ဘိုကိုဟရမ်အဖွဲ့အား တွန်းလှန်ရာတွင် ကူညီသွားမည်ဟု OIC အဖွဲ့ကတိပေး

ဇွန် ၄ ၊ ၂၀၁၄
M-Media

– နိုက်ဂျီးရီယားမြောက်ပိုင်းတွင် ကြီးစိုးနေသည့် ဘိုကိုဟရမ်အဖွဲ့၏ ဥပဒေမဲ့ လုပ်ရပ်များ၊ ရာဇ၀တ်မှုများမှာ အစ္စလာမ်သာသနာနှင့် သက်ဆိုင်ခြင်းမရှိဘဲ ထိုအဖွဲ့အား တွန်းလှန်ရာတွင် ကူညီသွားမည်ဟု OIC အဖွဲ့ က ဇွန်လ ၂ ရက်နေ့တွင် ကတိပြု ပြောကြားလိုက်သည်။

“ဘိုကိုဟရမ် သောင်းကျန်းသူအဖွဲ့နဲ့ အစ္စလာမ်နဲ့ ဘာမှ မသက်ဆိုင်ဘူးဆိုတာ ရှင်းလင်းခိုင်မာတဲ့ ကြေညာချက်တွေ ကျွန်တော်တို့ ထုတ်ခဲ့ပြီးပါပြီ။ သူတို့ဟာ ဥပဒေမဲ့လုပ်ရပ်တွေ၊ ရာဇ၀တ်မှုတွေကိုလုပ်တဲ့အဖွဲ့လို့ ကျွန်တော်တို့ သတ်မှတ်ပါတယ်။ အစ္စလာမ်သာသနာဟာ လူသတ်တာတွေ၊ အပြစ်မဲ့တဲ့ ကလေးငယ်တွေကို ပြန်ပေးဆွဲတာတွေကို လုပ်ခိုင်းတဲ့ သာသနာ မဟုတ်ပါဘူး။ နောက်ပြီး ဒီလို လုပ်ရပ်တွေနဲ့လည်း အစ္စလာမ်ကို တန်းညှိလို့ မရပါဘူး” ဟု OIC ၏ အထွေထွေ အတွင်းရေးမှူး အီယဒ် အမီန်း မဒနီက နိုက်ဂျီးရီးယား သတင်းဌာနတစ်ခုဖြစ်သည့် NAN သို့ ပြောကြားခဲ့သည်။

ထို့ပြင် OIC အဖွဲ့မှာ နိုက်ဂျီးရီးယားနှင့် တစ်သားတည်းရှိပြီး သောင်းကျန်းသူ ဘိုကိုဟရမ်အဖွဲ့ကို တွန်းလှန်ရာတွင် ကူညီသွားမည်ဟုလည်း မဒနီက ကတိပြုခဲ့ကာ နိုက်ဂျီးရီးယားရှိ အကြမ်းဖက်ဝါဒတိုက်ဖျက်ရေးအား နိုင်ငံတကာနှင့် ပူးပေါင်းဆောင်ရွက်သွားမည်ဟုလည်း ထည့်သွင်းပြောကြားခဲ့သည်။

“အပြစ်မဲ့တဲ့လူတစ်ယောက်ကို သတ်တာဟာ လူသားအားလုံးကို သတ်တာနဲ့ အတူတူပဲလို့ ကုရ်အာန်ကျမ်းတော်မြတ်ထဲမှာ ရှင်းရှင်းလင်းလင်းပြောထားပါတယ်”

နိုက်ဂျီးရီးယားနိုင်ငံတစ်ဝှမ်း အကြမ်းဖက်တိုက်ခိုက်မှုများကို ပြလုပ်သည်ဟု စွပ်စွဲခံထားရသည့် ဘိုကိုဟရမ်အဖွဲ့မှာ ပြီးခဲ့သည့် ဧပြီလက ဘိုနိုပြည်နယ် ချီဘွတ်မြို့ရှိ စာသင်ကျောင်းမှ ကျောင်းသူ ၂၀၀ ကျော်အား ပြန်ပေးဆွဲခဲ့သည်။ ထိုပြန်ပေးဆွဲမှုအား နိုက်ဂျီးရီးယာနှင့် ကမ္ဘာတစ်ဝှမ်းမှ အစ္စလာမ် အဖွဲ့အစည်းများက ပြင်းပြင်းထန်ထန် ကန့်ကွက်ရှုတ်ချခဲ့သည်။

နိုက်ဂျီးရီးယား အစိုးရက ရှာဖွေမှုများကို ပြုလုပ်နေပြီး မည်သည့်နေရာတွင်ရှိနေကြောင်း သိရှိထားသည်ဟု ပြောကြားထားသော်လည်း ကယ်ဆယ်ရေးလုပ်ငန်းများ လုပ်ဆောင်ရန် နှောင့်နှေးနေသည်။

Ref:OnIslam & News Agencies