သမိုင်းဝင် သိမ်ဖြူ ကွင်းနေရာ အဆောက်အဦးများ ဆောက်ခွင့်ပေး၍ အစိုးရ အဖွဲ့အစည်းများအား တရားစွဲမည်

ဇွန် ၁၁၊ ၂၀၁၄
M-Media
လမင်း

ရန်ကုန်။        ။ ရန်ကုန်မြို့ မင်္ဂလာတောင်ညွှန့်မြို့နယ်အတွင်းရှိသော သိမ်ဖြူအားကစားကွင်းတွင် အထပ်မြင့် အဆောက်အဦးများဆောက်လုပ်ခြင်း အပေါ် တရား လွှတ်တော်ရှေ့နေ ဦးအေးမင်း (ရှေ့နေများကွန်ရက်) နှင့်အတူ ကော်မတီဝင် ၂ ဦးတို့က တရားလိုများပြုလုပ်ကာ တရားစွဲဆိုသွားမည်ဖြစ်ကြောင်း သိရသည်။

မြို့တော် စည်ပင်သာယာရေး ကော်မတီ၊ ရန်ကုန်တိုင်းဒေသကြီး အစိုးရအဖွဲ့၊ မြန်မာ့ ရင်းနှီးမြုပ်နှံမှု ကော်မရှင်နှင့် ကုမ္ပဏီတို့အား တရားစွဲဆို သွားမည်ဖြစ်မည်။ ဇွန်လ ၁၂ ရက်နေ့တွင် သတိပေးစာ တစ်စောင်ပေးပို့သွားမည်ဖြစ်ပြီး သတိပေးစာပေးပို့သည့်နေ့မှ ရက်ပေါင်း ၆၀ ပြည့်သောနေ့တွင် တရားစွဲဆို သွားမည်ဖြစ်ကြောင်းလည်း သိရသည်။

“ကျွန်တော်တို့ တရား ဥပဒေဘောင် အတွင်းကနေပဲ လုပ်ဆောင်သွားမှာပါ။ မြို့နေလူထုကလည်း ဒါကို ဆန့်ကျင်နေကြတာပါ။ တိုင်းတစ်ပါးနဲ့ စာချုပ်ချုပ်ထားတဲ့ မြစ်ဆုံ စီမံကိန်းတောင် ယခုအစိုးရ လက်ထက် ရပ်တန့်ထားလို့ရသေးတာပဲ။ ကျွန်တော်တို့နိုင်ငံမှာ နိုင်ငံသား အချင်းချင်းချုပ်ထားတဲ့ စာချုပ်ကို ဘာလို့ဖျက်လို့ မရတာလည်းလို့ မေးချင်ပါတယ်” တရားလွှတ်တော်ရှေ့နေ ဦးအေးမင်း ကဆိုသည်။

သိမ်ဖြူအားကစားကွင်းသည် ရှေးယခင် အဆက်ဆက်က နိုင်ငံတော်၏ သမိုင်းဝင်နေ့များကို ပြုလုပ်ကျင်းပခဲ့သည့်နေရာဖြစ်ကာ ထိုနေရာသည် သမိုင်းဝင်နေရာ တစ်ခုသာဖြစ်ကြောင်း၊ ယခုကဲ့သို့ အဆောက်အအုံများ ဆောက်လုပ်မည်ဆိုပါက ပြည်သူများ၏ ကျန်းမာရေး၊ လူမှုရေး စသည့် နစ်နာဆုံးရူံးမှုများဖြစ် လာနိုင်မည်ဖြစ်ကြောင်း ၎င်းက ဆက်လက် ရှင်းလင်းပြောကြားခဲ့သည်။

အားကစားကွင်းဆိုတာ ပြည်သူတွေရဲ့ အပန်းဖြေတဲ့နေရာ တစ်ခုဖြစ်ပြီး ယခုကဲ့သို့ အပန်းဖြေရမည့်နေရာများပျောက်ဆုံးနေပြီဖြစ်သောကြောင့် တရားဥပဒေဘောင် အတွင်းကနေပဲ ရင်ဆိုင်ဖြေရှင်း သွားမည်ဖြစ်ကြောင်း ကို နိုင်ငံရေးအကျဉ်းသားတစ်ဦး ဦးလှဌေးကဆိုသည်။

အဆိုပါ သိမ်ဖြူအားကစားကွင်းအား ကာလပေါက်ဈေး ကျပ်သိန်းပေါင်း တစ်သိန်းကျော် တန်ကြေးရှိသော မြေအား ကျပ်သိန်း ၅၀၀၀ မျှဖြင့်သာ လွှဲပြောင်းပေးခဲ့ကြောင်း သိရသည်။ အဆိုပါနေရာတွင် Office Tower 16ထပ်၊ Service Apartment Building 23ထပ်၊ Service Apartment Building 23ထပ်၊ Hotel Tower 21ထပ်  ဆောက်လုပ် လျှက်ရှိနေကြောင်း သိရသည်။

သိမ်ဖြူ အားကစားကွင်းမှာ ၁၉၉၂ တွင်ယာဉ်မောင်းသင်တန်းအဖြစ်စတင်အသုံးပြုခဲ့ပြီး ၂၀၁၂ ခုနှစ်တွင်ပိတ်သိမ်းခဲ့ပြီး ၂၀၁၃ ခုနှစ် ဧပြီလတွင် အဆောက်အအုံများကို စတင်ဆောက် လုပ်ခဲ့ခြင်းဖြစ်ပြီး ယင်းကဲ့သို့ အဆောက်အအုံများဆောက် လုပ်နေခြင်းအပေါ် ပြည်သူများမှ ကန့်ကွက်ဆန္ဒဖော်ထုတ်မှုကို ၄ ကြိမ်တိုင် ပြုလုပ်ခဲ့ပြီး မီဒီယာများအား စာနယ်ဇင်း ရှင်းလင်းပွဲကို ၃ ကြိမ်တိုင်ပြုလုပ်ခဲ့ပြီးဖြစ်သည်။ နိုင်ငံတော်သမ္မတ၊ တိုင်းဒေသကြီး ၀န်ကြီးချုပ်နှင့်တကွ တိုင်းတရားလွှတ်တော် ဥက္ကဌ အပါအ၀င် သက်ဆိုင်ရာဌာနများသို့ အဆောက်အဦးဆောက်လုပ်မှုအား ရပ်ဆိုင်းရန် တရားဝင် စာအကြိမ်ကြိမ်ပေးပို့ခဲ့သော်လည်း ထူးခြားမှု မရှိကြောင်း သိရသည်။