မိမိတို့ ပိုင်နက်တွင် ပျက်ကျ ခဲ့သည့် ဒရုန်းလေယာဉ်မှာ မြောက်ကိုရီးယား စေလွှတ်ခြင်းဟု တောင်ကိုရီးယားပြော

မေ ၉ ၊ ၂၀၁၄
M-Media

– တောင်ကိုရီးယားနိုင်ငံတွင် ပျက်ကျခဲ့သည့် မောင်းသူမဲ့ ဒရုန်းလေယာဉ်များမှာ မြောက်ကိုရီးယားမှ စေလွှတ်သည့် သူလျှိုလေယာဉ်များဖြစ်သည်ဟု တောင်ကိုရီးယား အာဏာပိုင်များက ပြောကြားလိုက်သည်။

အဆိုပါ ဒရုန်းများအတွင်းရှိ GPS စနစ်များကို အမေရိကန်နှင့် တောင်ကိုရီးယားတို့က ပူးပေါင်းစစ်ဆေးခဲ့ပြီးနောက် ထိုလေယာဉ်များ၏ ဇစ်မြစ်မှာ မြောက်ကိုရီးယားမှဖြစ်သည်ဟု တောင်ကိုရီးယား ကာကွယ်ရေးဝန်ကြီးဌာနမှ ပြောရေးဆိုခွင့်ရှိသူ ကင်မင်ဆွတ်က ဆိုသည်။

ထို့ပြင် မိမိတို့ပိုင်နက်အတွင်းသို့ ထောက်လှမ်းရေးလေယာဉ်များ စေလွှတ်ခြင်းမှာ စစ်ရေးအရ ရန်စမှုဖြစ်ပြီး၊ တောင်နှင် မြောက် ၂ နိုင်ငံ အပစ်အခတ်ရပ်စဲရေး သဘောတူညီချက်အား ချိုးဖောက်ခြင်းဖြစ်သည်ဟု ထည့်သွင်းပြောကြားခဲ့သည်။

ဒရုန်းလေယာဉ် ၃ စင်းအား မတ်လ ၂၄ ရက်နေ့မှ ဧပြီ ၆ ရက်အတွင်း တောင်ကိုရီးယား နယ်စပ်အနီးအတွင် တွေ့ရှိခဲ့ရခြင်းဖြစ်သည်။ တစ်စီးမှာ အင်ဂျင် ပြဿနာကြောင့်ဖြစ်ပြီး၊ အခြား ၂ စီးမှာ ဆီကုန်သွားသောကြောင့် ပျက်ကျခဲ့ခြင်းဖြစ်သည်။

ဒရုန်းလေယာဉ်များမှာ ဒီဇိုင်ပိုင်းအရ သာမန်မျှသာဖြစ်သော်လည်း ကင်မရာများ တပ်ဆင်ထားကာ နယ်စပ်ဒေသ အခြေနေများ၊ တောင်ကိုရီးယား စစ်တပ်၏ အချက်အချက်နေရာများနှင့် သမ္မတ အိမ်တော် အပါဝင် ဆိုးလ်မြို့ အခြေအနေ ဓာတ်ပုံများကို ရိုက်ယူထားသည်ဟု ဆိုသည်။

မြောက်ကိုရီးယားဘက်ကမူ မိမိတို့မှာ ထိုဒရုန်းလေယာဉ်များနှင့် ပတ်သက်မှု မရှိဟုဆိုကာတောင်ကိုရီးယားက လုပ်ကြံ စွပ်စွဲခြင်းသာဖြစ်သည်ဟု တုံ့ပြန် ပြောဆိုခဲ့သည်။