၂ မိနစ်အလိုမှ ချန်ပီယံဖြစ်ခွင့် ဆုံးရှုံးခဲ့ရတဲ့ အက်သလက်တီကို၊ ဆယ်ကြိမ်မြောက် ချန်ပီယံလိဂ် အိပ်မက် ပြည့်ဝသွားတဲ့ ရီးယဲလ်

မေ ၂၅ ၊ ၂၀၁၄
M-Media

ရီးယဲလ်မက်ဒရစ် ၄-၁ အက်သလက်တီကို

ချန်ပီယံလိဂ်နောက်ဆုံးဗိုလ်လုပွဲကို ပေါ်တူဂီနိုင်ငံ လစ္စဘွန်းမြို့မှာ ယနေ့နံနက်စောစောက ကျင်းပခဲ့ပါတယ်။ စပိန်က မြို့ခံပြိုင်ဘက်တွေဖြစ်တဲ့ အက်သလက်တီကို မက်ဒရစ်နဲ့ ရီးယဲလ်မက်ဒရစ်တို့ ကစားခဲ့ကြတာဖြစ်ပြီး စိတ်လှုပ်ရှားစရာကောင်းတဲ့ ပွဲတစ်ပွဲဖြစ်ခဲ့ပါတယ်။

လာလီဂါဖလားကို ပူပူနွေးနွေးရရှိထားတဲ့ အက်သလက်တီကိုမက်ဒရစ်အသင်းက ပထမပိုင်း ၃၆ မိနစ် မှာ ဒီယေဂို ဂိုဒင်ရဲ့ ခေါင်းတိုက်ချက်နဲ့ ဦးဆောင်ဂိုးရခဲ့ပါတယ်။ ဒီဂိုးဟာ ရီးယဲလ်ဂိုးသမား ကာဆီးလက်စ် ရှေ့ကိုအနည်းငယ်ထွက်နေတာကြောင့် ပေးလိုက်ရတာဖြစ်ပါတယ်။

၁၀ကြိမ်မြောက်ချန်ပီယံလိဂ်ဖလားကို ဆွတ်ခူးနိုင်ဖို့အတွက် နောက်ပိုင်းမှာ ရီးယဲလ်တို့ တောက်လျှောက်ဖိကစားခဲ့ပေမယ် မိနစ် ၉၀ ပြည့်တဲ့အထိ လိုအပ်တဲ့ ချေပဂိုးမရခဲ့ဘဲပါဘူး။ ဒိုင်လူကြီးက နာကျင်အချိန်ပို ၅ မိနစ်ပေးခဲ့ပြီး တစ်ဖက်သတ်ဖိကစားနေတဲ့ ရီးယဲလ်အတွက် ၉၃ မိနစ်မှာ ရာမို့စ်က ခေါင်းတိုက်ပြီး အဖိုးတန်ချေပဂိုးသွင်းပေးခဲ့ပါတယ်။

ပွဲအပြီးမှာ ၁ ဂိုးစီ သရေဖြစ်နေတာကြောင့် အချိ်န်ပိုဆက်ကစားခဲ့ပြီး အချိန်ပိုမှာလည်း ရီးယဲလ်ကသာ တစ်ဖက်သတ်ဖိကစားခဲ့ကာ မိနစ် ၁၁၀ မှာ ဒီမာရီယာရဲ့ ကန်သွင်းချက် အက်သလက်တီကို ဂိုးသမားနဲ့ထိပြီး ထွက်လာတာကို ကမ္ဘာ့စံချိန်တင်ပြောင်းရွှေ့ကြေးနဲ့ ပြောင်းလာတဲ့ဘေးလ်က ဒေါင့်ကျဉ်းထဲကို ခေါင်းခုန်တိုက်ပြီး အဖိုးတန်အနိုင်ဂိုးသွင်းခဲ့ပါတယ်။ ၁၁၇ မိနစ်မှာတော့ မာဆယ်လိုက နောက်တစ်ဂိုးထပ်သွင်းခဲ့ပြီး အချိန်ပိုနောက်ဆုံးမိနစ်မှာ ပင်နယ်တီကတစ်ဆင့် ရော်နယ်ဒိုက စတုတ္ထမြောက်ဂိုးသွင်းယူခဲ့ပါတယ်။ ပွဲပြီးကာနီးမှာ ရီးယဲလ်နောက်ခံလူဗာရိန်းနဲ့ စကားများပြီး ကွင်းထဲဝင်လာတဲ့ အက်သလက်တီကိုနည်းပြ ဆီမြွန်နီ အနီကဒ်နဲ့ အထုတ်ခံခဲ့ရပါတယ်။

နောက်ဆုံးဗိုလ်လုပွဲတက်ဖို့ ၁၂ နှစ်ကြာစောင့်ခဲ့ရတဲ့ ရီးယဲလ်အတွက် ဒီဖလားဟာ ၁၀ကြိမ်မြောက် ချန်ပီယံလိဂ်ဖလားလည်းဖြစ်ပါတယ်။