ညှိနှိုင်းပြီး ကျေနပ်မှုမရှိပါက နေပြည်တော်ထိ မိကျောင်းကန်ပြည်သူများ ဆန္ဒသွားပြမည်။

မေ ၁၄၊ ၂၀၁၄
M-Media
လမင်း

အစိုးရနှင့်ညှိနှိုင်းပြီး ကျေနပ်မှုမရှိပါက နေပြည်တော်လွှတ်တော်ရုံးရှေ့သို့ သွားရောက်ဆန္ဒပြမည့် မိကျောင်းကန်ပြည်သူများ

ရန်ကုန်  ။       ။    မိကျောင်းကန်ပြည်သူများကို လယ်ယာမြေနှင့်အခြား စုံစမ်းစစ်ဆေးရေးကော်မရှင်မှ အစိုးရနှင့် ညှိနှိုင်းပေးမည်ဖြစ်ပြီး ထိုညှိနှိုင်းမှုတွင် ၎င်းတို့ကျေနပ်မှု မရှိပါက နေပြည်တော်လွှတ်ရုံးရှေ့ထိ သွားရောက်ကာ ဆန္ဒပြသတောင်းဆိုမည်ဟု မိကျောင်းကန် သပိတ်စခန်းဦးဆောင်သူဖြစ်သူ ဦးစိန်သန်း ကပြောခဲ့သည်။

“လွှတ်တော်ပြန်စမီ ၂၈ ရက်နေ့မတိုင်မီကို ကျွန်တော်တို့ကို ညှိနှိုင်းပေးမယ်လို့ပြောတယ်။ အဲဒီညှိနှိုင်းပွဲမှာ ကျွန်တော်တို့တောင်းဆိုထားတဲ့ တောင်းဆိုချက်တွေကို လိုက်လျောပေးမယ် ဆိုရင်တော့ ကျွန်တော်တို့နေပြည်တော်ကို သွားရောက်ပြီး မတောင်းဆိုတော့ပါဘူး။ ကျွန်တော်တို့ညှိနှိုင်းတဲ့ အတိုင်းမရရင်တော့ နေပြည်တော်ထိ သွားပြီး ဆန္ဒပြသတောင်းဆိုမှာပါ” ဟု ဦးစိန်သန်းကဆက်လက်ပြောကြားခဲ့သည်။

၎င်းတို့တွင် ပိုင်ဆိုင်ကြောင်း မြေယာ အထောက်အထားများလည်း ရှိပြီဖြစ်ပြီး တိကျစွာတောင်းဆို သွားမည်ဖြစ်ကြောင်းလည်း သိရသည်။ 

မိကျောင်းကန်သပိတ်စခန်းကို တတိယကြိမ်မြောက် အဖြစ် မဟာဗန္ဓုလ ပန်းခြံဘေးတွင် ဖွင့်လှစ်ထား ရှိထားသည်ဖြစ်ပြီး ယနေ့ မေလ ၁၃ ရက်နေ့ဆိုလျှင် ၅၁ ရက် ပြည့်မြောက်ပြီဖြစ်သည်။