀၀၀၀ အကြား နစ်နာကြေး ပေးဆောင်  ရမည်ဖြစ်ပြီး ထောင်ဒဏ် ၁ လမှ ၁ နှစ်အထိလည်း ကျခံရမည်ဖြစ်သည်။ ပြစ်မှု ကျူးလွန်ကြောင်း အထောက်အထား အဖြစ် ပြည်သူ့ရေးရာ ၀န်ကြီးဌာနမှ ပေးပို့သော ဆေးစာအရ တရားရုံးမှ အမိန့် ချမှတ်မည်ဟု အဆိုပါ ၀န်ကြီးဌာနမှ အလ်-ဟာဘီက အင်္ဂါနေ့တွင်ပြောကြားခဲ့သည်။

ထို့ပြင် ထိုဥပဒေမှာ ခင်ပွန်းများ၊ အကို၊ မောင်များ၊ သားများနှင့် မိသားစုအတွင်း ဆက်နွယ် ပတ်သက်နေသည့် အခြားသော အမျိုးသားများအပေါ် အကျုံးဝင်ကြောင်း ဟာဘီက ဆိုသည်။

“အနိုင်ကျင့်ခံရသူဟာ သမီး၊ ညီမ၊ အစ်မ၊ ဇနီး၊ မြေးမြစ် စသည်တို့ဖြစ်နိုင်ပါတယ်။ ဒါပေမယ့် အနိုင်ကျင့်မှုကြောင့် အမျိုးသမီးဟာ မသန်စွမ်းဖြစ် သွားမယ်၊ သေသွားမယ်ဆိုရင် နစ်နာကြေးနဲ့တင် မရတော့ပါဘူး။ ပြစ်မှုကျူးလွန်သူဟာ ရာဇ၀တ်မှုဆိုင်ရာ တရားစွဲဆိုမှုနဲ့ ရင်ဆိုင်ရပါမယ်။ အမျိုးသမီးတွေရဲ့ အခွင့်အရေးတွေကို ကာကွယ်ဖို့ ဒီဥပဒေအတွက် နိုင်ငံတစ်ဝှမ်းမှာ လွန်ခဲ့တဲ့ သုံးလကတည်းက workshop တွေ လုပ်ခဲ့ပါတယ်။ ၀န်ကြီးဌာနကလည်း ဒီဥပဒေမူကြမ်းထွက်လာဖို့ အကြံဥာဏ်တွေ ပေးခဲ့ပါတယ်” ဟု ဟာဘီက ပြောကြားခဲ့သည်။

အမျိုးသမီးများအား ကာကွယ်ပေးထားသည့် ထိုဥပဒေအား အမျိုးသမီးများကလည်း ကြိုဆိုခဲ့သည်။

“ဒါဟာ အနိုင်ကျင့်ခံရတဲ့အမျိုးသမီးတွေ၊ အိမ်ထောင်ရေးထဲမှာ နေထိုင်ဖို့ အဓ္ဓမ ခိုင်းစေခံရသူ အမျိုးသမီးတွေအတွက် သတင်းကောင်းပါပဲ။ ဘာ့ကြောင့်လဲဆိုတော့ သူတို့မှာ ဘ၀သစ်စဖို့အတွက် ပိုက်ဆံမရှိကြပါဘူး။ ကျွန်မ ယောက်ျားက နှစ်ပေါင်းများစွာ ကျွန်မကို ရုပ်ပိုင်းဆိုင်ရာ၊ စိတ်ဓာတ်ပိုင်းဆိုင်ရာ နာကျင်အောင် အနိုင်ကျင့်ခဲ့ပါတယ်။ ကျွန်မမှာ အပြင်ထွက်ဖို့၊ အခန်းငှားဖို့ ပိုက်ဆံမရှိတဲ့အတွက် သူ့ကို မစွန့်ခွာနိုင်ခဲ့ဘူး။ ကျွန်မ စိတ်မကောင်းဖြစ်ခဲ့ရပါတယ်။ ဒါပေမယ့် ကျွန်မသားလေး အလုပ်ရပြီး အခန်းခပေးနိုင်တဲ့ အချိန်မှာ သူကိုစွန့်လွှတ်ဖို့ ကျွန်မ ဆုံးဖြတ်ခဲ့ပါတယ်” ဟု အနိုင်ကျင့်သောခင်ပွန်းဖြစ်သူနှင့် ကွာရှင်းထားသည့် ဟာနန် မိုဟာမက်က ပြောကြားခဲ့သည်။

ထို့ပြင် ယခုဥပေဒမှာ ကောင်းမွန်သောဆုံးဖြတ်ချက်ဖြစ်ပြီး အစိုးရက အမျိုးသမီးများအား ကာကွယ်ပေးမည်ဖြစ်သောကြောင့် အမျိုးသမီးများမှာ ၎င်းတို့၏ ခင်ပွန်းများအပေါ် မှီခိုစရာမလိုတော့ကြောင်း ၎င်းက ထပ်လောင်းပြောကြားခဲ့သည်။

Ref: Arabnews