အာဆတ် အစိုးရ တိုက်ခိုက်မှုကြောင့် စာသင်ကျောင်းမှ ကလေးငယ်များ သေဆုံးရခြင်းအား ကုလရှုတ်ချ

မေ ၂ ၊ ၂၀၁၄
M-Media

– အာဆတ်အစိုးရက တိုက်ခိုက်မှုကြောင့် ဆီရီးယားနိုင်ငံ အရှေ့ပိုင်းရှိ စာသင်ကျောင်းတစ်ခုကို ထိမှန်ကာ ကျောင်းသားများ သေဆုံးသွားခဲ့ရခြင်းမှာ ဥပဒေကို ဆိုးရွားစွာ ချိုးဖောက်ခြင်းဖြစ်သည်ဟု ကုလသမဂ္ဂက ရှုတ်ချပြောဆိုခဲ့သည်။

အတိုက်အခံများ ထိန်းချုပ်ထားရာ အလစ်ပိုမြို့အား အစိုးရတပ်များမှ ယမန်နေ့က တိုက်ခိုက်ရာတွင် Ein Jalout စာသင်ကျောင်းကို ထိမှန်ခဲ့ပြီး ပြိုကျကာ လူ ၁၉ ဦး သေဆုံးခဲ့သည်။ သေဆုံးခဲ့သူ ၁၉ ဦးတွင် ကလေးငယ် ၁၀ ဦးပါဝင်သည်ဟု ယူကေ အခြေစိုက် ဆီးရီးယားဆိုင်ရာ လူ့အခွင့်အရေး စောင့်ကြည့်အဖွဲ့က သတင်းထုတ်ပြန်ခဲ့သည်။

“သိပ်ကိုဆိုးရွားတဲ့ အဖြစ်အပျက်တွေက တစ်နေ့ပြီး တစ်နေ့ဖြစ်ပျက်နေပါတယ်၊ ကလေးတွေ၊ အမျိုးသမီးတွေ၊ အမျိုးသားတွေဟာ တိုက်ရိုက်ကို ပစ်မှတ်ထားခံနေရတာပါ။ ဒါဟာ စစ်ပွဲရဲ့ အခြေခံစည်းမျဉ်းတွေကို လွန်လွန်ကျူးကျူး ချိုးဖောက်မှုပါပဲ” ဟု ကုလသမဂ္ဂ လူသားချင်း စာနာထောက်ထားမှုရေးရာ လက်ထောက်အထွေထွေ အတွင်းရေးမှူး ဗလယ်ရီ အေမို့စ်က ပြောကြားသည်။

တက်ကြွလှုပ်ရှားသူများက ရိုက်ကူးထားသော ဗီဒီယိုတွင် မြို့နယ်ဆေးရုံ၌ အ၀တ်ဖြင့်ထုပ်ထားသော ကလေး ၁၀ ဦး၏ အလောင်းနှင့် တိုက်ခိုက်မှုကြောင့် ပြိုကျသွားခဲ့သည့် စာသင်ကျောင်းကို ဘူဒိုဇာအသုံးပြု၍ ရှင်းလင်းနေသည်ကို တွေ့ရှိခဲ့ရသည်။

စီးရီးယားပြည်တွင်းစစ်မှာ ၃ နှစ်တာကြာမြင့်လာပြီဖြစ်ပြီး ကလေးငယ်ထောင်ပေါင်းများစွာ အပါအ၀င် လူ ၁ သိန်းခွဲခန့် သေဆုံးခဲ့ကာ လူသိန်းချီမှာလည်း နေရပ်စွန့်ခွာထွက်ပြေးနေကြရသည်။