ဆမ်ဆောင်းမှ Apple အား ဒေါ်လာ သန်း ၁၀၀ ကျော် ပေးဆောင်ရန် အမေရိကန် တရားရုံး အမိန့်ချ

မေ ၃ ၊ ၂၀၁၄
M-Media

– iPone တွင်ပါဝင်သည့် အပြင်အဆင်တစ်ချို့အား ခိုးယူအသုံးပြုထားသည့်အတွက် Apple ကုမ္ပဏီသို့ လျော်ကြေး ၁၁၉.၆ သန်းပေးဆောင်ရန် ဆမ်ဆောင်း ကုမ္ပဏီအား ကယ်လီဖိုနီးယား တရားရုံးက အမိန့်ပေးခဲ့သည်ဟု သိရသည်။

ဆမ်ဆောင်းမှာ iPhone ၏ အင်တာနက်ရှာဖွေမှုပုံစံ အပါအ၀င် အချို့သော အပြင်အဆင်များကို ခိုးယူသုံးစွဲခဲ့သည် သံသယရှိသောကြောင့် ကယ်လီဖိုးနီးယားပြည်နယ် ဆန်ဂျိုဆေးမြို့ရှိ တရားရုံးတွင် လနှင့်ချီ၍ တရားရင်ဆိုင်ခဲ့ရသည်။

စုံစမ်းစစ်ဆေးမှုများအရ iPhone တွင် ထည့်သွင်းထားသည့် အပြင်အဆင် နှစ်ခုကို ဆမ်ဆောင်းဖုန်းများတွင် ထည့်သွင်းထားသည်ကို တွေ့ရှိခဲ့ရသောကြောင့် ယခုကဲ့သို့ ပြစ်ဒဏ်ချမှတ်ခဲ့ခြင်းဖြစ်သည်။ ဆမ်ဆောင်းကမူ ထိုစွပ်စွဲချက်အား ငြင်းဆိုခဲ့သည်။

Apple နှင့် ဆမ်ဆောင်းတို့မှာ ၎င်းတို့ထုတ်လုပ်သော ဖုန်းများနှင့်ပတ်သက်၍ အမှုအခင်းဖြစ်နေသည်မှာ ၃ နှစ်ကျော်ကြာနေပြီဖြစ်ပြီး ၂၁၀၂ ခုနှစ်ကလည်း ဆမ်ဆောင်မှာ Apple အား ဒေါ်လာ သန်း ၉၃၀ ပေးဆောင်ခဲ့ရသည်။ သို့သော်လည်း ဆမ်ဆောင်းမှ ထုတ်လုပ်သော ဖုန်းများကို အမေရိကန်တွင် ရောင်းချခွင့် ပိတ်ပင်ရန် Apple မှ ဆောင်ရွက်နိုင်ခဲ့ခြင်းမရှိပေ။

ယခုကဲ့သို့ဖြစ်ပွားနေသည့် ဥပဒေကြောင်းအရ ရင်ဆိုင်ရမှုများမှာ Android ဆော့ဖ်ဝဲသုံးဖုန်းများ လျင်မြန်စွာ တိုးတက်နေမှုများအား လျော့နည်စေရန် ရည်ရွယ်၍ Apple မှ လုပ်ဆောင်နေခြင်းဖြစ်ကြောင်း လေ့လာသူအချို့ကဆိုသည်။

ယခုအမှုတွင် iPhone တွင်အသုံးပြုထားသည့် ပုံစံ ၅ မျိုးနှင့် ပတ်သက်၍ ဆမ်ဆောင်းအား တရားစွဲဆိုခဲ့ခြင်းဖြစ်သည်။ Apple မှာ ဂလက်ဆီ III အပါအ၀င် ဆမ်ဆောင်းထုတ် ဖုန်းများကို အမေရိကတွင်ရောင်းချခွင့်ပိတ်ပင်ရန် ဆောင်ရွက်လျက်ရှိနေသည်။

ရိုက်တာ