ဘရာဇီးတွင် ရဲတပ်ဖွဲ့၏ စီးနင်းမှုတရပ်တွင် လူငယ် ၁ ဦးသေဆုံး၊ ဒေသခံများ မကျေနပ်၍ ကားများကိုမီးရှို့

ဧပြီ ၃၀၊ ၂၀၁၄
M-Media

– ဘရာဇီးနိုင်ငံ ရီယိုဒီဂျနေရိုးမြို့ရှိ ဆင်းရဲသား ရပ်ကွက်တစ်ခုတွင် ဒုစရိုက်သမားများအား ဖမ်းဆီးရာမှ ပြည်သူများက မကျေနပ်သောကြောင့် မီးရှို့ဖျက်ဆီးမှုများဖြစ်ပွားခဲ့သည်ဟု သိရသည်။

ရီယိုဒီဂျနေရိုးရှိ Morro de Chapadao ဆင်းရဲသားရပ်ကွက် မူးယစ်ဆေးဝါး၊ ကားခိုးမှုများနှင့် ပတ်သက်သည့် ဒုစရိုက်သမားများကို ရဲတပ်ဖွဲ့က ယမန်နေ့တွင် ဖမ်းဆီးရာမှ အသက် ၁၇ နှစ်အရွယ် လူငယ်တစ်ဦး သေဆုံးခဲ့ပြီးနောက် ထိုဒေသရှိ ပြည်သူများမှာ ကားငါးစီအား မီးရှို့ခဲ့သည်။

ရဲတပ်ဖွဲ့ကမူ သေဆုံးသွားသည့်လူငယ် စီးလာသည့်ကားမှာ ခိုးလာသောကားဖြစ်ပြီး ၎င်း၏ဘေးတွင်လည် ခြောက်လုံးပြူး တစ်လက်တွေ့ရသည်ဟု ဆိုသည်။

အခြားဆင်းရဲသား ရပ်ကွက်တစ်ခုဖြစ်သည့် Alemao တွင်လည်း အသက် ၇၂ အရွယ်အဖိုးအို တစ်ဦး သေဆုံးမှုကြောင့် ပြည်သူများက ယမန်နေ့တွင်ပင် ကားသုံးစီးအား မီးရှို့ခဲ့သည်။ လူမိုက်ဂိုဏ်းမှ အဖွဲ့ဝင်များဟု ယူဆရသူများနှင့် ရဲတပ်သားများ အပြန်အလှန်ပစ်ခတ်ရာတွင် ကျည်ဆန်မှာ လမ်းကြောင်းလွဲသွားသောကြောင့် သေဆုံးခဲ့ခြင်းဖြစ်သည်ဟု ရဲတပ်ဖွဲ့က ဆိုသည်။

ပြီးခဲ့သည့် တစ်ပတ်က Copacabana ဒေသတွင် ရဲတပ်ဖွဲ့၏ နှိပ်စက်မှုကြောင့် လူငယ်တစ်ဦးသေဆုံးသွားသည့်အတွက် ပြည်သူများနှင့် ရဲတပ်ဖွဲ့များအကြား ရုန်းရင်းဆန်ခတ်မှုများ ဖြစ်ပွားခဲ့သေးသည်။

တိုင်းပြည်အတွင်း လိုအပ်နေသည့် ပညာရေး၊ ကျန်းမာရေး လိုအပ်ချက်များတွင် မသုံးစွဲဘဲ၊ ငွေကုန်ကြေးကျခံကာ ကမ္ဘာ့ဖလားပြိုင်ပွဲအား ကျင်းပသည့်အတွက် ဆန့်ကျင်ဆန္ဒပြမှုများလည်းရှိနေပြီး ရီယိုဒီဂျနေရိုးတွင် ရဲတပ်ဖွဲ့အင်အားကို  တိုးမြှင့်ချထားသည်။
MOS/HSN/HRB