ဘယ်ပညာ သင်ရမှာလဲ

မေ ၂၉ ၊ ၂၀၁၄
M-Media
.ရေးသူ- သဲတပွင့်

ပြီးခဲ့တဲ့ရက်က ပညာရေး မြှင့်တင်မှု ဆွေးနွေးတဲ့အစီအစဉ်တစ်ခုမှာ မေးခွန်းတစ်ခု ကြားခဲ့ကြရပါတယ်။ ဆွေးနွေးမေးမြန်းသူက အစ္စလာမ် ဘာသာရေး စာသင်ကျောင်းက မော်လဝီ ဆရာတစ်ဦးပါ။

အနောက်တိုင်းရဲ့ ပညာရေးစနစ်ကို ကြည့်ပြန်တော့လည်း သူတို့ဆီမှာ ဆယ်ကျော်သက် လူငယ် ကျောင်းသားလေးတွေက သေနတ် တစ်လက်နဲ့ ဆရာတွေ ကျောင်းသားတွေ တွေ့ကရာ ပစ်သတ်တာမျိုးတွေ၊ ကိုယ့်ကိုကိုယ်နဲ့ အခြားသူတွေကို သေကြောင်းကြံတဲ့ ကျောင်းတွင်း အကြမ်းဖက်မှုတွေ မကြာခဏဆိုသလို ကြုံကြရတယ်။ သူတို့ဆီက ကျောင်းတွေအကြောင်း ရိုက်ထားတဲ့ ဗီဒီယိုတွေ ကြည့်ပြန်တော့လည်း မြန်မာ့ယဉ်ကျေးမှုအရဖြစ်စေ၊ ဘာသာတရားတို့ရဲ့ သွန်သင်ချက်နဲ့ဖြစ်စေ တိုင်းတာကြည့်ရင် စိတ်ပျက်စရာ။

နောက်တစ်ပိုင်းကို ကြည့်တော့ အဲဒါရဲ့ ဆန့်ကျင်ဘက် ခေတ်ပညာကို အားမပေးဘဲ ဘာသာရေးသက်သက်သာ သင်ယူကြသင့်တယ် ဆိုသူတွေ ဆိုပြန်တော့လည်း လောလော လတ်လတ် နာမည်ကြီးထားတဲ့ ဘိုကိုဟာရမ် ဆိုသူတို့ကို၊ တာလီဘန် ဆိုသူတို့ကိုပဲကြည့် … အစွန်းရောက်လှတဲ့ အတွေးအခေါ်တွေနဲ့ ဘယ်ဘာသာတရားရဲ့ သွန်သင်ချက်နဲ့ဖြစ်စေမကိုက်ညီတာတွေ မဟုတ်တရုတ်လုပ်ရပ်တွေ လုပ်နေကြတာ တွေ့နေရပါတယ်။ ဒီလိုဆိုရင် ဒီပညာရေးစနစ်ကြီးနှစ်ခုက ဆန့်ကျင်ရာလိုဖြစ်နေလေတော့ ဝိရောဓိကြားမှာ အခက်တွေ့ကြရတဲ့ မြေစာပင်တွေ အကြောင်းတွေကို သူက ဆွေးနွေးပါတယ်။

ပညာရေးကို စိတ်ဝင်တစားရှိသူတစ်ယောက်အနေနဲ့ ကျွန်တော်လည်း အတော်လေး အတွေးပွားမိပါတယ်။
 
တကယ်တော့ ဒီနှစ်ခုမှာ မဆုံနိုင်တဲ့ မျဉ်းပြိုင်တွေ မဟုတ်သလို ဆန့်ကျင်ဘက် ဝိရောဓိဖြစ်စရာလို့လည်း ကျွန်တော်ကတော့ မမြင်မိပါ။ နှစ်ဖက်လုံးမှာ ဖြစ်နေတဲ့ ပြသနာ အစွန်းနှစ်ဖက်ဟာ တကယ်တော့ ပညာရေး စနစ်နှစ်မျိုးလုံးနဲ့ ဘာမှ တိုက်ရိုက် မဆိုင်တဲ့ ပြင်ပ ပယောဂတွေလို့ပဲ မြင်ပါတယ်။

အနောက်တိုင်းက သေကြောင်းကြံ ကျောင်းသားဆိုတာမျိုးကို လေ့လာကြည့်ရင် လူမှုဘဝမှာ တစ်ခုခု အဆင်မပြေတာမျိုးကြောင့် … ဥပမာ မိဘများ ကွဲနေကြတာ၊ ငယ်စဉ်က စိတ်ပိုင်းဆိုင်ရာတစ်ခုခု ကြီးကြီးမားမား ထိခိုက်ခဲ့တာ စတဲ့ psycho problem တစ်ခုခု ရှိခဲ့တာကြောင့် … ဒါမျိုးလုပ်ကြတာမျိုးက အများစုပါ။ ကျောင်းပညာရဲ့ သွန်သင်မှုကြောင့် ဒါမျိုးဖြစ်လာစရာ အကြောင်းမရှိပါ။အနောက်တိုင်းပညာရေးရဲ့ အန္တိမ ပန်းတိုင်ကလည်း လူတော် လူကောင်း နိုင်ငံ သားကောင်း ဖြစ်စေဖို့ပါ။ ဘာသာရေး မလေးစားမလိုက်နာသူတွေဆိုတာတောင်မှပဲ Universal Value တွေဖြစ်တဲ့ တရားမျှတမှု၊ တာဝန်သိတတ်မှု၊ စည်းကမ်းသေဝပ်မှု စတာတွေနဲ့ ပြည့်ဝတဲ့ လူသားကောင်းတွေ ဖြစ်စေတဲ့ ပညာရေးပါ။ ဥပမာ စဉ်းစားကြည့်ရင် ဘယ်ကိစ္စအတွက်မဆို တန်းစီဖို့လိုရင် ဘယ်လိုရာထူးကြီးသူဖြစ်စေ စနစ်တကျ တန်းစီတာမျိုး၊ ညဘက်မီးပွိုင့်မှာ တစ်ဖက်ယာဉ်ကြောမှာ ဘယ်သူမှ မရှိဘဲ ရှင်းနေတာတောင် မီးနီနေရင် မကူးဘဲ စိမ်းတဲ့အထိ စောင့်တတ်တာမျိုးတွေဟာ ဒီ အနောက်တိုင်းသား ခေတ် ပညာတတ်ဆိုသူတွေမှာ တွေ့ရတဲ့ ချစ်စရာ့ ဓလေ့တွေပါ။ (အနောက်နိုင်ငံတွေရဲ့ လူမှုဘဝ ယဉ်ကျေးမှုက ကိုယ်တွေနဲ့ မကိုက်ညီတာက သီးသန့် တစ်ကဏ္ဍ စဉ်းစားရမှာပါ … ဒါလည်း ပညာရေးနဲ့ မဆိုင်ပါ။ ဘာသာတရားကို အလွန်လေးစားသော၊ အရက်မသောက် ဆေးလိပ်မသောက် အပျော်အပါးမလိုက်စားသော အမေရိကန်တွေ ကိုယ်တွေ့ ကြုံဖူးတာတွေလည်း အများအပြားပါ။ အနောက်နိုင်ငံက ဆိုတိုင်းလည်း အရက်ဘားမှာ၊ နိုက်ကလပ်မှာ အချိန်ကုန်ပြီး တစ်ညတစ်ယောက်နဲ့ အိပ်နေတာမျိုး မဟုတ်ပါ။)

နောက်တစ်ပိုင်း … ဘာသာရေးပညာကိုသာ အသားပေးမယ် … ခေတ်ပညာကို ဆန့်ကျင်တယ်ဆိုတဲ့သူတွေဟာလည်း (ရှေးရိုးစွဲဆန်တဲ့ ခေတ်နောက်ပြန်တဲ့ အယူအဆတွေ ရှိတတ်ပေမယ့်လည်း) သာမန်အားဖြင့် ဘဝကို ရိုးသားစွာ ဖြတ်ကျော်ရင်း ကိုယ် ကိုးကွယ်ယုံကြည်ရာ ဘုရားသခင်ရဲ့ အလိုတော် အတိုင်း နေထိုင်ကြသူတွေက များတာပါ။ ရှေ့ပိုင်းမှာ ပြောခဲ့သလို မတော်တရော်တွေ လုပ်နေကြတာက တကယ်တမ်းတော့ ဘာသာတရားရဲ့ သွန်သင်ချက်နဲ့ လားလားမျှ မပတ်သက်ဘဲ ကိုယ့်ရဲ့ ကျင်လည်ခဲ့ရာ ဘဝပေးအခြေအနေတွေကြောင့်ပါ။ (ဥပမာ တာလီဘန်တွေဟာ ရုရှလက်အောက်မှာ အင်မတန် ဘဝနာခဲ့ကြတာပါ။ Rambo 3 နဲ့ The Beast ဆိုတဲ့ ရုပ်ရှင်မျိုးတွေကို ကြည့်ရင် သိပါလိမ့်မယ်။ ထိုနည်းတူ ဘ်ိုကိုဟာရမ်တို့ ကြီးစိုးသွားရာ အာဖရိက နိုင်ငံတွေဟာလည်း အင်မတန် ဆိုးရွားလှတဲ့ ကြမ်းတမ်းလှတဲ့ ခေတ်စနစ်တွေကို ကြုံခဲ့ရပါတယ်။ ဒီအတွက်ကြောင့် သူတို့ဟာ ပညာတစ်ရပ်ရပ်က်ု သေချာ သင်ခွင့်မရဘဲ ရန်လိုတတ်သူ၊ မကောင်းမြင်တတ်သူတွေ ဖြစ်မှန်းမသိ ဖြစ်ခဲ့ကြပါတယ်။) အဲဒီလိုမျိုး ဘဝဆိုးမှာ တွေ့ကြုံဖူးတဲ့ အငုံ့စိတ်ကို အခြေခံ၊ အတ္တကို အခြေခံ၊ နောက်တစ်ပိုင်းကလည်း လက်ရှိ အာဏာရှင်တို့က ကိုယ့်အာဏာစက်တည်မြဲရေးအတွက် လူပြိန်းကြိုက် အလွယ်ဆုံးနည်းလမ်းဖြစ်တဲ့ ဘာသာရေးနာမည်ခံ အသုံးချ မှိုင်းတိုက်လေတော့ မဖြစ်သင့်တာတွေ ဖြစ်နေရတာပါ။ မူလဘူတ ဘာသာတရားရဲ့ အဆုံးအမနဲ့ ဘာမှ မပတ်သက်ပါ။

ခေတ်ပညာ၊ ဘာသာရေးပညာ … ဘယ်လိုပညာကို သင်ကြားထားသူဖြစ်ပါစေ အဲဒီပညာတွေက ပေးတဲ့ အသိကို လက်တွေ့ဘဝမှာ မကျင့်သုံးသမျှ စစ်မှန်တဲ့ ပညာတတ် မဟုတ်ပါ။ ပညာ သိသူသာ ဖြစ်ရင် ဖြစ်ပါမယ်။ ခေတ်ပညာ ဘွဲ့တွေရပြီး မတော်မတရားလုပ်သူတွေ၊ ဘာသာရေးပညာ ဆည်းပူးထားပြီး ဘုရားသခင် မကြိုက်တာ လုပ်သူတွေ စတဲ့ စုံးပြူးအချို့ကို ကြည့်ပြီး သူတို့တွေ သင်ဖူးတဲ့ ပညာရေးကို ကောက်ချက်ချဖို့ အတော်ခက်ပါမယ်။

ကျွန်တော့် အမြင်အရတော့ ဒီပညာနှစ်မျိုးဟာ ငှက်တစ်ကောင်ရဲ့ အတောင်နှစ်ဖက်လိုပါပဲ … နှစ်ဖက်လုံး ဟန်ချက်ညီညီ ရှိတဲ့အခါ အအောင်မြင်ဆုံး အမြင့်မားဆုံး ပျံသန်းနိုင်မှာပေါ့။ နှစ်ဖက်လုံးတတ်သိနားလည်သူတွေ ကိုယ်ကျင့်တရား မြင့်မားသူတွေ၊ တာဝန်ယူတတ်သူတွေ၊ စိတ်ကောင်းရှိသူတွေ၊ လူကိုလူလိုမြင်သူ humanity စိတ်ဓာတ်ရှိသူတွေ မွေးထုတ်နိုင်ကြရမှာပါ။

ဘယ် ဘာသာဝင်ပဲ ဖြစ်ပါစေ ကိုယ်တိုင်နဲ့ ကိုယ့်သားသမီးတွေကို စစ်မှန်တဲ့ ခေတ်ပညာ၊ စစ်မှန်တဲ့ ဘာသာရေးပညာ တတ်သိလိုက်နာကျင့်သုံသော ပြည့်ဝသော လူသားကောင်း ဖြစ်အောင် ပြင်ဆင် လေ့လာ သင်ယူကြရအောင်ပါလေ။