အာဆင်နယ်မှာ ပျော်ရွှင်ကြောင်း ပိုဒေါစကီးပြော

မေ ၂၇ ၊ ၂၀၁၄
M-Media

– အသင်းက ထွက်ခွာခွင့် ပေးမည့် စာရင်းတွင် ပါဝင်လာနိုင်သည့် အာဆင်နယ်တိုက်စစ်မှူး ပိုဒေါစကီးက အသင်းတွင် နေရသည်ကို ပျော်ရွင်သည်ဟု ပြောကြားလိုက်သည်။

၂၀၁၂ ခုနှစ်ကတည်း အာဆင်နယ်အသင်းသို့ ရောက်ရှိလာခဲ့သည့် ပိုဒေါစကီးမှာ ယခုနှစ်တွင် ဒဏ်ရာများနှင့် ရုန်းကန်ခဲ့ရပြီး အာဆင်နယ်အတွက် ၂၇ ပွဲသာ ပါဝင်ကစားနိုင်ကာ ၁၂ ဂိုးသာ သွင်းယူပေးထားနိုင်သည်။ သို့သော်လည်း မိမိအနေဖြင့် အာဆင်နယ်ကို ရွေးချယ်ခဲ့ခြင်းမှာ မှန်ကန်ပြီး စွမ်းဆောင်ရည် ပိုကောင်းလာမည်ဟု ပိုဒေါစကီးကဆိုသည်။

“တကယ်လို့ ကျွန်တော် ဒဏ်ရာရပြီး ၅ လလောက် မနားရဘူးဆိုရင် ဒီရာသီဟာ ပိုကောင်းတဲ့ရာသီဖြစ်လာမှာပါ။ ဘာပဲဖြစ်ဖြစ် ကျွန်တော်ကျေနပ်ပါတယ်။ အဆုံးမှာတော့ ကျွန်တော်ဟာ ပုံမှန်ပွဲထွက်ခွင့်ရသူတစ်ယောက်ဖြစ်လာခဲ့ပြီး ပရီးယားမီးယားလိဂ်မှာ ၈ ဂိုးသွင်းယူကာ ၄ ဂိုး ဖန်တီးပေးနိုင်ခဲ့ပါတယ်” ဟု ပိုဒေါစကီးက သတင်းထောက်များအား ပြောကြားခဲ့သည်။

ထို့ပြင် FA ဖလားအား ရရှိခဲ့ခြင်းမှာ ၉ နှစ်ကြာ ဖလားလက်မဲ့ဖြစ်ခဲ့သည့် အာဆင်နယ်အသင်းအတွက် ကောင်းမွန်သည့်အရာဖြစ်သည်ဟု ထည့်သွင်းပြောကြားခဲ့သည်။