ဒလမြို့နယ် သောက်ရေရှားပါးမှုအတွက် ကုသိုလ်ဖြစ် ပါဝင်နိုင်

မေ ၁၅၊ ၂၀၁၄
M-Media
K K

ရန်ကုန်  ။       ။    ရန်ကုန်တိုင်းဒေသကြီး ဒလမြို့နယ် ကျန်စစ်သားရပ်ကွက်တွင် သောက်ရေရှားပါးခြင်းနှင့် ကြုံတွေ့နေရသည့်အတွက် စေတနာရှင်များ စုပေါင်း လှူဒါန်းမည်ဖြစ်ပြီး စုပေါင်း ပါဝင် လှူဒါန်းနိုင်ကြကြောင်း သိရသည်။

သောက်ရေလှူဒါန်းခြင်းအတွက် ကုသိုလ်ဖြစ် အလှူရှင်များ လှူဒါန်းခြင်းကို မေလ ၉-ရက် နေ့ ညနေ ၆း၁၅ နာရီအချိန်တွင် လှူဒါန်းနေကြသဖြင့် ဆက်သွယ် မေးမြန်းစုံစမ်းရာ ယခုကဲ့သို့ သောက်ရေရှားပါးခြင်း ဒုက္ခနှင့် ရင်ဆိုင်နေရသူများကို လှူဒါန်းလိုသည့် ကုသိုလ်ရှင်နှင့် ရန်ကုန်တိုင်းဒေသကြီး ပန်းဘဲတန်းမြို့နယ် ကုန်ဈေးတန်းအောက်လမ်းတွင် Alpine သောက်ရေသန့် ဆိုင်ခွဲ ဖွင့်လှစ်ထားသည့် ဆိုင်မှ ကုသိုလ်ရှင်တို့အတူ ရပ်ကွက်အရောက် ကုသိုလ်ပြုဝန်ဆောင်မှု ပေးနေကြောင်းနှင့် လှူဒါန်းလိုပါက ဖုန်းနံပါတ် 01-251441, 09-73002160, 09-421013349 သို့ ဆက်သွယ်နိုင်ကြောင်း သိရှိရသည်။