မြို့တွင်း ပြန်လည်ပြေးဆွဲ ခွင့်ရရေး ရွှေပြည်သာ ဟိုင်းလတ်ယာဉ် လုပ်သားများ ဆန္ဒထုတ်ဖော်

ဧပြီ ၃၀၊ ၂၀၁၄
M-Media
လမင်း

ရန်ကုန်  ။     ။      ရွှေပြည်သာ ယာဉ်လိုင်းရှိ ဟိုင်းလတ်ယာဉ် လုပ်သားများသည် ဟိုင်းလတ်ယာဉ်များ ယခင်အတိုင်းပြန်လည်ပြေးဆွဲ ခွင့်ရရေး အတွက် ဆန္ဒ ထုတ်ဖော် မှု တစ်ရပ်ကို ဧပြီလ ၃၀ ရက် နံနက် ၁၂ နာရီအချိန်မှစတင်ကာ ညနေ ၄နာရီ အချိန်အထိ မဟာဗန္ဓုလပန်းခြံအနောက်ရှိ ကုန်သည်လမ်းတွင် ဆန္ဒထုတ်ဖော် ခဲ့ကြ သည်။

“ကျွန်တော်တို့ပထမလကတည်းက ဆန္ဒပြဖို့ ခွင့်ပြုမိန့်တင်ထားပြီးသားပါ။ မ.ထ.သ(ဗဟို)ကဖြေရှင်းပေးမယ်ဆိုလို့ ကျွန်တော်တို့ဆန္ဒပြဖို့ကို မလုပ်တော့တာပါ။ ယာဉ်လိုင်းပိတ်သိမ်းလိုက်ရင် အခက်အခဲတွေ အများကြီးဖြစ်လာမှာပါ။ ပထမဆုံး စားဝတ်နေရေး မပြေလည်မှုကိုကြုံတွေ့ရမှာပါ။ ယာဉ်သမားတွေဟာ တစ်နေ့လုပ်မှ တစ်နေ့စားဘ၀တွေပါ။ မိသားစုတွေက မှီခိုနေရတာ အခုလိုယာဉ်တွေကို ပိတ်လိုက်ရင် ချက်ချင်းအားလုံး ဒုက္ခရောက်သွားနိုင်တယ်” ဟု ကိုသန်းဇော်မင်း (ဟိုင်းလတ် ယာဉ်ပိုင်ရှင်) မှပြောကြားခဲ့သည်။

ဆန္ဒပြသရာတွင် ရွှေပြည်သာမှ ယာဉ်လိုင်းပေါင်း ၈ လိုင်းမှ ဟိုင်းလတ်ကားအစီးရေ ၈၀ ကျော်နှင့် ယာဉ်လုပ်သားပေါင်း ၂၅၀ ကျော်တို့မှ ဟိုင်းလတ်ယာဉ်လိုင်းများ ဆက်လက်ပြေးဆွဲခွင့်ပေးရေး၊ ယာဉ်ပိတ်သိမ်းသည့် ကာလကို ၁၈ လထပ်မံတိုးမြှင့်ပေးရေး နှင့် မည်သည့်ယာဉ်လိုင်းမဆို ဥပဒေဘောင်အတွင်းက လွတ်လပ်စွာ စီးပွားရှာဖွေနိုင်ခွင့်ကို ပေးနိုင်ရန် ယာဉ်လုပ်သားများကတောင်းဆိုခဲ့ကြသည်။

မ.ထ.သ (ဗဟို)မှ ဧပြီလကုန်တွင်နောက်ဆုံးထား ပိတ်သိမ်းရန်ပြောထားပြီး ဧပြီလကုန်တွင် ယာဉ်ပိုင်ရှင်များက ခေတ္တ ရပ်နားပေးထားမည်ဖြစ်ပြီး အချိန် ၁၈ လ တိုးမြှင့်ပေးရန် သက်ဆိုင်ရာများနှင့် ဆက်လက် ညှိနှိုင်းသွားမည်ဖြစ်ကြောင်း သိရသည်။

မ.ထ.သ (ဗဟို)ဥက္ကဌ ဦးလှအောင်ကလည်း ဟိုင်းလတ်ယာဉ်လိုင်းများကို ဧပြီလကုန်တွင်နောက်ဆုံးထားပြေးဆွဲရမည်ဟုလည်း ပြောကြားထားသည်။ ဟိုင်းလတ် ယာဉ်များ ပြေးဆွဲခွင့်ကို ရပ်နားရခြင်းမှာ လူသေမှု၊ကားတိုက်မှု အများဆုံးသည် ဟိုင်းလတ်ယာဉ်များကြောင့်ဖြစ်သည်ဟု မ.ထ.သ မှဆိုထားသည်။ ဟိုင်းလတ် ယာဉ်များမြို့တွင်းပြေးဆွဲခွင့် ဖျက်သိမ်းမှုကို ဖေဖော်ဝါရီလ ၁၅ ရက်နေ့တွင် နောက်ဆုံးထား သတ်မှတ်ခဲ့သော်လည်း ယာဉ်ပိုင်ရှင်များနှင့် ယာဉ်လုပ်သားများ၏ အခက်အခဲများကြောင့် နောက်သို့ရွှေ့ဆိုင်းကာ ယခုဧပြီလကုန်တွင် နောက်ဆုံးထား ပိတ်သိမ်းရမည်ဖြစ်ကြောင်း မ.ထ.သ နှင့် တိုင်းဒေသကြီးအစိုးရအဖွဲ့က ထုတ်ပြန်ကြေငြာထားသည်။