ဖလားယူဖို့ လက်ကမ်းအကွာက လီဗာပူးလ်၊ အသင်းဟောင်းကို အရှုံးပေးခဲ့ရတဲ့ မိုယက်စ် တို့ရဲ့ EPL ဆူပါဆန်းဒေး ပွဲစဉ် ၃၅

ဧပြီ ၂၁၊ ၂၀၁၄
M-Media

– ယမန်နေ့က ကစားခဲ့တဲ့ ပရီးမီးယားလိဂ် ပွဲစဉ် ၃၅ လက်ကျန် ၃ ပွဲမှာတော့ ချန်ပီယံဖြစ်ဖို့ ကြိုးစားနေတဲ့လီဗာပူးလ်နဲ့ ချန်ပီယံလိဂ်ဝင်ခွင့်အတွက် ရုန်းကန်နေရတဲ့ အာဆင်နယ်တို့ အနိုင်ရခဲ့ပါတယ်။ မိုယက်စ်ကတော့ ဂွဒ်ဒီဆင်ပါခ့်မှာ အသင်းဟောင်း အဲဗာတန်ကို ဒူးထောက်ခဲ့ရပါတယ်။

သရဖူအတွက် အဓိကပြိုက်ဘက်ဖြစ်တဲ့ ချယ်ဆီးတို့ စနေနေ့က အရှုံးကို လီဗာပူးလ်တို့ အမိအရ ဆုပ်ကိုင်နိုင်ခဲ့ပြီး အဝေးကွင်းမှာ တန်းဆင်းဇုန်းနားက နော်ဝစ်ခ်ျကို အနိုင်ကစားနိုင်ခဲ့ပါတယ်။ ပရီးမီးယားလိဂ်မှာ တိုက်စစ်အကောင်းဆုံးတွေထဲက တစ်သင်းဖြစ်တဲ့ လီဗာပူးလ်တို့ ပွဲအစ ၁၁ မိနစ်မှာပဲ ၂ ဂိုးပြတ်ခဲ့ပြီး နောက်ပိုင်း ပွဲချိန်တွေကိုလည်း ခြေအသာနဲ့ ထိန်းကစားသွားခဲ့ကာ ဒုတိယပိုင်းမှာ ၁ ဂိုး ထပ်သွင်းနိုင်ခဲ့ပါတယ်။ တန်းဆင်းဇုန်နား တ၀ဲလည်လည်ဖြစ်နေတဲ့ နော်ဝစ်ခ်ျတို့ နောက် ကလိုက်ပြီး ၂ ဂိုး ပြန်သွင်းနိုင်ခဲ့ပေမယ့် ပွဲအဖြေကိုတော့ ပြောင်းလဲနိုင်ခဲ့ခြင်း မရှိခဲ့ပါဘူး။ လီဗာပူးလ်အတွက် ဂိုးတွေကို စတာလင် က ၂ ဂိုးနဲ့ ဆွာရက်ဇ်က ၁ ဂိုး သွင်းယူပေးခဲ့တာဖြစ်ပါတယ်။ ဆွာရက်ဇ်ရဲ့ ဒီဂိုးဟာ နောက်ဆုံး ၅ ပွဲ ၁၂ ဂိုးမြောက်လည်းဖြစ်ပါတယ်။

အဆင့်လေးနေရာအတွက် အဲဗာတန်နဲ့ အပြိုင်လုနေရတဲ့ အာဆင်နယ်အသင်းကလည်း ရမ်ဆေး၊ အိုဇေးလ်တို့ ပြန်လည်ပါဝင်လာမှုနဲ့အတူ အဝေးကွင်းမှာ ဟားလ်စီးတီးကို ဂိုးပြတ်နိုင်အနိုင်ရခဲ့ပါတယ်။ ပွဲအစမှာ အိမ်ရှင်တို့ အကောင်းဆုံးကစားနိုင်ခဲ့ပြီး အာဆင်နယ်ကို အခက်တွေ့စေခဲ့ပေမယ့် အနိုင် ၃ မှတ်ကိုတော့ ရအောင်မယူနိုင်ခဲ့ပါဘူး။ အာဆင်နယ်ဘက်က အပိုင် ၂ လုံးလောက်ကို နော်ဝစ်ခ်ျ ဂိုးသမား ရူဒီ အကောင်းဆုံး ကာကွယ်သွားနိုင်လို့သာ ဒီထက် ဂိုးပိုမပြတ်ခဲ့တာပါ။ အာဆင်နယ်အတွက် ဂိုးတွေကိုတော့ ပိုဒေါစကီးက နှစ်ဂိုးနဲ့ ရမ်ဆေးကတစ်ဂိုး သွင်းယူပေးခဲ့တာဖြစ်ပါတယ်။ ဒီဇင်ဘာနှောင်းပိုင်းကတည်းက နားနေခဲ့ရတဲ့ ရမ်ဆေး ပထမဆုံးပြန်ကစားတဲ့ပွဲမှာ ဂိုးသွင်းယူနိုင်ခဲ့တာဖြစ်ပြီး ဒီရာသီ သူ့ရဲ့ပရီးမီးယားလိဂ် ၉ ဂိုးမြောက်ဖြစ်ပါတယ်။

၁၁ နှစ်ကြာ ကိုင်တွယ်လာခဲ့တဲ့ အသင်းဟောင်းကို ပြန်လည်ရင်ဆိုင်ခဲ့ရတဲ့ မန်ယူနည်းပြ မိုယက်စ်ကတော့ ဂွဒ်ဒီဆင်ပါ့ခ်မှာ မျက်နှာပျက်ခဲ့ရပါတယ်။ စောစောပိုင်းပွဲမှာ အာဆင်နယ်အနိုင်ရသွားတဲ့အတွက် ချန်ပီယံလိဂ်ဝင်ခွင့်အတွက် မဖြစ်မနေ အနိုင်ကစားဖို့လိုတဲ့ အဲဗာတန်တို့ မန်ယူကို ခြေအသာနဲ့ ကစားနိုင်ခဲ့ပြီး ပထမပိုင်းမှာတင် အနိုင်ဂိုး ၂ ဂိုးစလုံး ရခဲ့တာပါ။ မန်ယူကတော့ ဒီပွဲမှာ အဲဗာတန်ဂိုးပေါက်ကို အများကြီး ခြိမ်းခြောက်နိုင်ခဲ့ခြင်း မရှိခဲ့ပါဘူး။ အိမ်ရှင်အတွက် ဂိုးတွေကိုတော့ လေတန်ဘိန်းက ပင်နယ်တီကတစ်ဆင့်နဲ့ ကီဗင် မီရာလာက်စ်က ဂိုးသမားပိတ်ထားတဲ့ ထောင့်ကျဉ်းထဲကို အသီးသီးသွင်းယူပေးခဲ့တာဖြစ်ပါတယ်။

ပွဲစဉ် ၃၅ အပြီးမှာတော့ လီဗာပူးလ်က ရမှတ် ၈၀ နဲ့ ဇယားကို ဦးဆောင်နေပြီး၊ ချယ်ဆီးကတော့ ၇၅ မှတ်နဲ့ ဒုတိယနေရာမှာရှိနေပါတယ်။ မန်စီးတီးကတော့ ၂ ပွဲလျော့ ၇၁ မှတ်နဲ့ တတိယနေရာမှာရှိနေပြီး အဆင့် ၄ ကအာဆင်နယ်နဲ့၊ အဆင့် ၅ က အဲဗာတန်တို့ ၁ မှတ်သာကွာပါတယ်။ တန်းဆင်းဇုန်မှာတော့ ကာဒစ်ဖ် ဖူလ်ဟမ်နဲ့ ဆန်းဒါးလန်းတို့အစဉ်လိုက်ရှိနေပြီး အဆင့် ၁၇ ကနေ ၂၀ အထိ အမှတ်ကွာဟမှုဟာ ၄ မှတ်သာ ရှိပါတယ်။

ဒီတစ်ပါတ်ရဲ့ ပရီးမီးယားလိဂ် ရလဒ်များကတော့ အောက်ပါအတိုင်းဖြစ်ပါတယ်။

နော်ဝစ်ခ်ျ ၂-၃ လီဗာပူးလ်
ဟားလ်စီးတီး ၀-၃ အာဆင်နယ်
အဲဗာတန် ၂-၀ မန်ယူ
ချယ်ဆီး ၁-၂ ဆန်းဒါးလန်း
ဝက်စ်ဟမ်း ၀-၁ ခရစ္စတယ်ပဲလေ့စ်
နယူးကာဆယ် ၁-၂ ဆွမ်ဆီး
ကာဒစ်ဖ် ၁-၁ စတုတ်
အက်စတွန်ဗီလာ ၀-၀ ဆောက်သက်တမ်
စပါး ၃-၁ ဖူလ်ဟမ်