ချန်ပီယံလိဂ် ဗိုလ်စွဲခြင်းမှာ အိပ်မက် အကောင်အထည်ပေါ် လာခြင်းဖြစ်သည်ဟု ဘေးလ်ဆို

မေ ၂၅ ၊ ၂၀၁၄
M-Media

– ချန်ပီယံလိဂ်ဖလား ရရှိခဲ့ခြင်းမှာ မိမိ၏ အိပ်မက် အမှန်တကယ်ဖြစ်လာခြင်းဖြစ်ပြီး၊ ချန်ပီယံလိဂ်အောင်မြင်မှုထက် ပိုကြီးသော အရာမရှိဟု ရီးယဲလ်အသင်း၏ ဝေးလ် တိုက်စစ်မှူးဘေးလ်က ပြောကြားခဲ့သည်။

ရီးယဲလ်အသင်းက ၄ ဂိုး ၁ ဂိုးဖြင့်အနိုင်ရရှိခဲ့သည့် အဆိုပါပွဲတွင် အသင်းအတွက် အရေးပါသည့် အနိုင်ဂိုးကို သွင်းယူပေးခဲ့သော ဘေးလ်က အက်သလက်တီကိုမှ ဂေါ့ဒင်၏ ဂိုးဖြင့် ဦးဆောင်ခဲ့သော်လည်း ရီးယဲလ်အသင်း ချန်ပီယံဖြစ်ရေးအတွက် မည်သည့် သံသယမှမရှိဟု ဆိုသည်။

“ဒီရာသီမှာ အက်သလက်တီကို အသင်းနဲ့ ကျွန်တော်တို့ ၄ ကြိမ် ကစားခဲ့ဖူးပါတယ်။ ပွဲတိုင်းဟာ အကြိတ်အနယ်ရှိပြီး ခက်ခဲခဲ့ပါတယ်။ သူတို့ဦးဆောင် ဂိုးရပြီးတဲ့နောက်မှာ သူတို့ကို ဖြိုရခက်သွားပါတယ်။ ကံကောင်းစွာနဲ့ပဲ နာကျင် အချိန်ပိုမှာ ကျွန်တော်တို့ ချေပဂိုးရခဲ့ပြီး အဲဒီဂိုးက ကျွန်တော်တို့ကို အားအင်တွေဖြစ်စေခဲ့ပါတယ်” ဟု ဘေးလ်ကဆိုသည်။

၎င်းသွင်းယူခဲ့သည့်ဂိုးမှာ ၎င်းအားခေါ်ယူခဲ့သည့် ပေါင် ၈၅ သန်းတန်ဖိုးကို ချေနိုင်ခဲ့သည်လားဆိုသည့် အမေးကို ဘေးလ်က ရယ်မော၍ ထိုတန်ဖိုးမှာ မိမိအတွက် အရေးမပါပဲ ပြောင်းရွှေ့ကြေး တစ်ပြားဖြင့် ရောက်လာလျှင်လည်း ကောင်းကောင်းကစားသွားမည်ဟု ပြောကြားခဲ့သည်။