မြစ်ဆုံ စီမံကိန်း ဖျက်သိမ်းရေး စာနယ်ဇင်း ရှင်းလင်းပွဲ၌ ကိုရဲထွဋ်ခေါင်နှင့် မြစ်ဆုံ လမ်းလျှောက်သူများ အချင်းများ

မေ ၂၉၊ ၂၀၁၄
M-Media
လမင်း

ကိုရဲထွဋ်ခေါင် ရှင်းလင်းပြောကြားစဉ်

ရန်ကုန် ။     ။      ယနေ့ပြုလုပ်သော ဧရာဝတီမြစ်ဆုံ စီမံကိန်း ဖျက်သိမ်းရေး စာနယ်ဇင်း ရှင်းလင်းပွဲတွင် ကိုရဲထွဋ်ခေါင် နှင့် မြစ်ဆုံ လမ်းလျှောက်သူမျာုးုရန်ကုန်မြို့မှ မြစ်ကြီးနား မြစ်ဆုံအထိ တိုင်အောင် လမ်းလျှောက်နေစဉ်အတောအတွင်း လမ်းလျှောက်ကြသည့် ကိစ္စရပ်များနှင့်ပတ်သက်ပြီး အချင်းများခဲ့ကြသည်။

မြစ်ဆုံစီမံကိန်းအပြီးသပ် ရပ်ဆိုင်းရေးအတွက် ရန်ကုန်မြို့မှ မြစ်ကြီးနားမြစ်ဆုံ ထိအောင် နိုင်ငံရေး တက်ကြွလှုပ်ရှားသူများသည် မတ်လ ၂၃ ရက်နေ့က ရန်ကုန်မြို့မှ စတင် ထွက်ခွာခဲ့ကြပြီး ဧပြီလ ၁၂ ရက်နေ့တွင် ပုဂံ၌ သဘောထား စတင် ကွဲလွဲခဲ့ကြသောကြောင့် အရှေ့ခြမ်းနှင့် အနောက်ခြမ်း ဟူပြီး ခွဲ၍လမ်းလျှောက်ခဲ့ကြသည်။

“ကျွန်တော်တို့က စထွက်ကတည်းက မြစ်ဆုံစီမံကိန်း ရပ်ဆိုင်းဖို့ဆိုတဲ့ စိတ်နဲ့လျှောက်ကြတာပါ။ စည်းကမ်း မလိုက်နာတဲ့လူတွေကိုတော့ ဆက်လျှောက် ခွင့်မပေးပါဘူး။ နှစ်ဖွဲ့ခွဲလိုက်တဲ့ အချိန်မှာလည်း ကိုသီဟကို ၇ သိန်းပေးလိုက်ပါတယ်” ဟု မြစ်ဆုံအဖွဲ့ကို ဦးဆောင်လမ်းလျှောက်သူ ကိုရဲထွဋ်ခေါင်ကဆိုသည်။

စတင် လမ်းလျှောက်ခဲ့စဉ်က နိုင်ငံရေး အကျဉ်းသားဟောင်းများ အဖွဲ့ချုပ် အနေနှင့် လမ်းလျှောက်ခဲ့ကြသော်လည်း လမ်းလျှောက်နေစဉ် ထိုအဖွဲ့နှင့် သဘောထား ကွဲလွဲမှုများရှိလာသောကြောင့် ၎င်းအဖွဲ့မှခွဲထွက်ပြီး မြန်မာနိုင်ငံလုံးဆိုင်ရာ နိုင်ငံရေး အကျဉ်းသားဟောင်းများ အစည်းအရုံး ဟူသည့်အဖွဲ့ကိုတည်ထောင်ခဲ့ပြီး ဆက်လက် လမ်းလျှောက်ခဲ့ကြကြောင်း ၎င်းအဖွဲ့အသစ် တည်ထောင်ခဲ့သော အဖွဲ့၏ အထွေထွေ အတွင်းရေးမှူးဖြစ်သူ ကိုရဲထွဋ်ခေါင်က ဆက်လက်ပြောကြားခဲ့သည်။

“စထွက်တုန်းက အဖွဲ့ကတစ်မျိုး လမ်းရောက်တော့တစ်မျိုး အဲလို အဖွဲ့အစည်းတစ်ခုကို လမ်မှာ လွယ်လွယ်နဲ့ တည်ထောင်လို့ရတယ်လား လို့မေးချင်ပါတယ်။ ကိုရဲထွဋ်ခေါင်က သူ့ကိုယ်သူနိုင်/ကျဉ်းလို့ ပြောပါတယ်။ သူဟာ နိုင်ငံရေးမှုနဲ့ထောင်ကျခဲ့တာ မဟုတ်ပါဘူး။ ချဲလောင်းကစားမှု နဲ့ထောင်ကျခဲ့တာပါ။ အခုဒီပွဲကိုလည်း ကျွန်တော်တို့ကို ထောက်ပံ့ကြေးငွေ ၅ သောင်းပေးမယ်ဆိုပြီး လိမ်ခေါ်ပါတယ်” ဟု နိုင်ငံရေး အကျဉ်းသားဟောင်း တစ်ဦးဖြစ်သူ ပန်းချီမောင်စိန်က ပြောသည်။

ကိုသီဟ ခေါင်းဆောင်မှုနောက်တွင် လိုက်ပါခဲ့သူ တစ်ဦးဖြစ်သူ ကိုမိုးသူကလည်း လမ်းလျှောက်ရာတွင် ကိုရဲထွဋ်ခေါင်မှာ ပါလာတဲ့သူတွေနဲ့တိုင်ပင်မှု မရှိပဲ ၎င်းစိတ်ကြိုက်နေရေးထိုင်ရေး သွားရေးလာရေးတို့ကိုပြုလုပ်ခဲ့ပြီး ၊ ၎င်းစိတ်ကြိုက် ပါလာသည့်သူများကိုလည်း လမ်းလျှောက်အဖွဲ့မှ ထုတ်ခဲ့ကြောင်း၊ ပွင့်လင်းမြင်သာမှု မရှိသည့် လုပ်ရပ်များကြောင့် မကျေနပ်သည့်သူ များပြားလာကာ ယခုကဲ့သို့ အဖွဲ့နှစ်ဖွဲ့ ကွဲသွားခဲ့ရခြင်းဖြစ်ကြောင်း အဆိုပါ သတင်းစာ ရှင်းလင်းပွဲ၌ ပြောဆိုခဲ့ပါသည်။