ကမ္ဘာ့ဘဏ္ဍာရေး ယန္တရားများမှ မြန်မာငွေကြေး အကူအညီ ထပ်မံရရှိ

မေ ၁ ၊ ၂၀၁၄
M-Media
ရဲဝင်း စုစည်းတင်ဆက်သည်။

မြန်မာနိုင်ငံရဲ့ ဘဏ္ဍာရေးစီမံခန့်ခွဲမှု နည်းစနစ်တွေ ခေတ်သစ်ဆန်းပြုပြင်ပြောင်းလဲစေရေး အတွက် ဧပြီလအတွင်း အမေရိကန်ဒေါ်လာ ၅၅ သန်း ကို ကမ္ဘာ့ဘဏ်၊ သြစတေးလျနဲ့ အင်္ဂလန်နိုင်ငံတွေက ထောက်ပံကူညီပေးမှု လက်ခံရရှိခဲ့ပါတယ်။

၂၀၁၄ ဇန်နဝါရီ အတွင်း ကမ္ဘာဘဏ် ဥက္ကဌ မြန်မာပြည်သို့ လာရောက်ခဲ့စဉ် ရန်ကုန်တိုင်း မြောက်ဒဂုံပြည်သူဆေးရုံသို့ ရောက်ရှိစဉ် မီဒီယာသို့တွေ့ဆုံစဉ် Photo: Reuters

ယင်းအကူအညီတွေအနက် ကမ္ဘာ့ဘဏ်ရဲ့ထောက်ခံမှုနဲ့ အပြည်ပြည်ဆိုင်ရာ ဖွံ့ဖြိုးတိုးတက်ရေးအဖွဲ့ (IDA) မှ အမေရိကန်ဒေါ်လာ သန်း ၃၀၊ သြစတေးလျ အစိုးရမှ ၈ သန်းခွဲ၊ အင်္ဂလန်နိုင်ငံရဲ့ ဖွံ့ဖြိုးတိုးတက်ရေးဌာနမှ ၁၆ သန်းခွဲ တို့ကို လက်ခံရရှိခဲ့တာဖြစ်ပါတယ်။

ဒီစီမံကိန်းဟာ ပြည်သူ့ဝန်ဆောင်မှုလုပ်ငန်းတွေပြုလုပ်ရာမှာ ထိရောက်ပြီး တိကျသေခြာစွာ တာဝန်ယူလုပ်ဆောင်နိုင်ကြဖို့အတွက်နဲ့ ဘဏ္ဍာငွေ စီမံခန့်ခွဲမှုတွေကိုပြုလုပ်ရာမှာ နည်းဗျူဟာ ပြင်ဆင်မှုတွေနဲ့ ပိုမိုပြီး ယုံကြည် အားထားရတဲ့ စီမံခန့်ခွဲ့မှု နည်းစနစ်တွေကို အသုံးပြုနိုင်ဖို့တွေအတွက် ရည်ရွယ်ထားတာဖြစ်ပါတယ်။

ပညာရေး၊ ကျန်းမာရေးနဲ့ ရေသန့်စင်မှု ရရှိရေး အစရှိတဲ့ ပြည်သူ့ဝန်ဆောင်မှု လုပ်ငန်းတွေကို အရေအတွက်နဲ့ အရည်သွေးတွေ တိုးမြှင့်လာပြီး မြန်မာပြည်သူတွေကို အကျိုးပြုလိမ့်မယ်လို့ အပြည်ပြည်ဆိုင်ရာ ဘဏ္ဍာရေး အဖွဲ့အစည်းတွေက ယုံကြည်ထားကြပါတယ်။

ကမ္ဘာ့ဘဏ် ဥက္ကဌ Jim Yong Kim ကလည်း လွန်ခဲ့တဲ့ ဇန္နဝါရီလအကုန်မှာ မြန်မာပြည်ကိုသွားရောက်ခဲ့ပြီး မြန်မာနိုင်ငံဖွံ့ဖြိုး တိုးတက်ရေး အတွက် ဒေါ်လာ သန်း ၂၀၀၀ လောက်ကို နှစ်စဉ် ပိုင်းခြားပြီး သီးသန့် ကူညီဖို့ရှိတယ်လို့ ထုတ်ဖော်ပြောဆိုခဲ့ပါတယ်။ အဲဒီအစီအစဉ်ကတော့ ၂၀၃၀ ခုနှစ် မှာ တစ်နိုင်ငံလုံး အတိုင်းအတာနဲ့ ကျန်းမာရေးဆေးကုသမှုရရှိစေရေးနဲ့ လျှပ်စစ်မီး ရရှိစေရေးကို ရည်ရွယ်ထားပါတယ်။

ဒီ သန်း ၂၀၀၀ အနက် ထက်ဝက်လောက်ကို ရှေ့လာမယ့် ငါးနှစ်ကာလမှ လျှပ်စစ်စွမ်းအား ထုတ်လုပ်ရေးတွေနဲ့ ဖြန့်ဖြူးပေးရေးတွေ အတွက် ရင်းနှီးမြှပ်နှံ သွားမှာဖြစ်ပါတယ်။ အာရှဖွံ့ဖြိုး တိုးတက်ရေးဘဏ် (ADB) ကလည်း ADB  ရဲ့ ဥက္ကဌ Haruhiko Kuroda  နေပြည်တော်ကို သွားရောက်လည်ပတ်ပြီးတဲ့နောက်မှ လျှပ်စစ်စွမ်းအင်ကဏ္ဍအတွက် လိုအပ်တဲ့ နည်းပညာတွေ၊ ဘဏ္ဍာရေး လိုအပ်မှုတွေ၊ ဆက်သွယ်ရေးတွေနဲ့ အားထားရတဲ့ စွမ်းအင်ရရှိရေးတွေအတွက် အမေရိကန်ဒေါ်လာ သန်း ၆၀ ကို ချေးငွေအဖြစ် ကူညီထောက်ပံ့ပေးမယ်လို့ ထုတ်ဖော်ပြောဆိုခဲ့ပါတယ်။

လျှပ်စစ်စွမ်းအားရရှိမှုဟာ မြန်မာပြည်သူတွေရဲ့ လူနေမှုဘဝမြှင့်မားလာမယ့် အပြင် ပိုမိုကောင်းမွန်တဲ့ စီးပွားရေးနယ်ပယ် ကိုလည်း ဖန်တီးပေးနိုင်မှာဖြစ်ပါတယ်။ အကျိုးသက်ရောက်မှုတွေအနေနဲ့ အလုပ်အကိုင်တွေ များပြားလာမယ်၊ နိုင်ငံတော်ဖွံ့ဖြိုး သာယာလာမယ်၊ ဆင်ရဲနွမ်းပါးမှုလျော့ကျလာမယ်လို့ ကမ္ဘာ့ဘဏ် ဥက္ကဌ Jim Yong Kim က ယုံကြည်ထားပါတယ်။ အခုလို ကမ္ဘာ့ဘဏ်နဲ့ ပုဂ္ဂလိက ကဏ္ဍတွေရဲ့ ထောက်ပံ့ပေးမှုတွေကြောင့် ၂၀၂၀ ခုနှစ်မှာ နိုင်ငံလူဦးရေရဲ့ ၅၀ ရာခိုင်နှုန်းက လျှပ်စစ်မီး ရရှိကြမှာဖြစ်ပါတယ်။ လက်တလောမှာတော့ ၇၀ ရာခိုင်နှုန်းလောက်က လျှပ်စစ်မီး မရရှိကြပါဘူး။

အရေးကြီးတဲ့ အခြေခံပြည်သူ့ဝန်ဆောင်မှုတွေက ကုန်ကျစရိတ်တွေမြင့်မားလွန်းနေပြီး ဆင်းရဲနွမ်းပါးတဲ့ မိသားစုတွေဟာ ဒီဝန်ဆောင်မှုတွေကို လက်လှမ်းမမှီဖြစ်နေပါတယ်။ ကျေးလက်ဒေသမှာ နေထိုင်ကြတဲ့ပြည်သူတွေရဲ့ ၇၅ ရာခိုင်နှုန်းလောက်ကတော့ အရည်အသွေးမှီတဲ့ ဆေးဝါးကုသမှုတွေကို မရရှိကြဘူးလို့ ကမ္ဘာ့ဘဏ်က ဖော်ပြခဲ့ပါတယ်။ ဒါကြောင့် တစ်နိုင်ငံလုံးအတိုင်းအတာနဲ့ ကျန်းမာရေး ဆေးကုသမှုရရှိရေးကို လုပ်ဆောင်နိုင်ဖို့အတွက် ဒေါ်လာ သန်း ၂၀၀ ကိုလည်း ကမ္ဘာ့ဘဏ်က ကူညီပေးမှာဖြစ်ပါတယ်။

စိုက်ပျိုးရေး ကဏ္ဍအတွက်လည်း နည်းပညာ အကူအညီတွေပေးဖို့နဲ့ စိုက်ပျိုးရေး ထုတ်ကုန်တွေ တိုးမြှင့်လာဖို့အတွက် ကမ္ဘာ့ဘဏ်က ကူညီပေးဖို့ အဆင်သင့်ရှိနေတယ်လို့လည်း ထုတ်ဖော်ခဲ့ပါတယ်။ ဒီစိုက်ပျိုးရေးကဏ္ဍဟာ မြန်မာနိုင်ငံရဲ့ ပြည်တွင်းအသားတင် စုစုပေါင်းထုတ်ကုန်တန်ဖိုး (GDP) ရဲ့ ၄၃ ရာခိုင်နှုန်းရှိပါတယ်။ ပြည်တွင်း အလုပ်သမားဦးရေ ထက်ဝက်ကျော်ဟာ စိုက်ပျိုးရေးကဏ္ဍမှာ အလုပ်လုပ်ကိုင်နေကြပြီး နိုင်ငံတော် လူဦးရေရဲ့ ၇၀ ရာခိုင်နှုန်းဟာလည်း စိုက်ပျိုးရေးကဏ္ဍကို မှီခိုနေကြပါတယ်။

စီးပွားရေးနဲ့ လူမှုရေး ပြုပြင်ပြောင်းလဲရေး အစီအစဉ်တွေကို အောင်မြင်စွာအကောင်အထည်ဖော်ဆောင်နိုင်ရေးအတွက် နိုင်ငံတော်ဖွံ့ဖြိုးတိုးတက်ရေးမှာ အဓိကကျတဲ့ ကဏ္ဍတွေကို ဦးစားပေးလုပ်ဆောင်သွားဖို့ အပြည်ပြည်ဆိုင်ရာ အဖွဲ့အစည်းတွေနဲ့ ကမ္ဘာ့နိုင်ငံကြီးတွေက ဝိုင်းဝန်းကူညီပေးကြမယ်လို့ သဘောတူထားကြတာဖြစ်ပါတယ်။

Ref: Myanmar gets more support from world financial institutions – Shanghai Daily