ရခိုင်အကြမ်းဖက်မှုရပ်တန့်အောင် အရေးယူရန် ကုလဆိုင်ရာ အမေရိကန်သံအမတ် မြန်မာအစိုးရကိုပြော

ဧပြီ ၂၀-၂၀၁၄
M-Media
မင်းထွဋ်ခေါင် ဘာသာပြန်သည်။

ရိုက်တာ။    ။၂၀၁၄ ခုနှစ်၊ ဧပြီ ၁၀ ရက် နယူးယော့ခ်ရှိ ကုလသမဂ္ဂ ရုံးချုပ်တွင် ဗဟို အာဖရိကနိုင်ငံအတွက် ငြိမ်းချမ်းရေး ထိန်းသိမ်းရေး တပ်ဖွဲ့များ စေလွှတ်ရေး အဆိုပြုချက်အား မဲခွဲဆုံးဖြတ်အတည်ပြုပြီးနောက်၊ ဗုဒ္ဓဘာသာဝင် ရခိုင်လူမျိုးနှင့် ရိုဟင်ဂျာ မွတ်စ်လင်မ်တို့အကြား ဖြစ်ပွားနေသော အကြမ်းဖက်မှုများ ရပ်တန့်အောင် အရေးယူရန်၊ လူသားချင်းစာနာထောက်ပံ့ရေး အကူအညီလုပ်ငန်းများ ပြန်လည် စတင်စေရန် မြန်မာအစိုးရအား တိုက်တွန်းလိုက်ကြောင်း ကုလဆိုင်ရာ အမေရိကန် သံအမတ်ကြီး ဆမန်းသား ပါဝါ မှ မီဒီယာများသို့ ကြာသပတေးနေ့တွင် ပြောကြားလိုက်သည်။

မြန်မာနိုင်ငံအကြပ်အတည်းနှင့်ပတ်သက်သော အနှစ်ချုပ်အစီရင်ခံစာကို အဖွဲ့ဝင် ၁၅ နိုင်ငံပါဝင်သည့် ကုလလုံခြုံရေးကောင်စီထံသို့ ကုလ၏မြန်မာ့ရေးရာ အထူးအကြံပေး ဗီဂျေး နမ်ဗီးယားမှ တင်ပြပြီးနောက် ပါဝါ၏ အဆိုပါမှတ်ချက် ထွက်ပေါ်လာခြင်းဖြစ်သည်။

၂၀၁၂ ဇွန်လကတည်းက ဖြစ်ပွားနေခဲ့သော ဘာသာရေးဆိုင်ရာအကြမ်းဖက်မှုတွင် လူပေါင်း ၂၃၇ ဦး အသက်ဆုံးရှုံးခဲ့ပြီး တစ်သိန်းလေးသောင်းကျော် အိုးအိမ်မဲ့ဘ၀ ရောက်ခဲ့ရသည်။ ၎င်းတို့အနက် အများစုမှာ ရခိုင်ပြည်နယ်မှ ရိုဟင်ဂျာမွတ်စ်လင်မ်များ ဖြစ်ကြသည်။ ရခိုင်ပြည်နယ်သည် မြန်မာနိုင်ငံ၏ အဆင်းရဲဆုံးဒေသများ၌ ပါဝင်ပြီး ရိုဟင်ဂျာလူမျိုး တစ်သန်း အခြေချနေထိုင်လျက်ရှိသည်။

ရာစုနှစ်ဝက်မျှ စစ်အုပ်ချုပ်ရေးအောက်မှ ပေါ်ထွက်လာသော စီးပွားရေးနှင့် နိုင်ငံရေးဆိုင်ရာ စိတ်ဝင်စားဖွယ် ပြုပြင်ပြောင်းလဲမှုလုပ်ငန်းများအပေါ် အကြမ်းဖက်မှုက အကြီးစား ခြိမ်းခြောက်မှုတစ်ခု သက်ရောက်လာကြောင်း ကုလအရာရှိများက သတိပေးထားပြီဖြစ်သည်။

“ မြန်မာနိုင်ငံရဲ့ ပြုပြင်ပြောင်းလဲရေးလုပ်ငန်းစဉ်ကို ဆက်လက်ထောက်ခံသွားမှာပါ။ ဒါပေမယ့် ရခိုင်ပြည်နယ်က အကြမ်းဖက်မှုထဲ အစိုးရအနေနဲ့ ထိထိရောက်ရောက် ထိုးဖောက် အရေးမယူဘူးဆိုရင် ပိုပြီးဆိုးရွားလာမှာကို စိုးရိမ်ပူပန်နေကြပါတယ်။ အသက်ပေါင်းများစွာ ဆုံးရှုံးဦးမယ်၊ အရေးပေါ်လူသားချင်း စာနာမှုလုပ်ငန်းဟာလည်း ရေရှည်တည်တံ့မှာ မဟုတ်ပါဘူး ” ဟု ပါဝါ၏စကားတစ်ရပ်တွင် တွေ့ရသည်။

ပြီးခဲ့သည့်လက ရခိုင်ပြည်နယ်၌ ကူညီရေးအေဂျင်စီများ၏ လုပ်ငန်းလည်ပတ်မှုကို အဓမ္မရပ်ဆိုင်းခြင်းခံရ၏။ ရာနှင့်ချီသော ဗုဒ္ဓဘာသာဝင် ရခိုင်လူမျိုးတို့က အေဂျင်စီတို့၏ အိမ်ရာများ၊ ရုံးများ၊ ကုန်သိုလှောင်ရုံများသာမက သယ်ယူပို့ဆောင်ရေးလိုအပ်ချက်ဖြစ်သည့် လှေများကိုပါ ဖျက်ဆီးခဲ့ခြင်းကြောင့် ဖြစ်သည်။

ကူညီကယ်ဆယ်ရေးအုပ်စုများမှာ ရိုဟင်ဂျာတို့အား မျက်နှာသာပေးသည်ဟု စွပ်စွဲခံရပြီး ဗုဒ္ဓဘာသာဝင် ရခိုင်လူမျိုးအချို့၏ အမျက်သင့်မှုကို ကာလအတန်ကြာ ခံစားခဲ့ရသည်။

လူသားချင်းစာနာထောက်ထားရေးအုပ်စုများက မွတ်စ်လင်မ်တို့အပေါ် ဘက်လိုက်သည်ဟူသော စွပ်စွဲချက်များကို ပယ်ချထားသည့်အပြင်၊ မိမိတို့မှာ ခြိမ်းခြောက်ခြင်းနှင့် သွေးဆောင်ခြင်းကို ခံနေရကြောင်း လုပ်သားဝန်ထမ်းများစွာက ဆိုသည်။

“ ရခိုင်ပြည်နယ်တွင်း အနေအထား၊ ရင်ကြားစေ့ညှိနှိုင်းမှုနဲ့ ဖွဲ့စည်းပုံအခြေခံဥပဒေ အကြောင်းများနဲ့ပတ်သက်ပြီး စားပွဲဝိုင်းဆွေးနွေးပွဲမှာ စိုးရိမ်မကင်းတဲ့အသံတွေ အများအပြား ထွက်ပေါ်ခဲ့တယ်။ တစ်ချို့ကလည်း ငြိမ်းချမ်းရေးလုပ်ငန်းစဉ်အပေါ်က ခြေလှမ်းတွေကို ချီးမွှမ်းတာမျိုး ရှိကြတယ် ”။

လုံခြုံရေးကောင်စီအစည်းအဝေးပြီးသည့်နောက် ကုလဆိုင်ရာ ဗြိတိန်၏လက်ထောက်သံတမန် ပီတာ ၀ီလ်ဆင်က အထက်ပါအတိုင်းပြောကြားကာ ရခိုင်ပြည်နယ်၌ အကြမ်းဖက်မှုကို အဆုံးသတ်လိုက်ရန်၊ ကူညီရေးလုပ်သားများ
ပြန်လည်ဝင်ရောက်ဆောင်ရွက်ခွင့်ပြုရန် နှိုးဆော်တိုက်တွန်းခဲ့သည်။

မြန်မာတို့က ရိုဟင်ဂျာများကို အိမ်နီးချင်းဘင်္ဂလားဒေ့ရ်ှနိုင်ငံမှ တရားမ၀င်ရွှေ့ပြောင်းဝင်ရောက်လာသူအဖြစ် ရည်ညွှန်း၍ ဘင်္ဂလီဟု ဖော်ပြလေ့ရှိကြသည်။ စင်စစ်၌ ရိုဟင်ဂျာတို့သည် ရခိုင်ပြည်နယ်တွင် မျိုးဆက်အလီလီ နေထိုင်လာခဲ့သူများဖြစ်သည်ဟု များစွာသောသူတို့က ဆိုနေကြသည်။

“ မြန်မာ့လူထုတွေအနေနဲ့ လူသားအားလုံးဆိုင်ရာ လူ့အခွင့်အရေးနဲ့ ဒီမိုကရေစီရဲ့ အနာဂတ်တစ်ရပ်ကို ရွေးချယ်ဖို့ – ကောက်ကျစ်စွာ ထိန်းချုပ်ခံရမှု၊ အကြောက်တရားနဲ့ ခွဲခြားပိုင်းစိပ်မှုတွေကို ပယ်ချဖို့ အခွင့်အရေး ရှိနေပါတယ်။ အာဏာပိုင်အစိုးရအနေနဲ့ အကြမ်းဖက်မှုတွေ ထပ်မံမဖြစ်ပွားအောင်၊ ဒီမိုကရေစီလမ်းခရီးပေါ်ရှိတဲ့အဟန့်အတားတွေကို တားဆီးကာကွယ်နိုင်အောင် အရေးပေါ်ခြေလှမ်းတွေ ဆောင်ရွက်ရပါလိမ့်မယ် ” ဟူ၍ ပါဝါမှ ဆိုခဲ့သည်။

မြန်မာစစ်တပ်မှ ဘေးထွက်ထိုင်ပြီးနောက် ၂၀၁၁ ခုနှစ်တွင် အစားထိုးထားသော အရပ်သားတစ်ပိုင်းအစိုးရအဖွဲ့ကို သမ္မတဦးသိန်းစိန်မှ ဦးဆောင်နေသည်။ သူကိုင်တွယ်သော ပြန်လည်ပြုပြင်ပြောင်းလဲမှုလုပ်ငန်းစဉ်အောက်ဝယ် ၁၅ နှစ်အထိ အိမ်တွင်းအကျယ်ချုပ်ခံနေရသော အတိုက်အခံအခါင်းဆောင် နှင့် ငြိမ်းချမ်းရေးနိုဗယ်လ်ဆုရှင် ဒေါ်အောင်ဆန်းစုကြည်မှာ နိုင်ငံရေးလောကသို့ တစ်ကျော့ပြန်ဝင်ခွင့် နိုင်ငံခြားခရီးစဉ်များစွာ ထွက်ခွာခွင့်ကိုလည်း ရရှိခဲ့သည်။

Michelle Nichols ရေးသားတင်ပြ၍ Gunna Dickson မှ တည်းဖြတ်သည်။