အိမ်ကွင်းအနိုင်နဲ့ ဗိုလ်လုပွဲတက်ဖို့ အခြေအနေကောင်းသွားတဲ့ ရီးယဲလ်၊ အဝေးကွင်းမှာ သရေ ရခဲ့တဲ့ ချယ်ဆီး

ဧပြီ ၂၄၊ ၂၀၁၄
M-Media
– ဥရောပ ချန်ပီယံလိဂ် ဆီမီးဖိုင်နယ်ပထမအကျော့ကို မနေ့ကနဲ့ ဒီနေ့နံနက်တွေမှာ တစ်ပွဲစီ ကစားခဲ့ကြပြီး အင်္ဂလန်က ချယ်ဆီးအသင်း စပိန်မြေမှာ သရေကစားနိုင်ခဲ့ကာ၊ ဂန္တ၀င်ရီးယဲလ်ကတော့ အိမ်ကွင်းမှာ အနိုင်ရခဲ့ပါတယ်။

ဥရောပရဲ့ ထပ်သီး ၂ သင်းလို့ ပြောလို့ရမယ့် ရီးယဲလ်နဲ့ ဘိုင်ယန်တို့ပွဲကိုတော့ ဒီနေ့မနက် ဘာနေဗျူးမှာ ကစားခဲ့ပြီး ဘန်ဇီမာရဲ့ တစ်လုံးတည်းသောဂိုးနဲ့ အိမ်ရှင်က အနိုင်ရခဲ့ပါတယ်။ ပြီးခဲ့တဲ့ ၃ နှစ်ဆက်တိုက် ဆီမီးဖိုင်နယ် အဆင့်ကပဲ လှည့်ပြန်ခဲ့ရတဲ့ ရီးယဲလ်တို့ ဒီနေ့ပွဲကိုတော့ အသေအချာပြင်ဆင်ခဲ့ပြီး ဒဏ်ရာကြောင့် အနားယူနေရတဲ့ ရော်နယ်ဒိုလည်း ပြန်ပါလာပါတယ်။

ဒါပေမယ့် ချန်ပီယံလိဂ် လက်ရှိချန်ပီယံ ဘိုင်ယန်အပေါ် သိပ်ပြီး ဖိအားမပေးနိုင်ခဲ့ဘဲ ဘိုင်ယန်ကတောင် ဂိုးသွင်းခွင့် အသာရခဲ့ပါတယ်။ ပထမပိုင်းမှာ ရော်ဘင်ရဲ့ ကန်သွင်းချက်၊ ရှဝိုင်းစတိုင်ဂါရဲ့ ဂေါင်းတိုက်ချက်တွေကို ကာဆီးလက် ကာကွယ်နိုင်ခဲ့လို့သာ ရီးယဲလ်တို့ ဂိုးမပေးခဲ့ရတာပါ။

ရီးယဲလ်အတွက် တစ်လုံးတည်းသော အနိုင်ဂိုးကိုတော့ ၁၉ မိနစ်မှာ ရခဲ့ပြီး ရော်နယ်ဒို ကွန်ထရာအိုတို့ရဲ့ တွဲလုံးကနေ ဘန်ဇီမာက အနီးကပ် ပိတ်သွင်းယူ ခဲ့တာဖြစ်ပါတယ်။ ဒီဂိုးဟာ သူ့ရဲ့ ချန်ပီယံလိဂ် ၅ ဂိုးမြောက်လည်းဖြစ်ပါတယ်။ ဒုတိယပိုင်းမှာ ဘိုင်ယန်တို့ တိုက်စစ်မြှင့်ခဲ့ပြီး ဂိုးသွင်းခွင့် တော်တော်များများရခဲ့ပေမယ့် လိုအပ်တဲ့ ချေပဂိုးကိုတော့ သွင်းယူနိုင်ခြင်းမရှိခဲ့ပါဘူး။ ရော်နယ်ဒိုရဲ့ အပိုင်ကန်သွင်းချက်နှစ်ကြိမ်ကိုလည်း ဘိုင်ယန်ဂိုးသမား နူအာ ကာကွယ်နိုင်ခဲ့တဲ့အတွက် အိမ်ရှင်တို့ ဂိုးထပ်မရခဲ့တာဖြစ်ပါတယ်။ ဒီပွဲအရှုံးကြောင့် ဘိုင်ယန်တို့ရဲ့ ချန်ပီယံလိဂ် ၁၁ ဆက် ရှုံးပွဲမရှိစံချိန် ကျိုးပျက်ခဲ့ရပါတယ်။

မနေ့က ကစားခဲ့တဲ့ ချယ်ဆီနဲ့ အက်သလက်တီကိုတို့ပွဲမှာတော့ အိမ်ရှင် အက်သလက်တီကိုတို့ ချယ်ဆီးဘက်ကို ထိုးဖောက်ကစားနိုင်ခဲ့ပေမယ့် အနိုင်ဂိုးမသွင်းနိုင်တာကြောင့်  ဂိုးမရှိသရေနဲ့ ပွဲပြီးခဲ့ပါတယ်။ လာလီဂါနဲ့ ပီရီးမီးယားလိဂ်တို့မှာ ခံစစ်အကောင်းဆုံးဖြစ်ကြတဲ့ အသင်း ၂ သင်း တွေ့ဆုံတဲ့ပွဲဖြစ်လို့ ပွဲအစမှာ နည်းစနစ်ပိုင်း အားပြိုင်ခဲ့ကြပြီး အနည်းငယ်အေးခဲ့ပါတယ်။

၁၈ မိနစ်မှာ ချယ်ဆီးဂိုးသမား ပီတာချက် နေမကောင်းလို့ ဆက်မကစားနိုင်တော့တဲ့အတွက် ရှဝါဇာနဲ့ လူစားလဲခဲ့ရပြီး ၇၂ မိနစ်မှာလည်း တယ်ရီဒဏ်ရာရသွားတဲ့အတွက် လူစားလဲခဲ့ရပါတယ်။ ပထမပိုင်းမှာ အက်သလက်တီကိုက ချယ်ဆီးဂိုးပေါက်ကို ခြိမ်းခြောက်နိုင်ခဲ့ပေမယ် ဒုတိယပိုင်းမှာ ချယ်ဆီးဘက်က ဂိုးသွင်းခွင့်အနည်းငယ် ရခဲ့ပါတယ်။ ဒါပေမယ့် ဘယ်သူမှ အသုံးမချနိုင်ခဲ့တာကြောင့် ဂိုးမရှိသရေဖြစ်ခဲ့ပြီး လာမယ့်တစ်ပတ် စတမ်းဖို့ဒ်ဘရစ်ခ်ျက ပွဲမှာအက်သလက်တီကိုတို့ ရုန်းကန်ရပါတော့မယ်။

ချန်ပီယံလိဂ် ဆီမီးဖိုင်နယ် ရလဒ်များကတော့ အောက်ပါအတိုင်းဖြစ်ပါတယ်။

အက်သလက်တီကို ၀-၀ ချယ်ဆီး
ရီးယဲလ် ၁-၀ ဘိုင်ယန်