အမေရိကန်တပ်များ အာဖဂန်တွင် နောက်ထပ် ၂ နှစ် ဆက်ရှိနေမည်

မေ ၂၉ ၊ ၂၀၁၄
M-Media

– အာဖဂန်ရှိ အမေရိကန်တပ်များမှာ ယခုနှစ်အကုန်တွင် အားလုံးဆုတ်ခွာမည်မဟုတ်ဘဲ ၂၀၁၆ ခုနှစ်အကုန်မှသာ မိမိတို့၏ စစ်ရေးကျူးကျော်မှုကို အဆုံးသတ်သွားမည်ဟု အမေရိကန်သမ္မတ ဘာရက်အိုဘားမားက ယမန်နေ့တွင် ကြေညာလိုက်သည်။

အာဖဂန်သမ္မတ ဟာမစ်ကာဇိုင်းနှင့် ဖုန်းဖြင့်ဆွေးနွေးပြီးနောက် အိုဘားမားက ယခုကဲ့သို့ ကြေညာခဲ့ခြင်းဖြစ်သည်။ ၂ နှစ်တာအစီအစဉ်အရ ၂၀၁၄ ခုနှစ်နောက်ပိုင်းတွင် အာဖဂန်၌ အမေရိကန်စစ်သား ၈၉၀၀ ကျန်ရစ်နေမည်ဖြစ်ပြီး အာဖဂန် လုံခြုံရေးတပ်များမှာ နိုင်ငံအား ကာကွယ်နိုင်စွမ်းရှိသည်ကို ပြသရမည်ဟု အိုဘားမားက ထည့်သွင်းပြောကြားခဲ့သည်။

အာဖဂန်သမ္မတ ဟာမစ်ကာဇိုင်းက ရွေးကောက်ပွဲ မပြီးခင် အမေရိကန်နှင့် နှစ်နိုင်ငံ လုံခြုံရေးဆိုင်ရာ သဘောတူညီချက်အား လက်မှတ်ရေးထိုးမည်မဟုတ်ဟု စောစောပိုင်းက ပြောကြားထားသည်။ အိုဘာမား၏ ယခုကြေညာချက်ကို လာမည့်လရွေးကောက်ပွဲတွင် ပါဝင်မည့် နိုင်ငံခြားရေးဝန်ကြီးဟောင်း အဘ်ဒူလာ အဘ်ဒူလာနှင့် ဘဏ္ဍာရေးဝန်ကြီးဟောင်း အရ်ှရဖ် ဂနီ အဟ်မဒ်ဇိုင်တို့က ကြိုဆိုကြောင်း AP သတင်းဌာနက ဖော်ပြခဲ့သည်။

၂၀၁၆ နောက်ပိုင်းတွင် အမေရိကန်နှင့် အာဖဂန်တို့မှာ သံတမန်ဆက်သွယ်ရေးသာ ရှိတော့မည်ဖြစ်ပြီး အီရတ်တွင် ပြုလုပ်ထားသည့်အတိုင်း မြို့တော်တွင် လုံခြုံရေး ရုံးခန်းသာ ဖွင့်လှစ်သွားမည်ဟု အမေရိကန်အစိုးရ အကြီးတန်းအရာရှိတစ်ဦးက ယမန်နေ့စောစောပိုင်းတွင် ပြောကြားခဲ့သည်။

Ref: Al Jazeera and agencies