ရိုဟင်ဂျာများကို နိုင်ငံသား အသိမှတ်ပြုရန် ငြင်းဆိုမှုကို စိုးရိမ်ကြောင်း ဘင်္ဂလားဒေ့ရှ် နိုင်ငံခြားရေး ၀န်ကြီးပြော

မေ ၁၁ ၊ ၂၀၁၄
M-Media

– မြန်နိုင်ငံတွင် ရိုဟင်ဂျာများကို နိုင်ငံသားအဖြစ် အသိအမှတ်ပြုရန် ငြင်းဆိုခံရမှု အတွက်စိုးရိမ်မိကြောင်း ဘင်္ဂလားဒေ့ရ်ှနိုင်ငံခြားရေးဝန်ကြီး အမ် ရှာရီယာ အလမ် က  ပြောကြားလိုက်သည်။

ဘင်္ဂလားဒေ့ရ်ှနိုင်ငံသို့ လာရောက်လည်ပတ်သည့် အမေရိကန် တောင်အာရှရေးရာ ဒုတိယလက်ထောက် နိုင်ငံခြားရေးဝန်ကြီး Fatema Sumar. နှင့် မေလ ၈ရက်နေ့က တွေ့ဆုံစဉ်အတွင်း အလမ်က ထိုကဲ့သို့ ပြောကြားခဲ့ခြင်းဖြစ်သည်။

ဘင်္ဂလားဒေ့ရ်ှမှာ ရခိုင်ပြည်နယ်အတွင်း ဖြစ်ပွားခဲ့သည့် အကြမ်းဖက်မှုများကြောင့် အိုးအိမ်စွန့်ခွာ ထွက်ပြေးလာခဲ့ရသည့် ရိုဟင်ဂျာဒုက္ခသည်ထောင်ပေါင်းများစွာအား လက်ခံထားရသော နိုင်ငံလည်းဖြစ်သည်။

မြန်မာနယ်စပ်နှင့် နှစ်ကီလိုမီတာအကွာ ကူတူပလောင်နှင့် နာယာပရာဒေသတို့တွင် ဘင်္ဂလားဒေ့ရ်ှအစိုးရ၏ အကူအညီဖြင့် လည်ပတ်နေသော ဒုက္ခသည်စခန်းများ၌ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးတွင် မှတ်ပုံတင်ထားသည့် ဒုက္ခသည် ၃၀,၀၀၀ အပါအ၀င် ရိုဟင်ဂျာ ဒုက္ခသည် ၂ သိန်းကျော် ရှိနေပြီး စခန်းအပြင်တွင် နေထိုင်ကြသည့် ရိုဟင်ဂျာ ဒုက္ခသည်များမှာ ငါးသိန်းကျော်သည်ဟု ဘင်္ဂလားဒေ့ရ်ှအစိုးရက သတင်းထုတ်ပြန်ထားသည်။

ထိုဒုက္ခသည်များကို ပြန်လည်ခေါ်ယူရန် မြန်မာအစိုးရက ငြင်းဆိုထားပြီး၊ မြန်မာနိုင်ငံ၏ နောက်ဆုံး မဲပေးသူများစာရင်းတွင်လည်း ရိုဟင်ဂျာများမှာ ဖယ်ထားခြင်းခံထားရကာ ၎င်းတို့၏ နိုင်ငံသားဖြစ်ခွင့်နှင့် ပတ်သက်၍လည်း မေးခွန်းထုတ်စရာများရှိနေသည်ဟု သတင်းများက ဖော်ပြသည်။

ပုံညွှန်း- ရခိုင်ဒေသမှ ထွက်ပြေးသွားသည့် ဘင်္ဂလားဒေရ်ှမှ ရိုဟင်ဂျာ ဒုက္ခသည်စခန်းတခု

Ref:  bdnews24