“ကမ္ဘာ့စာအုပ်များနေ့” အထိမ်းအမှတ် ဆရာအတ္တကျော်မှ “သတင်းကို ချင့်ချိန်ပိုင်းခြား လက်ခံနိုင်စွမ်း” ခေါင်းစဉ်ဖြင့် BC တွင် ဟောပြောမည်။

ဧပြီ ၂၅၊ ၂၀၁၄
M-Media
.ဝေယံ

ဗြိတိသျှကောင်စီ စာကြည့်တိုက်တွင် “ကမ္ဘာ့စာအုပ်များနေ့” အထိမ်းအမှတ် အဖြစ် ဧပြီလ (၃၀) ရက် ဗုဒ္ဓဟူးနေ့ညနေ (၅) နာရီတွင် အသင်းဝင်များနှင့် စာပေကို ချစ်မြတ်နိုးသူများ အားလုံးအတွက် စာပေဟောပြောပွဲ ကျင်းပမည်ဖြစ်ကြောင်း British Council မှ သတင်းထုတ်ပြန်ထားပါသည်။

ဆရာအောင်သိန်းကျော် (အေတီကေ (ခ) ဆူဒိုနင် (ခ) အတ္တကျော်) မှ “သတင်းကို ချင့်ချိန်ပိုင်းခြား လက်ခံနိုင်စွမ်း (Media Literacy and News Literacy)” ဆိုသောခေါင်းစဉ်ဖြင့် ဟောပြောဆွေးနွေးသွားပါမည်ဖြစ်ကြောင်းသိရသည်။

၂၁ရာစုတွင် လူရည်လည်သော သတင်းစားသုံးသူတွေ ဖြစ်လာနိုင်ရန် သတင်းတစ်ပုဒ်အား ချင့်ချိန်ယုံကြည်နိုင်သော အစွမ်းအစကို မလွဲမသွေ လိုအပ်လာပါသည်။ ယခုစာပေဟောပြောပွဲတွင် ဆရာမှ သတင်းများကို မည်သူက လွှင့်သည်၊ မည်သည့်ရည်ရွယ်ချက်ဖြင့် လွှင့်သည်၊ သတင်းများကို ဆက်စပ်စဉ်းစားရန် အခြေအနေ၊ သတင်းရင်းမြစ် အရည်အသွေး၊ ခိုင်မာမှု၊ မှန်ကန်ကြောင်း အတည်ပြု စစ်ဆေးမှု၊ ရွေးချယ်သုံးစွဲထားသော စကားလုံးများ နှင့် မျှတမှု စသည့်အကြောင်းအရာများကို ဟောပြောဆွေးနွေးသွားပါမည်ဟုဖော်ပြထားသည်။

ဟောပြောပွဲအပြီးတွင် ဆရာနှင့်သိလိုသည်များကို ဆွေးနွေးနိုင်မည်ဖြစ်ပြီး တက်ရောက်လိုသူများ http://tinyurl.com/bclib2014 တွင်ဝင်ရောက်စာရင်းပေးနိုင်ကြောင်းသိရသည်။ အသင်းဝင်မဟုတ်သူများလည်း ပါဝင်နိုင်ပြီး စာကြည့်တိုက်သို့ လာရောက်သောအခါ မှတ်ပုံတင် (သို့) ကျောင်းသားကဒ် တစ်ခုယူဆောင်လာရန် လိုအပ်ကြောင်း ဖော်ပြထားသည်။

အသင်းဝင်မဟုတ်သူများလည်း လာရောက်နားဆင်နိုင်ကြောင်းသိရသည်။

ကိုးကား-British Council Myanmar