နျူကလီးယား စမ်းသပ်မှုများ ထပ်မံ မပြုလုပ်ရန် မြောက်ကိုရီးယားအား အမေရိကန်ပြော

ဧပြီ ၂၃၊ ၂၀၁၄
M-Media

– နျူကလီးယား စမ်းသပ်မှုအသစ်များ ထပ်မံပြုလုပ်ကာ ဒေသတွင်းတည်ငြိမ်မှုကို ခြိမ်းခြောက်ခြင်းမပြုရန် မြောက်ကိုရီးယားအား တိုက်တွန်းလိုက်ပြီး၊ ရန်စသည့်သမိုင်းရှိသော မြောက်ကိုရီးယားကို စောင့်ကြည့်နေသည်ဟု အမေရိကန်က ပြောကြားလိုက်သည်။

မြောက်ကိုရီးယား နျူကလီးယားစက်ရုံတွင် နျူကလီးယား စမ်းသပ်မှုများ တိုးမြှင့်ပြုလုပ်သွားဖွယ်ရှိသည်ဟု သတင်းများ ထွက်ပေါ်လာခဲ့ပြီး ထိုသတင်းအား အမေရိကန်က သတိထားနေသည်ဟု အိမ်ဖြူတော် ပြောရေးဆိုခွင့်ရှိသူ ဂျေးကာနီက သတင်းထောက်များအား ယမန်နေ့တွင် ပြောကြားခဲ့သည်။

“မြောက်ကိုရီးယားက ရန်စတဲ့အလုပ်တွေကိုလုပ်တဲ့ သမိုင်းရှိပါတယ်။ ဒါမျိုး ထပ်လုပ်နိုင်ဖွယ်ရှိတဲ့အတွက် တော်တို့ဘက်က အမြဲတမ်း သတိထားနေပါတယ်။ သူတို့ရဲ့ဘဖြစ်နေလဲ ဆိုတာနဲ့၊ ဘာလုပ်နေလဲဆိုတဲ့အပေါ်မှာ မူတည်ပါတယ်။ တကယ်လို့ သူတို့ တစ်ခုခုလုပ်ပြီဆိုရင် သူတို့ကိုချည်နှောင်ထားတဲ့ နိုင်ငံတကာ ကတိက၀တ်တွေကို ချိုးဖောက်တာမျိုး ဖြစ်လာပါလိမ့်မယ်” ဟု ကာနီက ပြောကြားခဲ့သည်။

မြောက်ကိုရီးယား၏ Punggye-ri နျူစက်ရုံ၌ နျူလက်နက်စမ်းသပ်ရန်အတွက် လှုပ်ရှားမှုအများအပြား လုပ်ဆောင်နေကြာင်း သိရှိရသည်ဟု တောင်ကိုရီးယား ကာကွယ်ရေးဝန်ကြီးဌာန၏ ထုတ်ပြန်ချက်ကို ကိုးကား၍ တောင်ကိုရီးယား သတင်းဌာန Yonhap က ဖော်ပြခဲ့သည်။

“မြောက်ကိုရီးယားအနေနဲ့ မကြာခင်အချိန်အတွင်းမှာ အံ့သြစရာ နျူကီးလယားစမ်းသပ်မှုတစ်ခု ပြုလုပ်နိုင်တဲ့ အဆင့်ကို ရောက်နေပါပြီ” ဟု တောင်ကိုရီးယားအစိုးရ ပြောရေးဆိုခွင့်ရှိသူ ကင်မင်ဆွက်က ယမန်နေ့တွင် သတင်းထောက်များအား ပြောကြားခဲ့သည်။ သို့သော်လည်း မြောက်ကိုရီးဘက်ကမူ ထိုသတင်းအား အတည်ပြုခြင်းမရှိသေးပေ။

Agencies