ဧပြီ ၂၀၊ ၂၀၁၄
M-Media
– ဘောလုံးအသင်းများအကြား ဘဏ္ဍာရေးညီမှုစည်းမျဉ်း FFP အား ချိုးဖောက်သည့် အသင်းများ စာရင်းကို မေလတွင် ကြေညာမည်ဟု ဥရောပဘောလုံးအဖွဲ့ချုပ် ယူအီးအက်ဖ်အေ က ပြောကြားလိုက်သည်။
ကလပ်အသင်းများ ဘဏ္ဍာငွေ ထိန်းချုပ်ရေးအဖွဲ့မှ စုံးစမ်းစစ်ဆေးရေး အဖွဲ့ဝင်များမှာ ယခုတစ်ပါတ် အစောပိုင်းက တွေ့ဆုံခဲ့ကြပြီး ဥရောပတစ်ဝှမ်း ကလပ်အသင်း ၇၆ ခု၏ ဘဏ္ဍာရေး အခြေအနေများနှင့် ပတ်သက်၍ ဆွေးနွေးခဲ့ကြသည်။ ယူအီးအက်ဖ်အေ၏ အသေးစိတ် စစ်ဆေးမှုများတွင် မန်ချက်စတာစီးတီးအသင်းနှင့် ပီအက်စ်ဂျီတို့ကဲ့သို့သော အသင်းများပါဝင်သည်ဟု သတင်းများက ဖော်ပြနေကြသည်။
င်္FFP စည်းမျဉ်းအား ချိုးဖောက်သည့် မည်သည့်အသင်းမဆို ဥရောပပြိုင်ပွဲများ ၀င်ရောက်ယှဉ်ပြိုင်ခြင်းအား ပိတ်ပင်ခြင်းနှင့် ကြီးမြင့်သော ဒဏ်ကြေးများ ချမှတ်ခြင်း စသည်တို့ကို ရင်ဆိုင်ရဖွယ်ရှိနေသည်။
ဥရောပရှိ ကလပ်အသင်းများ အသင်းတည်ဆောက်ရာတွင် ငွေကြေးလွန်ကဲစွာ သုံးစွဲမှုကို ကန့်သတ်ရန်အတွက် ယူအီးအက်ဖ်အေက FFP စည်းမျဉ်းအား ထုတ်ပြန်ခဲ့ခြင်းဖြစ်သည်။
Leave a Reply
You must be logged in to post a comment.