သရဲမွေးပြီး အပင်းသွင်း ၊ ဆေးပြန်ကုပြီး ကယ်တင်ရှင်လုပ်တဲ့ အောက်လမ်းဆရာ အာဏာရှင်များ

ဇွန် ၁ ၊ ၂၀၁၄
ရေးသူ- ဦးဦးမှော်ဆရာ

ဖြစ်ရပ်(၁)။ ။ တချိန်က ရုရှားသမ္မတ ဘောရစ်ရဲလ်ဆင်က ဗလာဒီမာပူတင်ဆိုတဲ့ လူတစ်ယောက်ကို ရုရှားနိုင်ငံရေးလောကထဲ ဆွဲခေါ်လာစကဆိုရင် သူ့ကိုသိတဲ့လူ မရှိသလောက်နည်းတယ်။ ပူတင်ဆိုတာ နိုင်ငံရေးမျိုးရိုးလည်းမရှိ၊ နိုင်ငံရေးနောက်ခံ လည်း လုံးဝမရှိတဲ့ ကေဂျီဘီထောက်လှမ်းရေး ဗိုလ်မှုးတစ်ယောက်ပဲ ဖြစ်တယ်။

ဒါပေမဲ့ နောက်သုံးလလောက်အတွင်းမှာ ပူတင်ကို လူတွေ တော်တော်လေး သတိထားမိလာကြတယ်။ ဒီလိုနဲ့ အဲဒီအချိန်မှာ ကျင်းပခဲ့တဲ့ ရွေးကောက်ပွဲမှာ ပူတင်ကို လူတော်တော်များများ ထောက်ခံခဲ့ကြတယ်။ ဘာကြောင့်လဲဆိုတာ ပြန်ဆန်းစစ်ကြည့်ရင် ဒီလိုတွေ့ရတယ်။

ပူတင်နိုင်ငံရေးစင်မြင့်ပေါ် တက်လာတဲ့ အဲဒီသုံးလလောက် အတွင်းမှာ ရုရှားနိုင်ငံတ၀ှမ်းလုံးမှာ နေရာအနှံ့ဗုံးတွေ မကြာခဏ ပေါက်ကွဲခဲ့တယ်။ အဲဒီလို ပေါက်ကွဲမှုဖြစ်တဲ့အခါတိုင်းမှာ ပူတင်က ရောက်လာပြီး အကြမ်းဖက်သမား တွေကို ချက်ချင်း ဖေါ်ထုတ်ပေးခဲ့တယ်။ ဘယ်သူတွေလဲ ဆိုတော့ ချေချင်းညာသူပုန် တွေ လက်ချက်ပဲပေါ့.. ပြီးတော့ ပူတင်က နောက်ဒါမျိုးတွေ ထပ်မဖြစ်လာအောင် ရုရှားနိုင်ငံနဲ့ ပြည်သူလူထုကို ကာကွယ်ပေးမယ်ဆိုတဲ့ ကတိတွေပေးခဲ့တယ်။ ဒီလိုနဲ့ ရွေးကောက်ပွဲမှာ လူထုက ပူတင်ကို ထောက်ခံခဲ့ကြလို့ ၀န်ကြီးချုပ် ဖြစ်လာတယ်။ သမ္မတဖြစ်လာတယ်။ ခုဆိုရင် ရုရှားသမ္မတရာထူးနေရာမှာ ပူတင်တက်ထိုင်နေခဲ့တာ ၁၅ နှစ် လောက်ရှိသွားပြီ။ နောက်ထပ်လည်း ၁၅ နှစ်လောက် အေးအေးဆေးဆေး နေနိုင်မယ့် အခြေအနေရှိတယ်။

အဲဒီလို မကြာခဏဗုံးပေါက်ကွဲမှုတွေ ဖြစ်နေတဲ့အချိန်မှာ မြို့တစ်မြို့မှာ မှတ်မှတ်ရရ အဖြစ်အပျက်တစ်ခု ဖြစ်ပွားခဲ့တယ်။ အကြမ်းဖက်သမားတွေ ဗုံးလာထောင်နေတုန်း အနီးအနားကလူတွေ သတိထားမိပြီး သံသယဖြစ်လို့ ၀ိုင်းရှာကြတော့ တနေရာမှာ တကယ်ပဲ ဗုံးထောင်ထားတာ တွေ့ရတယ်။ ဒီတော့ ရဲစခန်းကိုအကြောင်းကြားပြီး အဲဒီလူတွေက အကြမ်းဖက်သမားတွေကို လိုက်ဖမ်းတာ ၁၅ ကီလိုမီတာအကွာ လောက်မှာ လူနှစ်ယာက်ကို ဖမ်းမိသွားခဲ့တယ်။ ဒီအကြမ်းဖက်သမား နှစ်ယောက် ကိုရိုက်နှက်ပြီး ရဲလက်ထဲ အပ်လိုက်တယ်။ ရဲကလည်း ဗုံးထောင်တဲ့ အကြမ်းဖက် သမားတွေကို စစ်ဆေးတဲ့အခါ ကေဂျီဘီထောက်လှမ်းရေးတွေ ဖြစ်နေတာတွေ့ရတယ်။ ဟိုလူတွေက ရိုက်နှက်ခံရမှာ၊ အဖမ်းခံရမှာကြောက်တဲ့အတွက် ကေဂျီဘီ ထောက်လှမ်းရေး ၀န်ထမ်းကဒ်တွေ ထုတ်ပြလိုက်တာကိုး။ ဒါပေမဲ့ ဒေသခံရဲက လက်မခံဘူး။ ထောက်လှမ်းရေးပဲဖြစ်ဖြစ် ဘာကောင်ပဲဖြစ်ဖြစ် ရဲစခန်းရောက်မှရှင်း ဆိုပြီး ခေါ်သွားတယ်။ စခန်းရောက်တော့ အမှုဖွင့်မယ်၊ ရုံးတင်မယ်၊ ပြီးရင် ထောင် ထဲပို့မယ်ဆိုပြီး လုပ်နေတုန်းမှာပဲ မော်စကိုက အစိုးရထိပ်ပိုင်းအရာရှိတစ်ဦးက အဲဒီ မြို့နယ်ရဲစခန်းကို ဖုန်းဆက်လာတယ်။ ဖုန်းဆက်ပြီး ဘာအမိန့်ပေးတာလဲဆိုတော့ –

“ခုဖမ်းထားတဲ့ ကေဂျီဘီထောက်လှမ်းရေးနှစ်ယောက်ကို ပြန်လွှတ်ပေးလိုက်ပါ။ သူတို့က ခုလို ဗုံးလာထောင်တယ်ဆိုတာ အစမ်းလေ့ကျင့်နေတာ ဖြစ်တယ်။ ရဲတွေရဲ့ စွမ်းရည်ပြည့်ဝမှု ရှိမရှိ သိချင်လို့၊ နောက်ပြီး ဒေသခံပြည်သူတွေရဲ့နိုးကြားမှု ရှိမရှိ စမ်းသပ်ကြည့်တာဖြစ်တယ်” .. တဲ့။ ဒီလို အမိန့်ပေးတဲ့အတွက် ပြန်လွှတ်ပေးလိုက် ရတယ်။ သို့သော်လည်း အဲဒီလို အစမ်းလာလေ့ကျင့်တယ်ဆိုတဲ့ ထောက်လှမ်းရေး နှစ်ယောက်လည်း အပြီးတိုင် ပျောက်ကွယ်သွားခဲ့ပါတယ်။ အဲဒီလူနှစ်ယောက် ဘယ်ရောက်သွားသလဲဆိုတာ ဘယ်သူကမှ မသိရပေမဲ့ နှုတ်ပိတ်သတ်ဖြတ်ခံလိုက်ရပြီလို့ ယူဆရတယ်။ အဲဒီလူနှစ်ယောက်အကြောင်းကို အခွင့်အခါကြုံတိုင်း လွှတ်တော်မှာဖြစ်စေ၊ လွှတ်လပ်တဲ့ သတင်းမီဒီယာတွေကဖြစ်စေ စုံစမ်းစစ်ဆေးဖို့ကြိုးစားတာ သုံးကြိမ်လောက်ရှိခဲ့ပေမဲ့ အစိုးရက ခွင့်မပြုဘဲ ပိတ်ပင်လေ့ရှိခဲ့တာ ခုချိန်ထိပါပဲ..။အဲဒါမျိုး လိမ်ဆင်တွေအများကြီး ဖြစ်ခဲ့ပါတယ်။

အကြမ်းဖက်သမားတွေ နယ်စပ်မှာတိုက်ခိုက်နေကြ သလို၊ ပြည်တွင်းထိပါ ထိုးဖေါက်စိမ့်ဝင်နေပြီလားဆိုတဲ့ စိုးရိမ်မှုနဲ့အတူ စစ်တပ်ရဲ့ အရေးပါမှုအပေါ် လူထုရဲ့အမြင်က ဘယ်လိုဖြစ်လာမလဲ.. အဲဒီထဲမှာမှ အင်မတန်ကံဆိုးစွာနဲ့ အထင်ကရ ဘုရားကြီးတစ်ခုခုမှာ ဗုံးပေါက်ကွဲမှုဖြစ်ပွားခဲ့မယ်ဆိုရင် လူအများစုကြီးရဲ့ တုန့်ပြန်မှု ဘယ်လိုဖြစ်လာမလဲ .. ခြေဥပြင်ဖို့ ကြိုးစားနေတဲ့ကိစ္စ ဘယ်လိုဖြစ်သွားမလဲ ..

ဖြစ်ရပ်(၂)။ ။ (၁၉၄၈/၄၉)တုန်းက အင်မတန်ရက်စက်လွန်းတယ်လို့ နာမည်ကြီးခဲ့တဲ့ သာယာဝတီထောင်မှာ ပုဒ်မ(၅)နဲ့ဝင်နေတဲ့ ကွန်မြူနစ်တွေထဲက အဘိုကြီးတွေကို နှိပ်စက်တဲ့နည်းလမ်းတွေထဲမှာ သြကာသယိမ်းကတာလည်း တနည်းပါတယ်။ ပုဒ်မ(၅) တွေထဲက အသက်(၆၀)ကျော် လေးယောက်စီ မျက်နှာချင်းဆိုင်ရပ်ပြီး ( ဗုဒ္ဒဘာသာဝင်တွေ ဘုရားရှိခိုးရင် ရွတ်ဆိုတဲ့) သြကာသကို တစ်ခွန်းနှစ်ကျော့စီ ဆိုရင်း လက်လှုပ်ခြေလှုပ် က ခိုင်းတာ။ ထောင်မှုးတွေက ခရစ်ယာန်ဘာသာဝင်တွေ။ ည အိပ်ထောင်ကိုပြန်ရောက် တဲ့အခါ ကွန်မြူနစ်အဘိုးကြီး တချို့ တက်တခေါက်ခေါက်နဲ့ လက်စားချေမယ် တကဲကဲ ကျိန်းဝါးခဲ့ကြတာ.. ကျနော်ပြောချင်တာက ဘာသာရေးနဲ့ တို့ပေးလိုက်ရင် ဘယ်သူမဆို ဆပ်ဆပ်ခါသွားတတ်ကြတယ်။

မြန်မာပြည်အကြောင်း ဆက်ပါဦးမယ်။ ဒီနှစ်ဆန်းထဲက သိန်းစိန်အစိုးရဘက်က ရှေ့တန်းတင်ထားတာတွေကိုကြည့်ရင် သန်းခေါင်စာရင်း..၊ အဲဒါပြီးရင် ၀ှိုက်ကတ် ကိစ္စ.. ပြီးတာနဲ့ မျိုးစောင့်ဥပဒေဆိုပြိး (၆)လပိုင်းထိ တန်းစီနေတာတွေ့ရတယ်။ တဘက်မှာလည်း မြေသိမ်း လယ်သိမ်း ဆန္ဒပြမှုတွေအပြင် ခြေဥပြင်ဆင်ဖို့အတွက် လှုပ်ရှားတာတွေက အင်နဲ့အားနဲ့ဖြစ်လာတယ်။ ဒါတွေကိုကြည့်ပြီး ကျနော်ထင်ခဲ့တာက ခုကစလို့ နောက်၂၀၁၅ ရွေးကောက်ပွဲမတိုင်ခင်အတွင်းမှာ မုဒိမ်းမှုတွေထပ်စာရင် ဗုံးပေါက်ကွဲမှုတွေ ဖြစ်နိုင်ချေ ပိုများတယ်လို့ မှန်းထားခဲ့တာ။ ခုလို ဘင်္ဂလားနယ်စပ်မှာ စစ်ဆွယ်မယ့် အကြံအစည်ကို မတွေးမိခဲ့ဘူး။

မီလိုဆီဗစ်တုန်းကလည်း ဆလိုဗေးနီးယား နယ်စပ်မှာ ခုလိုမျိုး စစ်ပွဲတစ်ခုကို ဖန်တီးပြီးတိုက်ခဲ့တယ်။ ခုလည်း နေရင်းထိုင်ရင်း သတင်းမှားတွေ တောက်လျောက် လွင့်ရင်း ကိုယ့်ဘက်က ရန်စတိုက်ခိုက်ပြီး စစ်ဆွယ် ခဲ့တာ။ ဟိုဘက်ဒီဘက် အပြန်အလှန်ပစ်ခတ်တာလောက်ပဲဆိုပေမဲ့ ဒါက အစိုးရအတွက် အကြောင်းပြချက် ကောင်းကောင်းရစေတယ်။ `အာရုံတွေ မများနဲ့.. မင်းတို့ရဲ့ တကယ့် ရန်သူက အနားရောက်နေပြီ´လို့ အချက်ပြလိုက်သလိုပဲ။ ပြီးတော့ ဒီလို အပြန်အလှန် ပစ်ခတ်မှုလေးကိုပဲ စစ်ပွဲကြီးတစ်ပွဲ ဆင်နွဲနေရသယောင် သတင်းတွေဆက်တိုက်လွင့်ပြီး
မြောင်းထဲရောက်နေတဲ့ စစ်တပ်ရဲ့ အနေအထားကို ပြန်ဆွဲတင်ဖို့လုပ်တာ။ `မရှိမဖြစ် တပ်မတော်´ဆိုတဲ့ နေရာကမဆင်းရဖို့ အကြံအဖန်လုပ်တာ။

တကယ်တမ်း RSO တွေ နဲ့ တိုက်ပွဲဖြစ်နေတာမှန်ရင် လူလုံးပြပြီး သတင်းစာရှင်းလင်းပွဲ လုပ်ရမှာပေါ့။ ဘင်္ဂလား ဒေ့ရ်ှအစိုးရကို တရားဝင် ကန့်ကွက်ရဲရမှာပေါ့။ တေ့တေ့ဆိုင်ဆိုင် မေးရင် ဘယ်သူကမှ RSO ပါလို့ တိတိကျကျမဖြေနိုင်ဘဲ သတင်းတွေမှာတော့ RSO တွေနဲ့တိုက်ပွဲဖြစ်နေ
တယ် ဆိုတဲ့ ကောလဟလသတင်းတွေကိုလည်း မငြင်းဘဲ မျောထားပြီး လူထုရဲ့စိတ်ထဲ ယုံထင်ကြောင်ထင်ဖြစ်အောင် လုပ်ထားတယ်။ တဘက်မှာလည်း ဒီသတင်းတွေက တကယ်မှန်သယောင်ယောင် လူထုကို ပိုပြီးသွေးကြွလာအောင် ရခိုင်ရွာတွေမှာ ကိုယ့်ကိုယ်ကို ကာကွယ်ဖို့ဆိုတဲ့ အကြောင်းပြချက်နဲ့ သေနတ် (၁၀)လက်စီ တပ်ဆင်ပေး လိုက်သေးတယ်။

တကယ်လို့ ဒီနောက်ပိုင်းမှာ ရန်ကုန်မြို့ရဲ့ လူစည်ကားရာစတိုးဆိုင်ကြီးတွေ၊ ပန်းခြံ လိုနေရာတစ်ခုခုမှာ ဗုံးပေါက်ကွဲမှုတွေ ဖြစ်လာမယ်ဆိုရင် လူတွေရဲ့ စိုးရိမ်စိတ်တွေ မြှင့်တက်လာနိုင်တယ်။ အရင်တုန်းကတော့ ခင်ညွှန့်တို့၊ ခင်ရီတို့၊ ကျော်ဆန်းတို့က တီဗီရှေ့ပေါ်လာပြီး တရားခံတွေက KNU နဲ့ ABSDF တို့နဲ့ ပြည်တွင်းက အန်အဲလ်ဒီပါတီဝင်တို့ ပူးပေါင်းကြံစည်မှုဖြစ်တယ်လို့ ဖေါ်ထုတ်ခဲ့ကြတာ အကြိမ်ကြိမ်..။ ခုချိန်မှာသာ ဒါမျိူးတွေဖြစ်လာပြီး အစိုးရက RSO နဲ့ ပြည်တွင်းကမွတ်ဆလင်တချို့ ပူးပေါင်းကြံစည်မှုဖြစ်ကြောင်း ဖေါ်ထုတ်ပြခဲ့မယ်ဆိုရင် … အကြမ်းဖက်သမားတွေ နယ်စပ်မှာတိုက်ခိုက်နေကြ သလို၊ ပြည်တွင်းထိပါ ထိုးဖေါက်စိမ့်ဝင်နေပြီလားဆိုတဲ့ စိုးရိမ်မှုနဲ့အတူ စစ်တပ်ရဲ့ အရေးပါမှုအပေါ် လူထုရဲ့အမြင်က ဘယ်လိုဖြစ်လာမလဲ.. အဲဒီထဲမှာမှ အင်မတန်ကံဆိုးစွာနဲ့ အထင်ကရ ဘုရားကြီးတစ်ခုခုမှာ ဗုံးပေါက်ကွဲမှုဖြစ်ပွားခဲ့မယ်ဆိုရင် လူအများစုကြီးရဲ့ တုန့်ပြန်မှု ဘယ်လိုဖြစ်လာမလဲ .. ခြေဥပြင်ဖို့ ကြိုးစားနေတဲ့ကိစ္စ ဘယ်လိုဖြစ်သွားမလဲ .. ၂၀၁၅ ရဲ့ အနေအထား ဘယ်လို ဖြစ်လာမလဲ ..