မသာအိမ် နဲ့ ဖဲဝိုင်းဋီကာ (ကဗျာ)

မေ ၂၀ ၊ ၂၀၁၄
M-Media
ရေးသူ- စမားညီညီ

ရောဂါစုံနဲ့လူမမာ
၆၂ မှာ အပြီးသေ
မသာကို ပိုင်ရှင်လုပ်
မောက်မာကြတဲ့ ဖဲဝိုင်းသခင်တွေ
ကစားရင်းနဲ့အပြောင်းအလွဲရှာ
အဝတ်ပြောင်း လူပြောင်းပြီး
ဆက်ကာဆော့

၈၈ မှာ တခါထပ်သေ
ကမ္ဘာရွာစဖြစ်တဲ့အနေမှာ
ရဲရင့်မျက်နှာပြောင် အိမ်နီးချင်းများ
မသာအိမ်ထဲ စီးပွားဖြစ်ဝင်
ဧည့်သည်တွေက နိုင်လို့နိုင်ကြ
အိမ်ရှင်တွေလည်းရှုံးရင်းနိုင်ကြ
ပွဲတော်ကြီး တမျှပါလား
အိမ်တိုင်တောင်ချွတ်လို့ပေါင်
ဧည့်သခင်ကြီးတို့ ကို
အကြိုက်ဆောင်ဖို့

အဲ့ဒါကြောင့်လေ
ငါတို့ဧရာဝတီကို
ဈေးဘောင်ကျိုးလိုဈေးကွက်တင်
အခြေမလှတဲ့လယ်တ်ီတော့ဆုံးရှာပေါ့
အထက်မှာကချင်နဲ့ရှမ်းတွေသေ
အနောက်ကမွတ်(စ)တွေလည်း
မနေရ
တပြည်လုံးအနှံ မင်းတို့ငါ့ကိုကြောက်
ဟိန်းဟောက်လိုက်တာ
အုံကျဉ်းနဲ့နေတဲ့ ခွေး အ တွေ
ဖဲဝိုင်း မပြတ်အောင် မသာကိုထုတ်လုပ်
အလယ်ကောင်နေရာရွှေ့ ပြီး
ဖဲဝိုင်းထောင်
ဂုဏ်ရှိချင်ယောင်ဆောင်လိုက်ကြ

ကိုယ်တွေကလည်း ဖဲဝင်ရိုက်
အ သထက် မိုက်လိုက်ကြပုံ
သူတို့တတွေ အလှည့်ကျ ဒေါင်းတော့
ငါတို့ ကံမကောင်းသေးဘူးဆိုဘဲ
ရှိသမျှက ကုန်လုလု
ငါနိုင်အောင် ရိုက်မယ်ဆိုလိုက်ပြန်
section မပြည့်ခင် မထွက်လေအောင်
သနားလို့ပေးဒေါင်းတာကို
ရင်တွေခုန် သီချင်းတွေလုပ်
သူတို့ဗျူဟာကို မမြင်အောင်မိုက်
အောင်ပွဲခံ အလံစိုက်နေရင်
ဖဲဝိုင်းမှာ သေအထိသာ
ထိုင်နေတော့လေး။     ။

Photo- ကာတွန်း ဟန်လေး