ဝင်းဂါး အသင်း၌ ဆက်ရှိရန် မသေချာသည့် အတွက် ဟော်လန် နည်းပြ ဗန်ဂဲလ်အား အာဆင်နယ် ဆက်သွယ်

ဧပြီ ၂၅၊ ၂၀၁၄
M-Media

– နည်းပြ အာဆင်ဝင်းဂါး အသင်းတွင်ဆက်ရှိရန် မသေချာဖြစ်နေသောကြောင့် အာဆင်နယ်အသင်းမှာ ဟော်လန်အသင်းနည်းပြ ဗန်ဂဲလ်အား ဆက်သွယ်ခဲ့သည်ဟု သိရသည်။

အာဆင်ဝင်းဂါးမှာ အသင်းနှင့် ၂ နှစ် သက်တမ်းတိုးစာချုပ် ချုပ်ဆိုရန် ပြီးခဲ့သည့်နှစ် အောက်တိုဘာလက သဘောတူညီထားသော်လည်း ၎င်းရည်ရွယ်ထားသည့်အတိုင်း အသင်းအောင်မြင်မှုမရပါက လာမည့်လအကုန်တွင် အသင်းမှ ထွက်ခွာဖွယ်ရှိနေသည်။

အာဆင်နယ်အသင်း FA ဖလားနှင့် ပရီးမီးယားလိဂ် အဆင့် ၄ နေရာ မရပါက ၁၈ နှစ်ကြာ လက်တွဲလာမှုအား အဆုံးသတ်ရန် စဉ်းစားနေသည်ဟု အာဆင်ဝင်းဂါးကိုယ်တိုင်က သူငယ်ချင်းမိတ်ဆွေများအား ပြောဆိုထားသည်ဟု သတင်းများ ထွက်ပေါ်နေသည်။

ထို့ကြောင့် ကမ္ဘာ့ဖလားပြိုင်ပွဲအပြီးတွင် ဟော်လန်အသင်းမှ ထွက်ခွာတော့မည့် နည်းပြဗန်ဂဲလ်အား ခေါ်ယူရန် အတွက် အာဆင်နယ်က ဆက်သွယ်ခဲ့ခြင်းဖြစ်သည်။ နည်းပြမိုယက်စ်အား ပူပူနွေးနွေးထုတ်ပယ်ထားသည့် မန်ယူအသင်းကလည်း ဗန်ဂဲလ်အား ခေါ်ယူရန် စီစဉ်နေပြီး မန်ယူကိုယ်စားလှယ်အဖွဲ့ကလည်း ဗန်ဂဲလ်နှင့် တွေ့ဆုံခဲ့သည်။ ထို့ပြင် ဗန်ဂဲလ်မှာ စပါးအသင်းနှင့်လည်း ၃ ကြိမ်ခန့် ဆွေးနွေးခဲ့သည်။